home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រឿង​គួរ​ធ្វើ​ និង​មិន​គួរ​ធ្វើ​ បើចង់ឲ្យ​ក្រចក​ស្អាត

រឿង​គួរ​ធ្វើ​ និង​មិន​គួរ​ធ្វើ​ បើចង់ឲ្យ​ក្រចក​ស្អាត

សម្រស់​ស្រស់​ស្អាត​ អ្នក​ណា​ឃើញ​ក៏​សរសើរ​ គឺ​ជា​អ្វី​ដែល​ស្រីៗ​យើង​តែងតែ​ប្រាថ្នា​ចង់​បាន។​ ពិត​ណាស់​ ការ​ថែទាំ​សម្រស់​​គឺ​ជា​រឿង​ចាំបាច់​បំផុត​ មិនថា​​ផ្នែក​ណា​នៃ​រាងកាយ​នោះ​ទេ​ វា​សុទ្ធសឹងតែ​ជួយ​លើក​សម្រស់​របស់​យើង​ឲ្យ​កាន់​តែ​មាន​ភាព​លេចធ្លោ​ទ្វេដង។​ នៅ​ពេល​ដែល​យើង​យក​ចិត្ត​ទុកដាក់​ចំពោះ​ស្បែក​មុខ ស្បែក​ខ្លួន​ និង​សក់​ ​យើង​ក៏​​មិន​គួរ​ភ្លេច​ថែទាំ​ក្រចក​ផង​ដែរ​។ ​ម្រាម​ដៃ​ស្រឡូន​ស្អាត​ ត្រូវ​តែ​ជា​គូ​នឹង​ក្រចក​ដែល​មាន​សុខភាព​ល្អ​ និង​រឹងមាំ​ ក៏​ដូចជា​មើល​ទៅ​ស្រស់​ស្អាត​​និង​មាន​របៀប​រៀបរយ​​។

ផ្ទុយ​ទៅ​វិញ​ បើ​យើង​​មិន​ថែទាំ​ក្រចក​ជា​ប្រចាំ​ទេ​នោះ​ វា​នឹង​លេច​ឡើង​នូវ​ចំណុច​​សៗ​នៅ​លើ​ក្រចក​ ឬ​ក៏​មាន​ពណ៌​ខុស​ប្រក្រតី​ ឬ​រហែក​ ក៏​ដូចជា​​ស្លេកស្លាំង​ជា​ដើម​។ ហេតុនេះ​ហើយ​​ ការ​ចំណាយ​ពេល​បន្តិច​បន្តួច​ ដើម្បី​បាន​ក្រចក​ដ៏​ភ្លឺ​ចែងចាំង​ និង​ពោរពេញ​ទៅ​ដោយ​មន្ត​ស្នេហ៍​ គឺ​ជា​រឿង​ដែល​ចាំបាច់​បំផុត​​សម្រាប់​ស្រី​ៗ​យើង​។

ចំណុច​​គួរ​ធ្វើ​

.​ ផ្ដល់​សំណើម​ដល់​ក្រចក

ក្រចក​ដ៏​ដូច​គ្នា​ទៅ​នឹង​ផ្ទៃ​មុខ​យើង​ដែរ​ ដែល​ត្រូវការ​សំណើម​ជា​ចាំបាច់​។ ការ​ផ្ដល់​សំណើម​នេះ​ នឹង​ធ្វើ​ឲ្យ​ក្រចក​​​ក៏ដូចជា​ស្បែក​គល់​ក្រចក​មាន​សុខភាព​ល្អ និង​ភ្លឺរលោង​ ព្រមទាំង​ជួយ​ការពារ​ក្រចក​ កុំឲ្យ​អោយ​ឆាប់​បាក់​ផង​ដែរ​។

. វីតាមីន​Biotinនិង​ស័ង្កសី

ប្រសិនបើ​ក្រចក​យើង​ឧស្សាហ៍​បាក់​ យើង​គួរ​តែ​ទៅ​​ពិគ្រោះ​យោបល់​​ជាមួយ​នឹង​គ្រូពេទ្យ​អំពី​ប្រភេទ​វីតាមីន​ជំនួយ​ក្រចក​ដូចជា​បាយអូទីន (Biotin) និង​ស័ង្កសី​ ​ដែល​​ជួយ​ឲ្យ​ក្រចក​រឹងមាំ​ និង​ក្រាស់​ល្អ។

ថែក្រចកដៃ

. កុំ​ភ្លេច​ពាក់​ស្រោម​ដៃ​​ពេល​លាង​ចាន

ចូរ​ពាក់​ស្រោម​ដៃ​នៅ​រាល់​ពេល​ដែល​យើង​លាង​សម្អាត​ចាន​។ ពិត​ណាស់​ សារជាតិ​កាត់​នៅ​ក្នុង​សាប៊ូ​លាង​ចាន​ អាច​បំផ្លាញ​ដល់​ក្រចក​ដ៏​ស្រស់​ស្អាត​របស់​យើង​ដោយ​​មិន​ដឹង​ខ្លួន​ ដែល​ធ្វើ​ឲ្យ​ក្រចក​យើង​ទន់​ ងាយ​បាក់​ និង​ឡើង​ពណ៌​លឿង​ថែម​ទៀត​ផង​។

. សម្លាប់​មេរោគ​ឧបករណ៍​ធ្វើ​ក្រចក​

ឧបករណ៍​ធ្វើ​ក្រចក​ចាំបាច់​ត្រូវ​​តែ​ស្អាត​ និង​មាន​អនាម័យ​​ ដើម្បី​ការពារ​យើង​ពី​បាក់តេរី ឬ​មេរោគ​ផ្សេងៗ​។ ចូរ​សម្លាប់​មេរោគ​​ក្រោយ​ប្រើ​ ឬ​ផ្លាស់ប្ដូរ​ថ្មី​ជា​ប្រចាំ​។​

​​. អនាម័យ​ក្រចក

នៅ​ពេល​ដែល​យើង​លាង​ដៃ​ ​យើង​​​ក៏​ចាំបាច់​ត្រូវ​លាង​សម្អាត​ក្រចក​ឲ្យ​បាន​ស្អាត​ល្អ​ផង​ដែរ​ ដើម្បី​ជម្រះ​រាល់​ធូលី​ដី​ ​ក៏​ដូចជា​មេរោគ​ផ្សេងៗ​ចេញ​ពី​ក្រចក​។​ ម្យ៉ាង​វិញ​ទៀត​ ការ​កាត់​តម្រឹម​ក្រចក​ជា​ប្រចាំ​ ក៏​ជា​រឿ​ង​ដែល​យើង​មិន​​គួរ​មើល​រំលង​ដែរ​ ព្រោះ​នៅ​ពេល​ដែល​ក្រចក​ខ្លី វា​នឹង​មាន​ភាព​រឹងមាំ​ ព្រម​ទាំង​​មិន​ងាយ​បាក់​​ផង​ដែរ​​។

ចំណុច​មិន​គួរ​ធ្វើ

​​​​​. កុំ​ខាំ​ក្រចក

ស្បែក​គល់​ក្រចក​គឺ​ជា​រនាំង​ការពារ​​បែប​ធម្មជាតិ​មួយ​ ដែល​ធ្វើ​ឲ្យ​ពពួក​ផ្សិត​ និង​បាក់តេរី​មិន​ហ៊ាន​មក​បៀតបៀន​។ ​ប៉ុន្តែ​ បើ​យើង​បំផ្លាញ​រនាំង​នេះ​ដោយ​​ការ​​ខាំ​ក្រចក​ វា​​អាច​នឹង​ធ្វើ​ឲ្យ​រាងកាយ​​​​យើង​ឆ្លង​មេរោគ​ និង​ឧស្សាហ៍​មាន​ជំងឺ​ផ្សេង​ៗ​។

. កុំ​​ទាញ​សាច់​ដុះ​នៅ​គល់​ក្រចក​ចេញ

ស្រីៗ​យើង​ខ្លះ​ចូលចិត្ត​ទាញ​សាច់​ដុះ​នៅ​គល់​ក្រចក​ចេញ​ភ្លាម​ៗ​ ដោយ​ដៃ​ផ្ទាល់​។​ ប៉ុន្តែ​ការ​ធ្វើ​បែប​នេះ ​នឹង​អាច​ធ្វើ​ឲ្យ​ជាលិកា​ដែល​នៅ​រស់​ដាច់​ទៅ​ជាមួយ​ ដែល​បណ្ដាល​ឲ្យ​ចេញ​ឈាម​​ថែម​ទៀត​ផង​។ ចូរ​ប្រើ​កន្ត្រៃ​កាត់​ក្រចក​ជំនួស​វិញ​ ​បើ​អ្នក​មិន​ចង់​ឲ្យ​ឆ្លង​មេរោគ​តាម​សាច់​ដែល​ដាច់​ចេញ​ឈាម​​ទេ​នោះ​។

. កុំ​ប្រើ​​ទឹក​ជូត​ក្រចក​ញឹកញាប់​ពេក

​​​​​​ការ​ប្រើ​ទឹក​ជូត​ក្រចក​ញឹកញាប់​ពេក​ វា​នឹង​ធ្វើ​ឲ្យ​ក្រចក​ខ្សោយ​ និង​ងាយ​បាក់​។ ដូចនេះ​ យើង​គួរ​តែ​កាត់​បន្ថយ​ការ​ប្រើ​ទឹក​ជូត​ ក៏​ដូចជា​ជ្រើសរើស​ទឹក​ជូត​ក្រចក​​ណា​ដែល​គ្មាន​ជាតិ​អា​សេ​តូន។ ​​​

​​​. កុំ​ភ្លេច​លាប​ទឹក​រលោង​​ មុន​ពេល​លាប​​ថ្នាំ​ក្រចក

ការ​លាប​ទឹក​រលោង​ គឺ​ជា​ជំហាន​មួយ​ដែល​ចាំបាច់​បំផុត​។ ប្រសិនបើ​​យើង​លាប​ថ្នាំ​ក្រចក​ផ្សេង​យក​​តែ​ម្ដង​ វា​នឹង​​ធ្វើ​ឲ្យ​ក្រចក​យើង​ក្លាយ​ទៅ​ជា​ពណ៌​លឿង​ ឬ​ប្រផេះ​។

.​ កុំ​ប្រើ​ប្រដាប់​រូស​ក្រចក​រួម​គ្នា

​​​ពពួក​បាក់​តេរី​ និង​មេរោគ​ផ្សេង​ៗ​ តែង​តែ​សម្ងំ​លាក់​ខ្លួន​នៅ​ក្នុង​ប្រដាប់​រូស​ក្រចក​ ដូចនេះ​ ការ​ប្រើប្រាស់​ឧបករណ៍​ធ្វើ​​ក្រចក​របស់​អ្នក​ដទៃ​ គឺ​ប្រៀប​ដូចជា​ផ្ទេរ​យក​នូវ​បាក់​តេរី​ទាំង​នោះ​ចូល​ក្នុង​រាងកាយ​របស់​យើង​​ដូច្នោះ​ដែរ​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 16/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x