បញ្ហាវាយ ឬទះកូនតូចៗ កើតមាននៅសឹងតែគ្រប់ជាតិសាសន៍ទាំងអស់ លើពិភពលោក តែប្រទេសខ្លះ ក៏បានដាក់ចេញបម្រាម មិនឲ្យប៉ាម៉ាក់ វាយ ឬទះកូនតូចផងដែរ។ ពេលនេះ ព្រឹទ្ធសភាបារាំង កំពុងរៀបចំអនុម័តច្បាប់នេះ។
បារាំង ត្រៀមចេញច្បាប់ថ្មីអត់ឲ្យប៉ាម៉ាក់វាយកូន បើហ៊ានដឹងតែមានទោស
ត្រួតពិនិត្យដោយ ជីព ចិត្ត
ប្រសិនបើច្បាប់នេះ ត្រូវព្រឹទ្ធសភាអនុម័ត នោះបារាំង នឹងក្លាយជារដ្ឋទី ៥៥ ដែលហាមមិនឲ្យដាក់ទោសលើខ្លួនប្រាណកុមារ។ ច្បាប់នេះ នឹងត្រូវសរសេរចូលក្នុងក្រមប្រតិបត្តិស៊ីវិល ហើយអានឲ្យគូ ភរិយា-ស្វាមី ថ្មី ស្ដាប់ផងដែរ។ យោងតាមសមាគមកុមាររបស់បារាំង ប៉ាម៉ាក់ ៨៥% សារភាពថា ពួកគេបានទះកូន។
តាមពិតទៅ ហិង្សាលើកុមារ ត្រូវហាមឃាត់ក្រោមច្បាប់ព្រហ្មទណ្ឌបារាំង តែនៅសតវត្សទី១៩ ត្រូវអនុញ្ញាតវិញ ក្រោមច្បាប់ស៊ីវិល ដោយហេតុផលថា ជាការដាក់វិន័យលើកូនៗ។ ច្បាប់ថ្មីនេះ ក៏មិនបានបញ្ជាក់ច្បាស់លាស់ដែរ អំពីមធ្យោបាយ ដែលប៉ាម៉ាក់អាចដាក់ពិន័យលើកូនៗ។
លោក Maud Petit សមាជិកសភា បញ្ជាក់ថា គោលបំណងនៃបម្រាមនេះ ដើម្បីជំរុញឲ្យសង្គមផ្លាស់ប្ដូរមធ្យោបាយ ដែលយកអំពើហិង្សាទៅអប់រំកូន។
អត្ថបទពាក់ព័ន្ធ៖
គួរបញ្ជាក់ថា នៅឆ្នាំ២០១៥ ក្រុមប្រឹក្សាអឺរ៉ុប បានផ្ដល់អនុសាស្ត្រដល់បារាំង ដែលមិនអនុវត្តតាមប្រទេសអឺរ៉ុបផ្សេងទៀត លើបម្រាម ទះកូនៗ។ មួយឆ្នាំបន្ទាប់ គណៈកម្មាធិការស្ដីពីសិទ្ធិកុមាររបស់អង្គការសហប្រជាជាតិ បានជំរុញឲ្យប្រទេសបារាំង ហាមការដាក់ពិន័យដោយហិង្សាគ្រប់ទម្រង់ទាំងអស់ លើកុមារ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម