ប្រាកដហើយថា អ្នកចង់ចាកចេញ?
ពិតណាស់ បញ្ហាមុនតែងតែជាកង្វល់របស់មនុស្សស្រីគ្រប់រូប។ មិនថាយើងមានស្បែកងាយកើតមុន ឬកើតមុនម្ដងម្កាលក៏ដោយ ស្រីៗយើងនឹងមានការព្រួយបារម្ភនៅពេលដែលឃើញមុនលេចឡើងលើផ្ទៃមុខដ៏ស្រស់ផូរផង់របស់ខ្លួន។ យ៉ាងណាមិញ ប្រសិនបើគ្នាយើងចង់បានស្បែកស្អាតគ្មានមុន និងភ្លឺស្រស់ថ្លា ជាពិសេសនៅអំឡុងពេលរដូវក្ដៅនេះតែម្ដង ចូរអនុវត្តតាមវិធីសាស្ត្រដូចខាងក្រោមនេះ។
មូលហេតុដែលបណ្ដាលឲ្យកើតមុននៅរដូវក្ដៅ
កម្ដៅ និងសំណើមក្នុងរដូវក្ដៅអាចធ្វើឲ្យយើងបែកញើសខ្លាំង ដែលបណ្ដាលឲ្យស្បែកប្រែទៅជាស្អិតជាងធម្មតា។ ស្បែកងាប់ប្រមូលផ្ដុំជាកម្ទេចកំទីនៅលើផ្ទៃខាងក្រៅ ហើយលាយជាមួយនឹងខ្លាញ់ស្អិត វានឹងបង្កើតជាបរិយាកាសអុកស៊ីសែនមិនល្អនៅក្រោមស្បែក ដែលធ្វើឲ្យបាក់តេរីកើនឡើងទ្វេដង។ កត្តានេះនឹងបណ្ដាលឲ្យមានការរលាកស្បែក ដែលនាំឲ្យកើតមុន។
ដើម្បីកម្ចាត់រាល់បញ្ហាមុន នៅអំឡុងពេលរដូវក្ដៅ ដែលចូលមកបិទបាំងភាពស្រស់ស្អាតនៃផ្ទៃមុខ ស្រីៗគប្បីអនុវត្តតាមវិធីសាស្ត្រទាំងនេះ។
១. ជៀសវាងញ៉ាំអាហារ និងភេសជ្ជៈមួយចំនួន
ជាក់ស្ដែង កម្ដៅធ្វើឲ្យយើងចង់ផឹកភេសជ្ជៈដែលមានជាតិស្ករ។ ការរក្សាជាតិទឹកក្នុងរាងកាយពិតជាមានសារសំខាន់ណាស់នៅក្នុងរដូវក្ដៅនេះ ប៉ុន្តែស្រីៗយើងមិនគួរជ្រើសរើសភេសជ្ជៈដែលមានជាតិស្ករខ្ពស់ ឬជាតិអាកុលឡើយ។ ភេសជ្ជៈដែលមានជាតិស្ករ និងអាហារសម្រន់មានជាតិស្ករច្រើន អាចបង្កើនឱកាសនៃការកើតមុន។ អាហារដែលមានសន្ទស្សន៍ជាតិស្ករខ្ពស់ អាចជះឥទ្ធិពលដល់កម្រិតជាតិស្ករក្នុងឈាម ដែលធ្វើឲ្យអាំងស៊ុយលីនកើនឡើង ហើយការកើនឡើងនៃការផលិតអាំងស៊ុយលីន អាចបង្កើនការផលិតជាតិខ្លាញ់ ដែលធ្វើឲ្យស្ទះរន្ធញើស ជាហេតុបណ្ដាលឲ្យកើតមុន។
២. ជ្រើសរើសក្រែមការពារកម្ដៅថ្ងៃដែលគ្មានជាតិប្រេង
នៅក្នុងរដូវក្ដៅនេះ គ្នាយើងតែងតែប្រើប្រាស់ក្រែមការពារកម្ដៅថ្ងៃជាប្រចាំ។ ប៉ុន្តែក្រែមប្រភេទខ្លះមានជាតិប្រេងខ្លាំង ហើយការលាបផលិតផលបន្ថែមទៀត ពីលើស្រទាប់ក្រែមការពារកម្ដៅថ្ងៃដែលមានជាតិប្រេង អាចធ្វើឲ្យស្បែករបស់យើងមិនអាចដកដង្ហើមបាន។ ជាលទ្ធផល យើងនឹងឃើញរន្ធញើសកកស្ទះព្រមទាំងលេចឡើងនូវមុនរដូវក្ដៅ។
៣. ផ្ដល់សំណើមដល់ស្បែកជារៀងរាល់ថ្ងៃ
ទោះបីជាយើងមានស្បែកខ្លាញ់ក៏ពិតមែន ប៉ុន្តែការផ្ដល់សំណើម និងជាតិទឹកដល់ស្បែកនៅតែជារឿងសំខាន់។ ជាធម្មតា ស្បែកនឹងបាត់បង់គុណភាពនៅពេលដែលគ្មានជាតិសំណើម។ ដូច្នេះហើយ ស្រីៗយើងគប្បីប្រើប្រាស់ក្រែមផ្ដល់សំណើមដែលមានអាស៊ីដHyaluronic ដែលមានភាពស្រាល និងមិនមានជាតិប្រេង។
៤. ជម្រុះកោសិកាចាស់ៗចេញ
ដើម្បីជៀសវាងការកើតមុន ចូរជម្រុះកោសិកាចាស់ៗជាប្រចាំ។ ការកម្ចាត់ជាតិពុល និងភាពកខ្វក់ដែលមាននៅលើរន្ធញើស នឹងធ្វើឲ្យស្បែកត្រលប់មករកសភាពល្អប្រសើរឡើងវិញ។ ចូរជ្រើសរើសក្រែមជម្រុះកោសិកាចាស់ៗដែលមានអាស៊ីដGlycolic។
៥. លាងសម្អាតមុខជាមួយនឹងទឹកធម្មតា
ប្រសិនបើយើងមានស្បែកប្រភេទខ្លាញ់ ហើយតែងតែប្រើប្រាស់ហ្វូមលាងមុខ ឬសាប៊ូច្រើនដងក្នុងមួយថ្ងៃ ចូរបញ្ឈប់ជាបន្ទាន់។ ការប្រើប្រាស់ហ្វូមច្រើនពេក អាចប៉ះពាល់ដល់ស្បែក ព្រមទាំងបង្អាក់តុល្យភាពអាស៊ីដAlkaliនៃស្បែក។ រីឯការត្រដុសមុខ ក៏អាចធ្វើឲ្យកើតមានបញ្ហាមុនផងដែរ។ ដូច្នេះហើយ គ្នាយើងគួរប្រើទឹកធម្មតា ហើយលាងមុខឲ្យបានញឹកញាប់ នៅអំឡុងពេលថ្ងៃ និងលាងជាមួយនឹងហ្វូមលាងមុខត្រឹមតែពីរដងក្នុងមួយថ្ងៃ គឺគ្រប់គ្រាន់ហើយ។
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://parenting.firstcry.com/articles/magazine-simple-ways-to-deal-with-summer-pimples-and-acne/
