បញ្ហាអសមត្ថភាពផ្លូវភេទលើស្ត្រីគឺទាក់ទងជាមួយនឹងការឆ្លើយតបជាមួយសមត្ថភាពលើគ្រែ ដូចជា បាត់បង់ចំណង់ផ្លូវភេទ មិនអាចឈានដល់កំពូល ឬឈឺចាប់ពេលរួមភេទ។ បញ្ហានេះ ប៉ះពាល់ដល់អារម្មណ៍ និងទំនាក់ទំនងជាមួយដៃគូយើងទៀតផង។ ស្រីៗជាច្រើន កំពុងជួបប្រទះបញ្ហាអសមត្ថភាពផ្លូវភេទ ខណៈបញ្ហានេះ អាចកើតឡើងនៅលើមនុស្សស្រីគ្រប់វ័យ។ ស្រីៗអាចនឹងជួបបញ្ហានេះជាយូរអង្វែង រាល់ពេលរួមភេទ។
បើចេញរោគសញ្ញាទាំងនេះ ស្រីៗយើងកំពុងជួបបញ្ហាអសមត្ថភាពផ្លូវភេទហើយ
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
១. រោគសញ្ញាអសមត្ថភាពផ្លូវភេទលើស្ត្រីមានអ្វីខ្លះ?
រោគសញ្ញាបញ្ហាអសមត្ថភាពផ្លូវភេទលើស្ត្រី អាចកើតមានឡើង អាស្រ័យទៅតាមប្រភេទបញ្ហាអសមត្ថភាព យើងកំពុងជួបប្រទះ ដូចជា៖
– ចំណង់ផ្លូវភេទធ្លាក់ចុះ៖ នេះជារោគសញ្ញា ឃើញឧស្សាហ៍កើតមានជាងគេបង្អស់ ធ្វើឲ្យស្រីៗគ្មានអារម្មណ៍ចង់រួមភេទ ឬចំណាប់អារម្មណ៍រឿងផ្លូវភេទថយចុះ។
– បញ្ហាមិនស្រើបស្រាល៖ ចំណង់ផ្លូវភេទអាចថយចុះ ប៉ុន្តែក៏អាចមានបញ្ហាពិបាក ដោយសារគ្មានអារម្មណ៍ស្រើបស្រាល ឬមិនអាចមានអារម្មណ៍ត្រេកត្រអាលអំឡុងពេលរួមភេទ។
– បញ្ហាមិនអាចឈានដល់ចំណុចកំពូល៖ ស្រីៗមានបញ្ហាអសមត្ថភាពផ្លូវភេទ ប្រហែលជាពិបាកនឹងឈានដល់ចំណុចកំពូលណាស់ ទោះបីជា ដៃគូខាងប្រុស ប្រើវិធីសាស្ត្រដាស់អារម្មណ៍ត្រេកត្រអាលយ៉ាងណាក៏ដោយ។
– ឈឺចាប់ពេលរួមភេទ៖ អាចមានការឈឺចាប់ពេលរួមភេទ ឬពេលមានអ្វីមួយប៉ះទៅលើទ្វារមាស។
បើស្រីៗកំពុងតែមានរោគសញ្ញាដូចបានរៀបរាប់ខាងលើ ឬមានចម្ងល់អ្វីមួយ គួរពិភាក្សាជាមួយគ្រូពេទ្យ ព្រោះរាងកាយមនុស្សម្នាក់ៗមានសកម្មភាពខុសៗគ្នា។ ល្អបំផុត ពិភាក្សាជាមួយគ្រូពេទ្យ ដើម្បីស្វែងរកដំណោះស្រាយដ៏ល្អមួយ។
២. តើបញ្ហាអសមត្ថភាពផ្លូវភេទលើស្រ្តីបង្កមកពីអ្វី?
– កាយសម្បទា៖ បើយើងមានផ្ទុកជំងឺកាន់តែច្រើនមុខ ដូចជា មហារីក ខ្សោយតម្រងនោម ពុកឆ្អឹង ជំងឺបេះដូង និងបញ្ហាទាក់ទងជាមួយប្លោកនោម សុទ្ធតែអាចវិវត្ដទៅរកបញ្ហាអសមត្ថភាពផ្លូវភេទបាន។ មានថ្នាំពេទ្យមួយចំនួន ក៏រួមចំណែកក្នុងបញ្ហានេះដូចគ្នា ដូចជាថ្នាំព្យាបាលជំងឺថប់បារម្ភ ថ្នាំលើសឈាម ថ្នាំប្រឆាំងជាមួយហ៊ីស្តាមីន និងពពួកថ្នាំគីមីជាដើម ដែលអាចធ្វើឲ្យចំណង់ផ្លូវភេទថយចុះ ឬមិនអាចឈានដល់ចំណុចកំពូលបាន។
– កត្តាអ័រម៉ូន៖ នៅពេលអ័រម៉ូនអឺស្ត្រូសែនថយចុះ ក្រោយដល់វ័យអស់រដូវ នឹងធ្វើឲ្យមានបម្រែបម្រួលជាលិកានៅជុំវិញទ្វារមាស និងការឆ្លើយតបរបស់ទ្វារមាសដូចគ្នា។ ពេលអ័រម៉ូនអឺស្ត្រូសែនថយចុះ នឹងធ្វើឲ្យលំហូរឈាមហូរចុះមកកាន់តំបន់ត្រគាកថយចុះដែរ ជាហេតុយើងត្រូវការពេលយូរជាធម្មតា ដើម្បីឈានដល់ចំណុចកំពូល ឬមានសម្រើប។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
– កត្តាផ្លូវចិត្ត និងសង្គម៖ បើមាន ជំងឺបាក់ទឹកចិត្ត ឬជំងឺថប់បារម្ភ ស្ត្រេសរយៈពេលយូរ ឬមានប្រវត្ដិធ្លាប់ទទួលរងការបៀតបៀនផ្លូវភេទ អាចក្លាយជាមូលហេតុ ឬជាកត្តាបង្កបញ្ហាអសមត្ថភាពផ្លូវភេទ។ បញ្ហាបារម្ភខ្លាចមានផ្ទៃពោះ ឬមានបំណងចង់បានកូនខ្លាំង ក៏មានផលប៉ះពាល់ស្រដៀងគ្នានេះដែរ។
ក្នុងករណីបញ្ហានេះមិនបានរំខានដល់យើង នោះក៏មិនចាំបាច់ទទួលការព្យាបាលដែរ ដោយសារបញ្ហាអសមត្ថភាពផ្លូវភេទ អាចមានរោគសញ្ញា និងមូលហេតុជាច្រើន ការព្យាបាល ក៏មានច្រើនរបៀបទៅតាមហ្នឹងដូចគ្នា។ ដូចនេះ ជារឿងសំខាន់ ត្រូវស្វែងយល់ពីខ្លួនយើង ដឹងថាវាមានភាពមិនប្រក្រតីអ្វីខ្លះកំពុងតែកើតឡើង ពិតជាប៉ះពាល់ដល់ការរស់នៅដែរឬទេ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម