គ្នាយើងដឹងហើយថា ការបំបៅដោះកូន ជារឿងចាំបាច់មួយសម្រាប់ម៉ាក់ៗថ្មីថ្មោងដែលទើបសម្រាលកូនរួច ដោយសារទឹកដោះម្ដាយជាអាហារល្អបំផុតសម្រាប់ទារក។ ដូចគ្នានេះ មានការលើកឡើងមួយថា ម៉ោង ៤-៥ ព្រឹកព្រលឹម ជាពេលដែលម៉ាក់ៗសម្បូរទឹកដោះជាងគេ។ តើអំឡុងវេលានេះ ពិតជាសម្បូរទឹកដោះឲ្យកូនបៅមែនឬ?
ពិតអត់ ពេលព្រឹកព្រលឹម ម៉ាក់ៗសម្បូរទឹកដោះឲ្យកូនបៅជាងពេលណាផ្សេងៗ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បញ្ហានេះ លោកវេជ្ជបណ្ឌិត ឃួន សុវណ្ណារិទ្ធ ឯកទេសផ្នែកសម្ភព និងរោគស្ត្រី បានបកស្រាយឲ្យដឹងថា ពេលដែលម៉ាក់ៗបំបៅដោះកូន យើងមិនសម្គាល់ទេ ពេលណា ឬម៉ោងណា សម្បូរទឹកដោះឲ្យកូនបៅ។ ជាទូទៅអំឡុងពេលពពោះបាន៧ខែ រាងកាយរបស់ម្ដាយចាប់ផ្ដើមផលិតទឹកដោះ ហើយក្រោយម៉ាក់ៗសម្រាលបានពី ៣០-៦០នាទី ម៉ាក់ៗនឹងមានទឹកដោះដំបូងឲ្យកូនបៅហើយ។
ផ្ទុយទៅវិញ បើម្ដាយនោះមិនសម្បូរទឹកដោះឲ្យកូនបៅ ត្រូវបំបៅកូនឲ្យបានញឹកញាប់ ព្រោះវាបញ្ជាទៅប្រព័ន្ធប្រសាទម្ដាយឲ្យបញ្ចេញអ័រម៉ូន ប្រូឡាក់ទីន ឲ្យក្រពេញទឹកដោះផលិតទឹកដោះឡើងមកច្រើន។ មួយវិញទៀត បើមិនសម្បូរទឹកដោះឲ្យកូនបៅ ម៉ាក់ៗអាចប្រើវិធីម៉ាស្សាសុដន់ ដើម្បីជួយឲ្យទឹកដោះកើនឡើង តែចៀសវាងប៉ះពាល់ទៅលើចុងសុដន់ ព្រោះខ្លាចឆ្លងមេរោគមិនស្អាត ពេលកូនបៅអាចប៉ះពាល់ដល់កូន។
វេជ្ជបណ្ឌិតសម្ភពរូបនេះ បន្តថា ចំពោះម៉ាក់ៗដែលបំបៅដោះកូន ត្រូវធ្វើឲ្យអារម្មណ៍ឲ្យស្រស់ស្រាយ ព្រោះកាលណាម៉ាក់ៗគិតច្រើន ឬមិនសប្បាយចិត្ត វាក៏អាចប៉ះពាល់ទៅដល់ការផលិតទឹកដោះរបស់ម៉ាក់ៗដែរ។ “លើសពីនេះ ម៉ាក់ៗក៏ត្រូវបំប៉នអាហារឲ្យបានច្រើន ញ៉ាំទឹក ញ៉ាំចំណីចំណុកឲ្យបានគ្រប់មុខ លើកលែងតែអាហារដែលធ្វើឲ្យអាលែកហ្សី។ បើធ្វើបែបនេះបាន មិនបាច់ភ័យរឿងអត់ទឹកដោះទេ ពេលណាក៏មានឲ្យកូនបៅដែរ។”
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម