រឹងកឈឺក្បាល ជាពាក្យពិពណ៌នាដល់អាការៈឈឺក្បាលដែលបង្កឡើងដោយសារការរឹងក។ ដើម្បីឲ្យយល់ច្បាស់ពីន័យនេះ យើងបន្តស្វែងយល់ទាំងអស់គ្នា។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
រឹងកឈឺក្បាល ជាពាក្យពិពណ៌នាដល់អាការៈឈឺក្បាលដែលបង្កឡើងដោយសារការរឹងក។ ដើម្បីឲ្យយល់ច្បាស់ពីន័យនេះ យើងបន្តស្វែងយល់ទាំងអស់គ្នា។
អាការៈរឹងក គឺមានការឈឺចាប់នៅកញ្ចឹងក ដែលនាំឲ្យយើងពិបាកងាកក្បាលទៅឆ្វេង ឬស្ដាំ។ ការឈឺចាប់នេះ ច្រើនកើនឡើងព្រោះតែសាច់ដុំឡើងរឹង។ មូលហេតុទូទៅមួយចំនួនបង្កឲ្យឡើងរឹងក មានដូចជា៖
ឈឺក្បាល ជាបញ្ហាទូទៅមួយ ដែលភាគច្រើនកើតឡើងដោយសារតែបញ្ហាជាមួយសរសៃឈាម ឬសាច់ដុំក្នុងក្បាល មុខ ឬក។ យ៉ាងណា ក៏មានការពិបាកដែរ ក្នុងការកំណត់ពីមូលហេតុនាំឲ្យឈឺក្បាលនេះ ដោយអ្នកខ្លះមានអាការៈឈឺក្បាលញឹកញាប់ជាងអ្នកផ្សេងទៀត។
មួយវិញទៀត ក៏មានដែរអាការៈឈឺក្បាលមួយប្រភេទ កើតឡើងពេលសាច់ដុំនៅកឡើងរឹង ឬកន្ត្រាក់ ដូចជាពេលរឹងក អ៊ីចឹងដែរ។ ចុះបើមានបញ្ហាឈឺក្បាលដោយសាររឹងកបែបនេះ គួរដោះស្រាយបែបណា?
ជាជំហានដំបូងដើម្បីគ្រប់គ្រងបញ្ហារឹងកឈឺក្បាលនេះបាន យើងត្រូវចាប់អារម្មណ៍រឿងរឹងកជាមុនសិន។ ក្នុងរយៈពេល៤៨ទៅ៧២ម៉ោងដំបូងនៃការឈឺនៅត្រង់ក យើងអាចប្រើទឹកកកស្អំនៅកន្លែងដែលឈឺចាប់។ បន្ទាប់មកទៀតយើងអាចសាកល្បងស្អំទឹកក្ដៅឧណ្ហៗម្ដងវិញ។ ពេលយើងប្រើទឹកកក ឬទឹកក្ដៅឧណ្ហៗស្អំលើ ក យើងក៏ត្រូវប្រយ័ត្នដល់ស្បែកដែរ ដោយមិនត្រូវស្អំជាប់រហូតទេ ត្រូវដកឃ្លាខ្លះ ហើយមិនត្រូវស្អំរបស់ទាំងនេះនៅលើ ក ទាំងដែលយើងគេងលក់នៅដែរ។
ការធ្វើចលនាសាច់ដុំនឹងអាចជួយបន្ថយអាការៈរឹងនៅកនេះបាន និងជួយសម្រួលដល់បញ្ហាឈឺក្បាលដោយរឹងកនេះដែរ។ យ៉ាងណា យើងមិនត្រូវងាកក ឬឱនក្បាលចុះឡើងខ្លាំងៗពេកទេ អាចនាំឲ្យឈឺចាប់។ គ្នាយើងគួរងាកក ឬបែរក្បាលចុះឡើងតិចៗពីម្ខាងទៅម្ខាង ឬឡើងលើចុះក្រោម ទើបជាការល្អ។
វិធីសាស្រ្តមួយចំនួនទៀតជួយបន្ធូរការរឹងសាច់ដុំកនេះ មានដូចជា៖
ដូចគ្នាដែរ ការម៉ាស្សាថ្នមៗនៅកន្លែងឈឺចាប់ ក៏អាចជួយសម្រាលអាការៈបានដែរ តែកុំម៉ាស្សាខ្លាំងៗពេក។
ស្រ្តេស ព្រមជាមួយនឹងភាពហត់នឿយ អាចធ្វើឲ្យអាការៈរឹងកឈឺក្បាលនេះកាត់តែធ្ងន់ធ្ងរ និងអាចធ្វើឲ្យយើងងាយមានបញ្ហាសុខភាពផ្សេងទៀតផងដែរ។ ដើម្បីចៀសវាងអ្វីទាំងនេះ យើងត្រូវញ៉ាំអាហារឲ្យបានទៀងពេល សម្រាកឲ្យបានគ្រប់គ្រាន់ និងគេងឲ្យបានលង់លក់ល្អ។
ជាការពិត យើងប្រហែលជាមិនអាចតាមដានឥរិយាបថនៃការគេងរបស់យើងបានទេពេលយើងគេងលក់។ ប៉ុន្តែយើងអាចមានវិធានការមុនពេលគេងបាន។ ឧទាហរណ៍ យើងមិនគួរគេងពោបនោះទេ ការគេងបែបអាចធ្វើឲ្យក្បាល និងក របស់យើងត្រូវបែរទៅទិសដៅមួយមិនសមទំនង អាចធ្វើឲ្យឈឺចាប់ត្រង់កថែមទៀត។
មកដល់ចំណុចនេះ បើសិនជាបញ្ហារឹងកឈឺក្បាល តែងតែកើតមានញឹកញាប់ យើងគួរទិញពូកដែលមានសភាពរឹងមិនងាយទ្រុឌ និងខ្នើយដែលមានលក្ខណៈពិសេសសម្រាប់ ក របស់យើងដែរហើយ។ មួយវិញទៀត ក៏គួរជួបពិភាក្សាជាមួយគ្រូពេទ្យដើម្បីទទួលបានការណែនាំល្អៗ ធ្វើរោគវិនិច្ឆ័យ ឬក៏អាចថាបើយើងមានបញ្ហាបែបនេះអាចប្រើប្រាស់ថ្នាំមិនត្រូវការវេជ្ជបញ្ជាណាមួយបានឬអត់ និងក្នុងកម្រិតណា។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕