ស្ថានភាពស្បែក ​​៤ ប្រភេទនេះ គ្នាយើងគួរដឹង ដើម្បីងាយស្រួល​ថែទាំ

ជាទូទៅ​ស្បែករបស់មនុស្សយើង​មានបួនប្រភេទសំខាន់ៗ។ តើយើងអាច​កំណត់​ប្រភេទស្បែករបស់​យើង​បាន​យ៉ាង​ដូចម្តេច? តោះស្វែង​យល់​ពី​ព័ត៌មានលម្អិត​អំពីស្បែក​របស់​យើង​នៅក្នុងអត្ថបទនេះទាំងអស់គ្នា​។

១- ស្បែកធម្មតា

សភាពស្បែក៖ មិនស្ងួត គ្មានខ្លាញ់។ មានអារម្មណ៍ថាមាន​ផាសុកភាព។

លក្ខណៈ៖

– សមាមាត្រប្រេង ទឹកនៅលើស្បែកមានតុល្យភាពល្អ។

– មានភាព​ខូចខាតស្បែកតិចតួច ឬគ្មាន។

– ស្ទើរតែមើលមិនឃើញរន្ធញើស។

– មិនងាយមានប្រតិកម្មនឹងផលិតផលថ្មី។

របៀប​ថែទាំ៖

– ផ្តោតលើការថែរក្សាស្បែកបែបមូលដ្ឋាន (ការលាងមុខ ផ្តល់សំណើម ការពារកម្តៅថ្ងៃ) ដើម្បីរក្សាស្បែកឲ្យតឹងល្អ​។

– ផលិតផលប្រឆាំងភាពចាស់អាចប្រើបាននៅពេលចាំបាច់។

អត្ថបទពាក់ព័ន្ធ៖ 

• ផ្លែល្ពៅមានប្រយោជន៍ដល់បេះដូង ភ្នែក និងស្បែក
• ក្តៅខ្លាំងអ៊ីចឹង បើ​ស្រលាញ់​ស្បែក​ ត្រូវ​ដឹង​​វីតាមីនសំខាន់ៗ​ទាំងនេះ
• វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង

២- ស្បែកប្រតិកម្ម

សភាពស្បែក៖ ស្ងួតថ្ពាល់ ថ្ងាស តែ​តំបន់ខ្លះទៀតមានសភាពធម្មតា។

លក្ខណៈ៖

– សមាមាត្រប្រេង ជាតិទឹកចែកចាយមិនស្មើគ្នា។

– ស្បែកមានភាពខូចខាតតិចតួច។

– តំបន់ដែលសំបូរជាតិខ្លាញ់នឹងមានការរីករន្ធញើស ងាយមានមុនក្បាលខ្មៅ ឬក្រពេញខ្លាញ់ sebaceous។

ប្រភេទស្បែកសំខាន់ៗមានពីរគឺស្បែកខ្លាញ់ប្រតិកម្ម (ស្បែកមានជាតិប្រេងច្រើនកន្លែង ពិសេសនៅតំបន់ T នៅ​លើ​ផ្ទៃមុខ) និងស្បែកស្ងួតប្រតិកម្ម (តំបន់ស្បែកស្ងួតច្រើនជាងតំបន់ផ្សេងទៀត) ។

របៀប​ថែទាំ៖

– ជ្រើសរើស​ផលិតផលប្រើប្រាស់​ត្រូវផ្អែកលើប្រភេទនៃជាតិ​ខ្លាញ់ ឬភាព​ស្ងួតរបស់ស្បែក​។

– ផលិតផលដែលត្រូវប្រើចម្បងគឺផលិតផលសម្រាប់​ស្បែកមាន​ខ្លាញ់ មានសាប៊ូលាងសម្អាតស្បែកសំរាប់រដូវក្តៅ និងផលិតផលផ្តល់សំណើមនៅរដូវរងា។

៣- ស្បែកស្ងួត

សភាពស្បែក៖ ស្បែកស្ងួត តឹង និង​មានអារម្មណ៍មិនស្រួលក្នុង​ខ្លួន។

លក្ខណៈ៖

– មានអារម្មណ៍ថាស្បែកតឹង មិនស្រួល រមាស់ ពិសេសក្រោយពេលលាងសម្អាតរួច។

– ស្បែកងាយមានផ្សិត។

– ងាយប្រតិកម្មជាងធម្មតា។

– រន្ធញើសតូច។

– មានស្នាមជ្រួញដែលមើលមិនសូវដឹង។

របៀបថែទាំ៖

– ផ្តល់សំណើម និងប្រេងឲ្យបានទៀងទាត់។

– យើង​ត្រូវផ្ដល់សំណើមឲ្យ​ស្បែក ដោយ​អាចប្រើម៉ាស់ពេលគេង សេរ៉ូម និង​ផលិត​ផល​ផ្ដល់​សំណើម​ដល់ស្បែក។

– បន្ថែមក្រែមលាបជុំវិញភ្នែក ព្រោះកន្លែងនេះងាយស្ងួតជាងតំបន់ផ្សេងទៀតនៃស្បែក។

– ប្រើផលិតផលប្រឆាំងភាពចាស់ឲ្យបានឆាប់។

៤- ស្បែកខ្លាញ់

សភាពស្បែក៖ ជាតិប្រេងមាន​គ្រប់កន្លែងនៃស្បែក។ ស្បែក​តែងតែមើលទៅរលោងដោយសារខ្លាញ់ និងភ្លឺចាំង។

លក្ខណៈ៖

– ផ្ទៃមុខមើលទៅភ្លឺចែងចាំង។

– កង្វះជាតិទឹកដែលបណ្តាលឲ្យមានការផលិតជាតិខ្លាញ់កាន់តែច្រើន។

– រន្ធញើសធំៗ។

– មានមុនក្បាលខ្មៅ មុន និងស្នាមជាំផ្សេងៗទៀតច្រើន។

– អត្រា​ភាពចាស់​វិវត្ត​យឺត។

របៀបថែទាំ៖

– ប្រើផលិតផលណាដែលមានសមត្ថភាពក្នុងការស្រូបយកជាតិខ្លាញ់។

– កុំភ្លេចផ្តល់ជាតិទឹកដល់ស្បែកយើង​ព្រោះនៅពេលដែលស្បែកយើងខ្វះជាតិទឹកនោះការបង្កើតជាតិខ្លាញ់នឹងកាន់តែច្រើន។

– ប្រើម៉ាស់បន្ថែម ផលិតផលសំរាប់ ស្បែករន្ធញើសតូច មុន ។

– រក្សាស្បែកយើងឲ្យបាន​ស្អាតជាប្រចាំ។

ប្រសិនបើយើងយល់ច្បាស់អំពីស្បែកស្ថានភាព​ស្បែក​របស់​យើង នោះ​យើង​អាចដឹងពីរបៀបថែរក្សាស្បែកបានត្រឹមត្រូវ។ សង្ឃឹមថាគ្នា​យើង​អាចនឹងរកឃើញពីវិធីល្អបំផុតដើម្បីថែរក្សាស្បែករបស់ខ្លួន​។

អត្ថបទពាក់ព័ន្ធ៖

• វិធី ៨យ៉ាង ជួយការពារស្បែកមិនឲ្យចាស់លឿនពេក
• ស្បែកស្រអាប់ព្រោះសម្បូរកម្មវិធីជួបជុំពេក ដឹង​ប៉ុន្មានវិធីនេះ អាចកែខៃឡើងវិញបាន
• ចង់បាន​ស្បែកភ្លឺស្រស់ស្អាត អនុវត្ត​តិចនិក​ទាំង ៥ នេះ
• ស្រីៗដឹងវិធីទាំងនេះ ទោះក្តៅយ៉ាងណាមិនបារម្ភខ្លាចខូចស្បែកដែរ!

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕