ប្រាកដហើយថា អ្នកចង់ចាកចេញ?
ពេលនិយាយរឿងទឹកបាយភ្លាម អ្នកខ្លះអាចច្រឡំថាជាទឹកអង្ករ ដែលបាននៅពេលយើងលាងអង្ករមុនពេលដាំបាយ។ ឯទឹកបាយ ជាប្រភេទទឹកអង្ករល្អបំផុត ដែលបាននៅពេលបាយកំពុងដាំពុះ ឬអាចថា ជាទឹកបបរ ក៏បាន។
ដើម្បីបានទឹកបាយល្អ និងមានគុណភាព យើងត្រូវការអង្ករកន្លះកំប៉ុង និងទឹក ៤ កំប៉ុង ដោយដំបូង ដាំទឹកនៅក្នុងឆ្នាំងមួយ។ នៅពេលទឹកពុះ បង់អង្ករចូល រួចបន្ដការដាំ ២០ នាទីទៀត ចាំយកឆ្នាំងចេញពីចង្រ្កាន រួចបើកគម្របចេញ។ បន្ទាប់មក រង់ចាំរហូតទឹកបាយត្រជាក់ សឹមចាក់ចូលក្នុងដបទឹក ដើម្បីរក្សាទុកក្នុងទូទឹកកក ដើម្បីទុកផឹករយៈពេលច្រើនថ្ងៃ។
ទឹកបាយត្រូវបានចាត់ទុកជាភេសជ្ជៈធម្មជាតិ មានគុណប្រយោជន៍យ៉ាងច្រើនលើសលុប ទៅលើស្ថានភាពសុខភាពមួយចំនួន ផ្តល់សារធាតុចាំបាច់ជួយទ្រទ្រង់រាងកាយ ពិសេសជួយដោះស្រាយបញ្ហាជំងឺសើស្បែកជាច្រើនប្រភេទ ខណៈគុណប្រយោជន៍ចម្បងមានដូចជា៖
– ជួយថែទាំសុខភាពសក់៖ ទឹកបាយ អាចជួយឲ្យសុខភាពសក់កាន់តែល្អ រឹងមាំ ភ្លឺថ្លា ដោយយើងគ្រាន់តែផ្សើមសក់ជាមួយទឹកបាយ ដោយទុកចោលប៉ុន្មាននាទី សឹមលាងសម្អាតជាមួយទឹកក្តៅឧណ្ហៗ ហើយត្រូវអនុវត្ដបែបនេះ ៣ ដង/សប្ដាហ៍។
– ម្សៅលាបស្បែក៖ ទឹកបាយផ្ទុកសារធាតុផ្សំសកម្ម អាចធ្វើឲ្យរន្ធស្បែកកាន់តែតូច កម្ចាត់កោសិកាស្បែកងាប់ និងជំរុញប្រសិទ្ធភាពផលិតផលការពារកាំរស្មីយូវីដែលអាចបង្កគ្រោះថ្នាក់ដល់ស្បែក។ សារធាតុក្នុងទឹកបាយ ធ្វើឲ្យវាក្លាយជាផ្សៅលាបស្បែកដ៏ស័ក្ដិសិទ្ធិ ហើយអ្វីយើងត្រូវធ្វើ គឺប្រើដុំសំឡីមួយ យកទៅជ្រលក់ក្នុងទឹកបាយ រួចយកទៅលាបមុខយើង ទុកឲ្យស្ងួតនៅលើមុខ រួចចាំចូលគេង ដោយប្រើម៉ាស់បិទពីលើ ដើម្បីទទួលប្រសិទ្ធភាពកាន់តែខ្ពស់។ អនុវត្តវិធីនេះ ជាប្រចាំថ្ងៃ ស្បែកមុខនឹងភ្លឺថ្លា ម៉ត់រលោង។
– ព្យាបាលមុន៖ ទឹកបាយមានសារធាតុប្រឆាំងការលាក និងការដាច់រលាត់កោសិកាស្បែក អាចកាត់បន្ថយ និងបង្ការ «មុន»។ ផលិតផលធម្មជាតិនេះ ធ្វើឲ្យស្បែករលោង និងទន់។ គ្រាន់តែប្រើដុំសំឡី ជ្រលក់ទឹកបាយ និងលាបលើផ្ទៃស្បែក ដែលមានក្បាលមុន ឬមុនក្បាលខ្មៅ ដោយអនុវត្ត ២ ដង/ថ្ងៃ។
ក្នុងអង្ករ មានសារធាតុរ៉ែ ព្យាបាលអាការៈរាក ដោយគ្រាន់តែបន្ថែមអំបិលខ្លះ ទៅក្នុងកែវទឹកបាយ រួចហើយផឹកទឹកបាយនោះ។ ចាំបាច់ត្រូវផឹក ២ កែវ/ថ្ងៃ រហូតដល់បញ្ហារាកធូរស្បើយ។
ទឹកបាយពិតជាអាចប្រដូចនឹងភេសជ្ជៈប៉ូវកម្លាំងបានមែន ព្រោះផ្ដល់ឲ្យរាងកាយនូវអាមីណូអាស៊ីដសំខាន់ៗ ៨ ប្រភេទ ធ្វើឲ្យសាច់ដុំមានចលនាឡើងវិញ។ ក្នុងទឹកបាយ ក៏មានកាបូអ៊ីដ្រាតមួយចំនួនផងដែរ អាចបង្កើនថាមពល ដោយផឹកទឹកបាយ ១ កែវ មុនពេលហាត់ប្រាណ ឬលេងកីឡាផ្សេងៗ។
ដឹងអត់? ជាតិម្សៅនៅក្នុងអង្ករ អាចព្យាបាលជំងឺត្រអក ដោយគ្រាន់តែយកទឹកបាយ ទៅលាបកន្លែងមានជំងឺ ដើម្បីកាត់បន្ថយការរមាស់ និងធ្វើឲ្យភាពស្ងួត អនុវត្តវិធីនេះ ៣ ដង/ថ្ងៃ។
ចំពោះបញ្ហាទល់លាមកវិញ ផឹកទឹកបាយ ១ កែវ/ថ្ងៃ ជួយសម្រួលការទល់លាមកយ៉ាងមានប្រសិទ្ធភាព។
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
7 Health and Beauty Uses of Rice Water
https://steptohealth.com/5-health-beauty-uses-rice-water/
7 Reasons You Should Start Using Rice Water On Your Skin & Hair
https://www.naturallivingideas.com/rice-water/
How to make and use rice water for beautiful skin and hair
