ស្វែងយល់ពីការប្រើប្រាស់
១- តើម្នាស់ប្រើដើម្បីអ្វី?
ម្នាស់ (Pineapple) ផ្លែឈើមួយប្រភេទ មានរសជាតិជូរអែមឆ្ងាញ់ សម្បូរដោយវីតាមីន និងពេញនិយមបំផុតសម្រាប់ប្រើជាអាហារលាងមាត់ក្រោយបាន និងសម្រាប់ចម្អិនជាមួយសាច់ ឬប្រភេទអាហារច្រើនមុខតាមចំណូលចិត្ត។ លើសពីនេះ ម្នាស់ ត្រូវបានចាស់ៗ យកប្រើជាឱសថបុរាណ ដើម្បីព្យាបាលបញ្ហាសុខភាពមួយចំនួនដូចជា៖
– ប្រឆាំងដង្កូវប៉ារ៉ាស៊ីត និងពពួកប៉ារ៉ាស៊ីតអាមីប (Amoebic parasites)
– ព្យាបាលបញ្ហាក្រពះ
– ជំរុញឲ្យរលូតកូន
– ភ្ញោចឲ្យមានរដូវ។
សារធាតុប្រូមែឡែន (Bromelain) ចម្រាញ់ចេញពីម្នាស់ អាចប្រើជាផលិតផលម្ហូបអាហារ មានគុណប្រយោជន៍សម្រាប់សុខភាព (Nutraceutical)។ លើសពីនេះ ម្នាស់ ត្រូវគេរកឃើញដែរថា មានប្រសិទ្ធិភាពបង្អាក់ការលូតលាស់របស់កោសិកាមហារីកកាច (Maglignant) បញ្ឈប់កំណកឈាម កាត់បន្ថយការរលាក និងជួយយកចេញជាលិកាខូចដោយសារដំបៅ។
ម្នាស់ អាចនឹងណែនាំឲ្យប្រើក្នុងករណីផ្សេងទៀត សូមសួរទៅគ្រូពេទ្យ ឬឱសថការី ដើម្បីដឹងព័ត៌មានបន្ថែម។
២- ម្នាក់មានសកម្មភាពយ៉ាងម៉េចដែរ?
ម្នាស់ មានសារធាតុគីមី អាចមានប្រសិទ្ធភាពដល់ការព្យាបាលការរលាក ឬមានសកម្មភាពដូចនឹងថ្នាំប្រឆាំងរលាកដែរ។ សូមពិគ្រោះជាមួយគ្រូពេទ្យ ឬគ្រូឱសថបុរាណ សម្រាប់ព័ត៌មានបន្ថែម។
កត្តាគួរប្រុងប្រយ័ត្ន
៣- ត្រូវដឹងអ្វីខ្លះមុននឹងប្រើម្នាស់ជាថ្នាំបុរាណ?
ប្រឹក្សាយោបល់ជាមួយគ្រូពេទ្យ ឬឱសថការីឬអ្នកឯកទេសឱសថរុក្ខជាតិ បើ៖
– ស្រ្តីមានគភ៌ ឬបំបៅដោះ ព្រោះស្រីៗមានផ្ទៃពោះ ឬបំបៅដោះ គួរតែប្រើថ្នាំតែមួយមុខណាណែនាំដោយគ្រូពេទ្យជំនាញប៉ុណ្ណោះ។
– កំពុងប្រើប្រាស់ថ្នាំផ្សេងៗ រួមទាំងថ្នាំអាចទិញបានដោយគ្មានវេជ្ជបញ្ជា។
– ធ្លាប់មានប្រតិកម្មអាលែកហ្ស៊ីជាមួយម្នាស់ ថ្នាំពេទ្យ ឬឱសថរុក្ខជាតិផ្សេងៗទៀត។
– មានជំងឺ ឬស្ថានភាពសុខភាពផ្សេងៗ។
– ធ្លាប់មានប្រតិកម្មអាលែកហ្ស៊ីប្រភេទផ្សេង ដូចជា អាហារ សារធាតុពណ៌ សារធាតុរក្សាអាហារ ឬសត្វ។
លក្ខខណ្ឌចុះបញ្ជីការផ្លូវច្បាប់សម្រាប់ឱសថរុក្ខជាតិ មិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ ដូចនេះ គួរតែមានការសិក្សាបន្ថែមពីសុវត្ថិភាពលើឱសថទាំងនេះ។ ត្រូវប្រាកដថា អត្ថប្រយោជន៍នៃការប្រើថ្នាំនេះ ខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យសម្រាប់ព័ត៌មានបន្ថែម។
៤- ម្នាស់មាននសុវត្ថិភាពកម្រិតណា?
– ចំពោះស្រីៗពពោះ និងបំបៅដោះកូន៖ ព័ត៌មានបង្ហាញពីសុវត្ថិភាព និងប្រសិទ្ធភាពចំពោះស្រីៗកំពុងពពោះ និងបំបៅដោះ គឺនៅខ្វះខាតនៅឡើយ ។ មិនមានទិន្នន័យគ្រប់គ្រាន់ អាចបញ្ជាក់ថាម្នាស់ អាចបង្កឲ្យមានឈាមរដូវច្រើន និងធ្វើឲ្យរលូតកូននៅឡើយទេ។
ស្វែងយល់ពីផលរំខាន
៥- ម្នាស់អាចបង្កឲ្យមានផលរំខានអ្វីខ្លះ?
ខាងក្រោមនេះជាផលរំខានខ្លះៗ អាចកើតឡើងដោយសារប្រើម្នាស់ជាថ្នាំបុរាណ៖
– ប្រតិកម្មប្រឆាំង រួមមាន រាក ហូរឈាមរដូវច្រើន ចង្អោរ រមាស់ស្បែក និងក្អួត
– ហើមមាត់ និងថ្ពាល់ ដោយសារតែញ៉ាំផ្លែឈើច្រើនពេក។
មិនមែនគ្រប់គ្នាសុទ្ធតែមានផលរំខានទាំងនេះទេ ប្រហែលអាចមានផលរំខានផ្សេងទៀតមិនបានរៀបរាប់ខាងលើ ដូចនេះ បើមានចម្ងល់ទាក់ទងនឹងផលរំខាន សូមពិគ្រោះជាមួយគ្រូពេទ្យ ឱសថការី ឬគ្រូឱសថបុរាណ។
ស្វែងយល់ពីអន្តរកម្មថ្នាំ
៦- ម្នាស់អាចមានអន្តរកម្មនឹងអ្វីខ្លះ?
ម្នាស់ (Pineapple) អាចមានអន្តរកម្មជាមួយនឹងថ្នាំពេទ្យ ឬស្ថានភាពដែលអ្នកកំពុងមាននៅពេលបច្ចុប្បន្ននេះ។ សូមពិគ្រោះជាមួយគ្រូពេទ្យ ឬគ្រូឱសថបុរាណមុននឹងប្រើ។
អត្ថបទពាក់ព័ន្ធ៖
ស្វែងយល់ពីកម្រិតថ្នាំ
ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។
៧- កម្រិតប្រើធម្មតាម៉េចដែរ?
ផ្លែម្នាស់ពីរចំណិត អាចមានវីតាមីន C (Ascorbic acid) ប្រហែលជា ១០០មិល្លីក្រាម។ កម្រិតប្រើជាតិប្រូមែឡែន គឹ ៤០មិល្លីក្រាម លេប ៣-៤ ដង/ថ្ងៃ។
កម្រិតប្រើប្រាស់ម្នាស់ជាឱសថបុរាណ អាចមានលក្ខណៈខុសគ្នាសម្រាប់អ្នកជំងឺម្នាក់ៗ។ កម្រិតប្រើប្រាស់អាស្រ័យលើកត្តាអាយុ សុខភាព និងស្ថានភាពរាងកាយមួយចំនួនទៀត។ ឱសថរុក្ខជាតិ មិនមែនតែងមានសុវត្ថិភាពទាំងអស់នោះទេ ហេតុនេះ សូមប្រឹក្សាយោបល់ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញជាមុនសិន។
៨- ទម្រង់ម្នាស់ជាថ្នាំមានអ្វីខ្លះ?
ម្នាស់ (Pineapple) អាចមានក្នុងទម្រង់ដូចជា៖
– ទឹកម្នាស់
– គ្រាប់ថ្នាំ
– គ្រាប់ថ្នាំខេបស៊ុល។
ផលិតផលទាំងនេះ ភាគច្រើនមានសារធាតុប្រូមែឡែន ៥០០មិល្លីក្រាម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
