តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ខ្ជិលទៅពេទ្យ?​​ វិធីបំបាត់​ស្នាមមុនបែប​ធម្មជាតិ​ អាចជួយបាន

    ខ្ជិលទៅពេទ្យ?​​ វិធីបំបាត់​ស្នាមមុនបែប​ធម្មជាតិ​ អាចជួយបាន

    គ្នាយើង​ណា​ខ្លះ ថា​ព្យាបាល​មុន​ចាយ​អស់ច្រើន? មិន​ប្រាកដ​ទេ អាស្រ័យ​លើ​ការ​សម្រេច​ចិត្ត​របស់​យើង​ប៉ុណ្ណោះ ថា​តើ​ចង់​បាន​មធ្យោបាយ​ដោះស្រាយ​សម្អាត​មុន​យ៉ាង​ម៉េច។ បើ​ខ្ជិល​ស្មុគស្មាញ​រឿង​ណាត់​ជួប​ពេទ្យ ឬ​ទៅ​កន្លែង​កែសម្ផស្ស ព្យបាល​នៅ​គ្លីនិក​ច្រើន សាក​វិធី​ងាយៗនៅ​ផ្ទះ​នេះ​មើល៎ ក្រែង​បាន​ផល។

    ១- ចំណិតប៉េងប៉ោះ

    សម្បូរ​សារ​ធាតុ​ប្រឆាំង​អុកស៊ីតកម្ម ដូច​ជា​ វីតាមីន A និង​ការូ​ទែន (Carotenes)។ វីតាមីន​ A ​ជួយ​ឲ្យ​ស្បែក​ឆាប់​ជា ដោយ​សារ​បញ្ហា​មុន​ និង​បញ្ហា​ស្បែក​ដទៃ​ទៀត​ ធ្វើ​ឲ្យ​សភាព​ស្បែក​ល្អ​ប្រសើរ​ជាង​មុន។ គួរ​បិទវា​នៅ​ពេល​ល្ងាច​ ហើយ​ទុក​ប្រហែល ១០នាទី ចាំ​លាង​ចេញ។

    ២- ទឹកកក

    ទឹក​កក​​ជួយ​បន្តឹង​រន្ធ​រោម​លើ​ស្បែក។ ភាព​ត្រជាក់​ចេញ​ពី​ទឹក​កក ជួយ​បន្ថយ​ទំហំ​សរសៃ​ឈាម បន្ថយ​ការ​រលាក​បាន។ ទោះ​មិន​អាច​ព្យាបាល​ស្នាម​មុន​ក៏​ពិត​មែន ប៉ុន្តែ​អាច​ជួយ​បន្ថយ​ការ​ឡើង​ក្រហម ហើម​មុន​ និង​ធ្វើ​ឲ្យ​សភាព​ស្នាម​ប្រសើរ​ជាង​មុន។ ស្អំ​ប្រហែល​ ១០-១៥ នាទី​ ដោយ​ប្រើ​ប្លាស្ទិក​ទ្រាប់ ​ដើម្បីកុំ​ឲ្យ​​កោសិកា​ស្បែក​ខូច ហើយ​ទឹកកក​ត្រូវ​ស្អាត ចៀស​វាង​​មានមេ​រោគ។

    ៣- ទឹកក្រូចឆ្មារ

    មាន​ជាតិ​ជម្រះ​ខ្លាំង អាច​លាប​ទឹក​ក្រូច​ឆ្មារ កន្លែង​មាន​មុន ទុក​ចោល​ប្រហែល​ ២-៣ នាទី ចាំ​លាង​ចេញ។ សារធាតុ​មាន​ក្នុង​ទឹក​ក្រូចឆ្មារ ជួយ​ឲ្យ​ស្នាម​រលុប​ពេល​ប្រើ​យូរ​ ហើយ​យើង​អាច​យក​មក​ខាត់​ស្បែក​ក៏​បាន ព្រោះ​វា​ជួយ​ជម្រះ​កោសិកា​ងាប់ ផលិត​ស្រទាប់​ស្បែក​ថ្មី និង​ធ្វើ​ឲ្យ​ស្នាម​រលុប​ជាង​មុន​ ប៉ុន្តែ​ត្រូវ​ប្រើ​ក្រូច​ឆ្មារ​ស្រស់។

    ៤- ប្រេងអូលីវ

    លាប​ប្រេង​អូលីវ​លើ​ស្បែក​មាន​បញ្ហា ហើយ​​​​​ម៉ាស្សា​ថ្នមៗ ជួយ​ឲ្យ​ស្បែក​ស្រូប​យក​សារធាតុ​ប្រេង​បាន​ល្អ។ ដើម្បី​ឲ្យ​មាន​លទ្ធ​ផល​ល្អ គួរ​កម្ដៅ​ប្រេង​អូលីវ​ប្រហែល ១០វិនាទី ឲ្យ​ក្តៅ​ល្មមៗ រួច​លាប​លើ​ស្បែក​កើត​មុន ហើយ​ផ្អាប់​ទុក​ចោល​កុំ​ឲ្យ​លើស ១០​នាទី ហើយ​លាង​សម្អាត។

    ៥- ប្រេងដើមតែ

    ប្រេង​ដើម​តែ ភាគ​ច្រើន​ត្រូវ​គេ​ចម្រាញ់​ចេញ​ពី​ស្លឹក​តែ។ ប្រេង​នេះ ជា​យូរ​មក​ហើយ ត្រូវ​គេ​ប្រើ​សម្រាប់​ព្យាបាល​សម្លាប់​មេរោគ និង​ផ្សិត។ វា​អាច​សម្លាប់​បាក់តេរី​មុន Propionibacterium និង​បាក់តេរី​ផ្សេងៗ​ដែល​បង្ក​ឲ្យ​ស្បែក​មាន​បញ្ហា។ ប្រេង​ដើម​តែ​នេះ ត្រូវ​គេ​ចាត់​ទុក​ថា​ជា​ការ​ព្យាបាល​ទូទៅ​មួយ ក្នុង​ចំណោម​វិធី​សាស្ត្រ​បំបាត់​មុន និង​ស្នាម​មុន។

    អាច​លាប​ប្រេង​នេះ​ផ្ទាល់​លើ​ស្បែក​មាន​បញ្ហា​មុន។ ប្រេង​នេះ​ប្រើ​បាន​សម្រាប់​តែ​លាប​លើ​ស្បែក​ប៉ុណ្ណោះ ហាម​លេប​ចូល​ពោះ ព្រោះ​អាច​ពុល។ យ៉ាង​ណា វា​ក៏​អាច​បង្ក​ឲ្យ​មាន​ប្រតិកម្ម​ស្បែក ដូចជា រមាស់ រោល ចំពោះ​ស្បែក​គ្នា​យើង​មួយ​ចំនួន រហូត​ដល់​រលាក​ស្បែក​ក៏​មាន។ អ៊ីចឹង មុន​ប្រើ​ប្រេង​នេះ សូម​ប្រឹក្សា​ជាមួយ​ពេទ្យ​សើ​ស្បែក​ជាមុន ឬ​សាកល្បង​លាប​បន្តិច​ត្រង់​កន្លែង​តូច​ណា​មួយ​ក៏​បាន។

    បញ្ហា​មុខ​ទាំង​អស់ មិន​មែន​​​​ត្រូវ​​ព្យាបាល​ដោយ​ថ្នាំ​គ្រប់​ពេល​ទេ​ ប៉ុន្តែ​ព្យាបាល​ខ្លួន​ឯង​តាម​បែប​ធម្មជាតិ​នៅ​ផ្ទះ ក៏​អាច​មាន​លទ្ធផល​ដែរ។ ការ​ព្យាបាល​ទាំង​នេះ​ មាន​សភាព​ធម្មតា មាន​ប្រសិទ្ធ​ភាព និង​សុវត្ថិភាព​សម្រាប់​ស្បែក​គ្រប់​ប្រភេទ អ៊ីចឹង​គួរ​ព្យាយាម​ធ្វើ​វា​ដើម្បី​ទទួល​បាន​លទ្ធផល​ល្អ។

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Guide to Treating Acne Scars and Skin Damage. http://www.webmd.com/beauty/cosmetic-procedures-scars#1. Accessed December 26, 2016.

    How to Remove Acne Scars With Ice. http://www.livestrong.com/article/290125-how-to-remove-acne-scars-with-ice/. Accessed December 26, 2016.

    Tea Tree Oil. http://www.webmd.com/a-to-z-guides/supplement-guide-tea-tree-oil. Accessed December 26, 2016.

    Curcuminhttp://www.webmd.com/drugs/2/drug-151770/curcumin/details. Accessed December 26, 2016.

    Over-the-Counter Beauty Tips. http://www.webmd.com/beauty/features/over-the-counter-beauty-tips#1. Accessed December 26, 2016.

    រូបថត​របស់​អ្នក​និពន្ធbadge
    ដោយ Chorn Sophearom កែសម្រួល​ចុងក្រោយ 28/10/2020
    ត្រួតពិនិត្យដោយ វេជ្ជ. ចាន់ ស៊ីណេត
    Next article: