ស្រីៗ ធ្លាប់ដឹងពីគុណប្រយោជន៍ប្រេងដូងដែរអត់? ចាំ “Hello គ្រូពេទ្យ” ប្រាប់! ប្រេងដូង ជាប្រភពអាថ៌កំបាំងសម្រស់ នាំឲ្យកំពូលតារាល្បីៗលំដាប់ពិភពលោក Angelina Jolie, Emma Stone, Miranda Kerr និង Poppy Delevingne សុទ្ធតែប្រើវាក្នុងវិធីផ្សេងៗគ្នា ប៉ុន្តែចេតនារួម គឺដើម្បីថែរក្សាសម្ផស្សឲ្យស្រស់ស្អាតយូរអង្វែង។
ប្រេងដូង ប្រមូលផ្តុំអាថ៌កំបាំងរក្សាសម្រស់ស្រីៗ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គុណសម្បត្តិរបស់ប្រេងដូង ជួយយើងបានច្រើន ត្រូវគេប្រើសម្រាប់ថែរក្សាស្ទើរតែគ្រប់ផ្នែកនៃសម្រស់របស់យើងតែម្តង។
១- សក់
សម្រាប់ផ្នែកសក់ ប្រេងធម្មជាតិប្រភេទនេះ ត្រូវគេប្រើជា៖
– ក្រែមបន្ទន់សក់៖ ទោះជាសីតុណ្ហភាពក្នុងបន្ទប់ ត្រជាក់ ឬក្តៅក៏ដោយ លាបសក់ជាមួយប្រេងដូងរយៈពេលប៉ុន្មានម៉ោង នឹងធ្វើឲ្យសក់កាន់តែរឹងមាំ កាន់តែល្អប្រសើរ ដោយសារក្នុងប្រេងដូងសម្បូរវីតាមីន E វីតាមីន K និងជាតិដែក។
– ទឹកថ្នាំប្រឆាំងសក់រួញ៖ ប្រើម្រាមដៃលាបប្រេងលើសក់ត្រង់ត្រចៀកចុះក្រោម អាចជួយធ្វើសក់ដុះមកមិនរួញ។
– ធ្វើឲ្យសក់ភ្លឺរលោង៖ ដោយសារសេរ៉ូមបន្ទន់សក់មានសារធាតុស៊ីលីកូនច្រើន (បង្កកម្ទេចធូលីជាប់សក់) គួរប្រើប្រេងដូងមិនទាន់ចម្រាញ់ជំនួសវិញ អាចជួយឲ្យយើងសក់ទន់ល្អ។
– ប្រេងសម្អាតស្បែកក្បាល៖ ស្បែកក្បាល និងសក់ អាចមានបាក់តេរីច្រើនជាងអ្វីយើងគិតទៅទៀត។ ប៉ុន្តែដោយសារប្រេងដូង មានលក្ខណៈសម្បត្តិប្រឆាំងផ្សិត និងបាក់តេរីបានល្អ នាំឲ្យប្រេងដូង គឺជាអ្នកការពារស្បែកក្បាលស័ក្តិសមបំផុត។
– កម្ចាត់អង្គែ៖ ក្រៅពីអាចសម្អាតបាក់តេរី និងផ្សិត អាស៊ីដខ្លាញ់ក្នុងប្រេងដូង អាចជួយដោះស្រាយបញ្ហាសក់ខូច និងកម្ចាត់អង្គែយ៉ាងមានប្រសិទ្ធភាព។ យើងអាចលាយជាមួយប្រេងធម្មជាតិមួយចំនួន ដូចជា ផ្កាឡាវេនឌ័រ ឬប្រេងរុក្ខជាតិរ៉ូសម៉ារី (Rosemary) ដើម្បីក្លាយជាសាប៊ូកក់សក់។
២- ស្បែក
សម្រាប់ផ្នែកស្បែក ប្រេងធម្មជាតិប្រភេទនេះ ត្រូវគេប្រើជា៖
– ជាតិផ្តល់សំណើម៖ បើយើងប្រើប្រេងដូងលើផ្ទៃមុខ ឬរាងកាយ ប្រេងដូងដើរតួនាទី ជាអ្នកផ្តល់សំណើមធម្មជាតិជួយទ្រទ្រង់កោសិកាស្បែក។
– ប្រេងលាបសម្អាត៖ ប្រេងដូង អាចប្រើលាបសម្អាតមេរោគលើស្បែក កាត់បន្ថយករណីឡើងកន្ទួលរមាស់ និងរលាកស្បែក។
– ព្យាបាលប្រឆាំងភាពចាស់៖ ដោយសារ ផ្ទុកពោរពេញទៅដោយសារធាតុប្រឆាំងអុកស៊ីតកម្ម ហេតុនេះប្រេងដូង អាចជួយទប់ស្កាត់កំណើនរ៉ាឌីកាល់សេរីក្នុងរាងកាយ ជួយឲ្យមើលទៅកាន់តែក្មេងជាងវ័យ ស្បែកទន់ និងមានពន្លឺ។
– ប្រេងកាត់គល់ក្រចក៖ មិនត្រឹមតែអាចជួយធ្វើក្រចករឹងមាំប៉ុណ្ណោះទេ ប្រេងដូង នៅជួយព្យាបាលស្បែកគល់ក្រចកខូច រក្សាអនាម័យម្រាមដៃ និងជើង តាមរយៈការប្រឆាំងផ្សិត និងបាក់តេរីថែមទៀតផង។
៣- មុខ
សម្រាប់ផ្នែកមុខ ប្រេងដូងត្រូវគេប្រើជា៖
– Highlighter៖ ពេលយើង Makeup គួរប្រើប្រេងនេះផាត់លើថ្ពាល់ ព្រោះអាចបង្កើនពណ៌ធម្មជាតិរបស់ស្បែក និងបញ្ចេញពន្លឺស្រស់ស្អាត។
– លុបគ្រឿងតុបតែងមុខ៖ អាចប្រើជូតម៉ាស្ការ៉ាដែលកកលើរោមភ្នែក និងគ្រឿងតុបតែងភ្នែកផ្សេងទៀត ងាយលុបសារធាតុទាំងនោះចេញ។
– ក្រែមជំនួយស្បែកក្រោមភ្នែក៖ ស្បែកស្តើងនៅក្រោមភ្នែក ជាកន្លែងងាយបង្ហាញស្នាមជ្រីវជ្រួញ។ ដោយសារ ប្រេងដូងសម្បូរជាតិសំណើម អាចប្រើដើម្បីទប់ស្កាត់ភាពជ្រីវជ្រួញ ហើយអាស៊ីដខ្លាញ់ មានក្នុងប្រេងធម្មជាតិនេះជួយបន្តឹងស្បែកទៀតផង។
៤- ស្នាមញញឹម
ស្នាមញញឹម ជាផ្នែកមួយនៃសម្រស់ បើសើចចេញមក ធ្មេញមិនស្អាត ក៏ធ្វើឲ្យស្រីៗគ្នាយើង បាត់បង់សម្រស់មួយភាគធំដែរ ហេតុនេះប្រេងដូង ត្រូវគេប្រើជា៖
– ប្រេងជំនួយធ្មេញឲ្យស៖ អាចស្តាប់ទៅមិនទំនង ប៉ុន្តែតារា និងជាអ្នកជំនួញស្រីជោគជ័យ លើពាណិជ្ជកម្មគ្រឿងសម្អាង នាង Kylie Jenner ជឿថា យកប្រេងដូងលាបធ្មេញ ទុកចោលរយៈពេលប៉ុន្មាននាទី អាចជួយធ្មេញឲ្យសបាន។
– ជួយធ្មេញរឹងមាំ៖ បើនិយាយរឿងធ្មេញ មិនត្រឹមតែសំដៅលើពណ៌របស់វានោះទេ ភាពរឹងមាំរបស់ធ្មេញក៏ត្រូវរាប់បញ្ចូលដូចគ្នា។ប្រេងដូង មានសារជាតិប្រឆាំងបាក់តេរី អាចជួយទប់ស្កាត់ និងការពារធ្មេញ កុំឲ្យងាយពុកផុយ។
– បបូរមាត់មានសំណើម៖ បើយកមកលាបបបូរមាត់ មិនត្រឹមតែជួយកុំឲ្យប្រេះ ឈឺ ប៉ុណ្ណោះទេ ថែមទាំងអាចធ្វើជួយឲ្យបបូរមាត់យើង លើទៅភ្លឺរលោង គួរឲ្យទាក់ទាញទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម