ក្រសួងសុខាភិបាលបានចូលរួមលើកទឹកចិត្តឲ្យស្រ្តីបំបៅកូនដោយទឹកដោះម្តាយតាមគ្រប់រូបភាព។ ក្រសួងសុខាភិបាលបានឲ្យដឹងថា តាមភស្តុតាងវិទ្យសាស្ត្រ ទឹកដោះម្ដាយជាអាហារដ៏ល្អឥតខ្ចោះសម្រាប់ទារក និងកុមារនៅគ្រប់កាលៈទេសៈណាទាំងអស់។ គ្មានផលិតផលណាមួយ ដែលល្អប្រសើរជាងទឹកដោះម្ដាយនោះទេ។ អំឡុងពេល៦ខែដំបូងនៃជីវិតទារក ទឹកដោះម្ដាយជាអាហារសំខាន់សម្បូរសារជាតិចិញ្ចឹមគ្រប់គ្រាន់ដែលទារកត្រូវការ ដោយមិនបាច់ថែមអាហារ ឬទឹកអ្វីបន្ថែមឡើយ។