ការស្ពឹកដៃ ជារោគសញ្ញាមួយ អាចបង្កការភ័យខ្លាច ប៉ុន្ដែក្នុងករណីខ្លះ វាបណ្ដាលមកពីផលវិបាកនៃថ្នាំពេទ្យ ដែលយើងមិនចាំបាច់ព្រួយបារម្ភទេ។ ករណីខ្លះទៀត ជាបញ្ហាធ្ងន់ធ្ងរ ដែលបណ្ដាលមកពីជំងឺនានា ហើយយើងត្រូវព្យាបាលភ្លាមៗ។
ត្រួតពិនិត្យដោយ ជីព ចិត្ត
ការស្ពឹកដៃ ជារោគសញ្ញាមួយ អាចបង្កការភ័យខ្លាច ប៉ុន្ដែក្នុងករណីខ្លះ វាបណ្ដាលមកពីផលវិបាកនៃថ្នាំពេទ្យ ដែលយើងមិនចាំបាច់ព្រួយបារម្ភទេ។ ករណីខ្លះទៀត ជាបញ្ហាធ្ងន់ធ្ងរ ដែលបណ្ដាលមកពីជំងឺនានា ហើយយើងត្រូវព្យាបាលភ្លាមៗ។
ខាងក្រោមនេះ ជាមូលហេតុបណ្ដាលឲ្យយើងស្ពឹកដៃ៖
ក្នុងករណីខ្លះ ការស្ពឹកដៃអាចជារោគសញ្ញា ដែលយើងត្រូវព្យាបាលភ្លាមៗ ដោយវាបណ្ដាលមកពីជំងឺដាច់សរសៃឈាមខួរក្បាល។ ការស្ពឹកដៃក្នុងស្ថានភាពនេះ កើតឡើងភ្លាមៗ និងប៉ះពាល់រាងកាយមួយចំហៀងតែម្ដង ហើយអ្នកជំងឺមិនអាច សូម្បីតែលើកដៃរបស់ខ្លួន។
មូលហេតុមួយទៀត បណ្ដាលឲ្យស្ពឹកដៃ គឺរោគសញ្ញានៃជំងឺប្រហោងក្នុងប្រអប់ដៃ (Carpal Tunnel Syndrome)។ រោគសញ្ញានេះ កើតឡើងនៅពេលសរសៃប្រសាទជាច្រើននៅក្នុងដៃ រងការគាប ឬសង្កត់។ ក្នុងដំណាក់កាលដំបូង រោគសញ្ញានៃជំងឺនេះ អាចសម្រួលបានដោយវិធីសាមញ្ញទេ ប៉ុន្ដែក្នុងដំណាក់កាលចុងក្រោយ ចាំបាច់ត្រូវវះកាត់។
រោគសញ្ញា Thoracic Outlet Syndrome បណ្ដាលមកពីការគាបសរសៃប្រសាទ ឬសរសៃឈាម នៅចន្លោះឆ្អឹងដងកាំបិត (Collarbone) និងឆ្អឹងជំងឺ។ វាក៏អាចបណ្ដាលមកពីការស្ពាយកាតាបធ្ងន់ៗ ឬធំៗផងដែរ។ ស្រីៗ ប្រឈមការកើតរោគសញ្ញានេះជាងប្រុសៗ។
បញ្ហានេះ កើតឡើងលើអ្នកជំងឺទឹកនោមផ្អែម ដោយកម្រិតជាតិស្ករខ្ពស់ក្នុងឈាម បានបំផ្លាញសរសៃប្រសាទ ក្នុងរាងកាយ។ ក្នុងស្ថានភាពនេះ អាចបណ្ដាលឲ្យមានផលវិបាកធ្ងន់ធ្ងរ ដូចជា ពិការអវយវៈ ហើយយើងចាំបាច់ត្រូវដឹងអំពីបញ្ហាកំពុងឡើង និងព្យាបាលភ្លាមៗ។
អត្ថបទពាក់ព័ន្ធ៖ ឧស្សាហ៍ស្ពឹកដៃ ស្ពឹកជើង គួរប្រយ័ត្នផង ព្រោះអាចដោយសារបញ្ហាសុខភាពទាំងនេះ
ជំងឺប្រឆាំងប្រព័ន្ធការពារ Lupus កើតឡើង នៅពេលប្រព័ន្ធការពារ ដំណើរការខុសប្រក្រតី ដោយវាបែរទៅជាបំផ្លាញសរីរាង្គ និងជាលិកាវិញ។ រោគសញ្ញា រួមមានស្ពឹកដៃ ប៉ុន្ដែវាអាស្រ័យទៅលើផ្នែកនៃរាងកាយ ដែលរងការប៉ះពាល់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត