ក្មេងតូចៗ ពិសេសក្មេងស្លៀកខោទឹកនោម ងាយនឹងរលាកគូទណាស់។ ចំពោះមូលហេតុធ្វើឲ្យក្មេងឧស្សាហ៍រលាកគូទវិញ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានលើកឡើងថា មានច្រើន ដូចជាក្មេងរាកញឹកញាប់ ការមិនបានលាងសម្អាតគូទកូនឲ្យបានស្អាតល្អពេលនោម ឬជុះ ផ្អាប់កន្ទបកូនទុកយូរពេក កូនអាលែកហ្ស៊ីជាមួយកន្ទប ឬខោទឹកនោម ឆ្លងមេរោគផ្សិត បាក់តេរី ឬវីរុស ជាដើម។
កូនតូចៗរលាកគូទមកពីមូលហេតុច្រើនយ៉ាង តែកុំបារម្ភនេះជាដំណោះស្រាយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តើត្រូវដោះស្រាយបែបណាពេលកូនតូចរលាកគូទ?
– ត្រូវលាបក្រែមជុំវិញបរិវេណគូទកូន ក្រោយសម្អាតគូទ ឬងូតទឹករួច
– ឲ្យកូនញ៉ាំទឹកឲ្យច្រើន
– ឲ្យកូនតមអាហារដែលមានជាតិខ្លាញ់ ហឹរ ឬផ្អាប់
– ធ្វើអនាម័យរាងកាយ និងគូទកូនជាប់ជាប្រចាំ
– ជ្រើសរើសកន្ទប ឬខោទឹកនោម ដែលទន់ ហើយជក់ទឹក
– ត្រូវផ្លាស់ប្តូរកន្ទបកូនឲ្យញឹកញាប់។
ចំពោះក្មេងរលាកគូទដោយសារខោទឹកនោមវិញអ្នកគ្រូពេទ្យឆ្មប សុំ សូរិយា បម្រើការនៅមន្ទីរពេទ្យបង្អែកស្រុកខ្សាច់កណ្ដាល បានលើកឡើងថា នៅពេលថ្ងៃមិនបាច់ស្លៀកខោទឹកនោមឲ្យកូនទេ ហើយត្រូវ៖
– ក្រោយកូនជុះ ឬនោមត្រូវលាងសម្អាតជាមួយទឹកក្ដៅឧណ្ហៗ ឬទឹកត្រជាក់ធម្មតា
– បន្ទាប់មកជូតសម្អាតគូទកូនដោយកំណាត់ស្ងួត ទន់
– ផ្លាស់ប្ដូរខោទឹកនោមឲ្យបានញឹកញាប់
– បើមិនចាំបាច់ កុំប្រើកន្សែងសើមជូតអី ព្រោះងាយប្រតិកម្ម
– ពេលកូនបត់ជើងធំ ត្រូវប្រញាប់ដូរភ្លាម កុំផ្អាប់ទុកយូរ។
អ្នកគ្រូបានបន្តថា ទារកទើបកើតច្រើនណាស់កើតរោល រមាស់ ព្រោះសាច់ខោទឹកនោមមានសារជាតិគីមី ហើយសារជាតិគីមីនេះបានទៅប៉ះទឹកនោមធ្វើឲ្យមានប្រតិកម្មស្បែកជួបប្រទះក្រហម រោល ឬកន្ទួល។ មួយវិញទៀតអាចបណ្ដាលមកពីម៉ាក់ៗទុកយូរពេកមិនដូរ ជាពិសេសពេលយប់តែម្ដង ដោយសារតែអត់ងងុយ និងខ្ជិលនោះ ទើបម៉ាក់ៗខ្លះបណ្ដោយឲ្យកូនស្លៀកខោតែ១ ក្នុងមួយយប់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម