បន្ទុកក្នុងការមានកូនគឺខ្លាំងណាស់ ដែលឳពុកម្តាយជាច្រើននាក់បានអះអាងថាពួកគាត់បាត់បង់អស់សេរីភាព មិនដូចកាលនៅលីវ និងខ្លះគិតថាប្រហែលជាធ្វើឲ្យខ្លួនមានអាយុខ្លីផង ដោយសារតែកូនបង្កបញ្ហាច្រើន។ ផ្ទុយទៅវិញ ការសិក្សាបានបង្ហាញថាអាយុកាលរបស់មនុស្សម្នាក់ៗតាមពិតទៅត្រូវបានបន្លាយឲ្យវែងដោយសារតែភាពជាឳពុកម្តាយនោះឯង។ ប្រការនេះអាចនឹងស្តាប់ទៅគួរឲ្យចង់សើចសម្រាប់ឳពុកម្តាយដែលបានជួបប្រទះ និងឆ្លងកាត់រឿងលំបាកច្រើន ហើយនៅតែស៊ូទ្រាំទ្រនឹងបន្ទុកនៃការចិញ្ចឹមកូនទាំងលំបាក តែការពិតនៅតែជាការពិត។