តាមជំនឿតៗគ្នា នៅពេលភ្នែកកូនក្មេងទើបកើតឈឺ ចាស់ៗតែងឲ្យម្តាយបន្តក់ទឹកដោះចូល ដោយគិតថា ទឹកដោះម្តាយមានជាតិថ្នាំអាចព្យាបាលជំងឺក្មេងបាន។ តាមក្បួនវេជ្ជសាស្ត្រធ្វើបែបនេះ មិនត្រឹមត្រូវឡើយ ថែមធ្វើឲ្យជំងឺកាន់តែធ្ងន់ធ្ងរ។។
នៅលើផេកផ្លូវការរបស់មន្ទីរពេទ្យព្រះអង្គឌួងកាលពីពេលថ្មីនេះ បានលើកយកករណីជាក់ស្តែងមួយ បង្ហាញជូនសាធារណជនថា ទារិកាអាយុ ៣១ ថ្ងៃ ប្រឈមនឹងការពិការភ្នែកខ្លាំង ដោយសារតែក្មេងស្រីនោះមានជំងឺដំបៅកញ្ចក់ភ្នែកធ្ងន់ធ្ងរ តែម្តាយឪពុកមិនបាននាំកូនមកព្យាបាលនៅមន្ទីរពេទ្យ ដោយបន្តក់ទឹកដោះម្តាយចូលក្នុងភ្នែកកូនរយៈពេល ២ ថ្ងៃ ជំងឺកាន់តែធ្ងន់ធ្ងរទើបនាំមកពេទ្យ។
អត្ថបទពាក់ព័ន្ធ៖
- កូនឈឺភ្នែក នេះជាវីធីដោះស្រាយភ្លាមៗល្អបំផុតសម្រាប់ប៉ាមាក់អនុវត្ត
- ភ្នែកប៊េបីងាយមានបញ្ហាណាស់ ម៉ាក់ៗត្រូវប្រយ័ត្ន ចៀសបញ្ហាទាំងនេះ
ក្នុងនោះដែរ មន្ទីរពេទ្យព្រះអង្គឌួង បានស្នើឲ្យបញ្ឈប់ជំនឿដែលគ្មានវេជ្ជសាស្រ្តទទួលស្គាល់ ដែលគិតថាទឹកដោះម្តាយអាចព្យាបាលបញ្ហាភ្នែកកូនបាន ត្រូវបញ្ជូនក្មេងដែលមានបញ្ហាភ្នែក មកជួបជាមួយគ្រូពេទ្យឯកទេសដើម្បីព្យាបាលទាន់ពេលវេលា ការបន្តក់ទឹកដោះម្តាយទៅក្នុងភ្នែកកូនឈឺ ជាការព្យាបាលពុំចំទិសដៅ ធ្វើឲ្យជំងឺកាន់តែធ្ងន់ធ្ងរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
