ការបំពេញជាតិទឹកក្នុងខ្លួនសំខាន់ណាស់ ជាពិសេសនៅពេលអាកាសធាតុក្ដៅខ្លាំង។ ការផឹកទឹកមិនគ្រប់គ្រាន់អាចធ្វើឲ្យហត់ ឈឺក្បាល រមួលក្រពើ និងសម្ពាធឈាមទាបជាដើម។ ការផឹកទឹកគ្រប់គ្រាន់គឺជាការសំខាន់ណាស់ ប៉ុន្តែយើងក៏អាចបំពេញជាតិទឹកតាមរយៈអាហារ ឬផ្លែឈើបាន។ អត្ថបទនេះនឹងបង្ហាញពីអាហារ និងផ្លែឈើសំបូរដោយជាតិទឹកមួយចំនួន។
អាកាសធាតុក្ដៅ ញ៉ាំបន្លែ ផ្លែឈើ ទាំងនេះអាចជួយបំពេញជាតិទឹកបានល្អ
ត្រួតពិនិត្យដោយ ទូច សុខា
១. ផ្លែឪឡឹក
ផ្លែឪឡឹកមានផ្ទុកជាតិទឹករហូតដល់ ៩២%។ ផ្លែឪឡឹក ១៥៤ក្រាមស្មើនឹងទឹក ១១៨មីល្លិលីត្រ និងមានជាតិសរសៃ និងសារធាតុចិញ្ចឹមផ្សេងទៀតដូចជាវីតាមីន A C និងម៉ាញ៉េស្យូម។ មិនត្រឹមតែប៉ុណ្ណោះ ផ្លែក៏មានកាឡូរីទាបដែលជួយដល់ការសម្រកទម្ងន់ដោយធ្វើឲ្យឆាប់ឆ្អែត និងកាត់បន្ថយចំណង់អាហារ។
២. ផ្លែស្ត្របឺរី
ផ្លែស្ត្របឺរីផ្ទុកជាតិទឹក ៩១% ដែលអាចជួយបង្គ្រប់ជាតិទឹកដែលរាងកាយត្រូវការប្រចាំថ្ងៃ។ បន្ថែមពីនេះទៀត ផ្លែនេះក៏សំបូរជាតិសរសៃ សារធាតុប្រឆាំងអុកស៊ីតកម្ម វីតាមីន និងរ៉ែផ្សេងៗ។ ក្នុងនោះមានវីតាមីន C Folate និងmanganese។ ការញ៉ាំផ្លែនេះរាល់ថ្ងៃអាចការពារជំងឺបេះដូង ជំងឺទឹកនោមផ្អែម ជំងឺចាស់វង្វេង និងជំងឺមហារីក។
៣. ផ្លែប៉េស
ផ្លែប៉េសផ្ទុកជាតិទឹក៨៩% និងសំបូរដោយសារធាតុចិញ្ចឹមផ្សេងទៀតដូចជា វីតាមីន A C B និងប៉ូតាស្យូម។ បន្ថែមពីនេះទៀតការញ៉ាំផ្លែប៉េសទាំងសំបកអាចទទួលបានសារធាតុប្រឆាំងអុកស៊ីតកម្មដូចជាអាស៊ីន chorogenic ជាដើម។ ផ្លែនេះមានកាឡូរីទាប និងជួយឲ្យឆាប់ឆ្អែត។
៤. ផ្លែក្រូច
ផ្លែក្រូចមានជាតិទឹក ៨៨%។ ផ្លែក្រូចមួយផ្លែអាចផ្តល់ជាតិទឹក ១១៨មីល្លិលីត្រ រួមជាមួយនឹងជាតិសរសៃ និងសារធាតុចិញ្ចឹមផ្សេងទៀត។ វីតាមីន C និងប៉ូតាស្យូមក្នុងផ្លែក្រូចអាចពង្រឹងប្រព័ន្ធភាពស៊ាំ និងសុខភាពបេះដូង។
៥. ផ្លែត្រសក់
ផ្លែត្រសក់មានជាតិទឹក ៩៥% និងផ្តល់នូវសារធាតុចិញ្ចឹមដូចជាវីតាមីន K ប៉ូតាស្យូម និងម៉ាញ៉េស្យូម។ ផ្លែនេះក៏មានកាឡូរីទាបដែលអាចជួយរក្សាទម្ងន់បានយ៉ាងមានប្រសិទ្ធភាព។
អត្ថបទពាក់ព័ន្ធ៖
- អត្ថប្រយោជន៍ ៧ យ៉ាងបានពីការញ៉ាំផ្លែត្រសក់ផ្អែម គ្រប់គ្នាមិនគួរមើលរំលង
- ញ៉ាំត្រសក់មួយផ្លែរាល់ថ្ងៃ ផ្ដល់ប្រយោជន៍អីខ្លះរាងកាយ?
- ញ៉ាំក្រូច ជឿថាអាចជួយការពារជំងឺធាត់ ជំងឺបេះដូង និងទឹកនោមផ្អែម
៦. ផ្លែប៉េងប៉ោះ
ផ្លែប៉េងប៉ោះមានជាតិទឹក៩៤% និងផ្តល់នូវវីតាមីន និងរ៉ែផ្សេងៗដូចជាវីតាមីន A និង C ជាដើម។ ផ្លែប៉េងប៉ោះ ១៤៩ក្រាមផ្តល់កាឡូរីតែ៣២កាឡូរី។ ក្រៅពីនេះផ្លែប៉េងប៉ោះក៏មានជាតិសរសៃ និងសារធាតុប្រឆាំងអុកស៊ីតកម្ម lycopeneដែលអាចកាត់បន្ថយហានិភ័យជំងឺបេះដូង និងការពារជំងឺមហារីកក្រពេញប្រូស្តាតទៀតផង។
អត្ថបទពាក់ព័ន្ធ៖
៧. ម្ទេសប្លោក
ម្ទេសប្លោកមានជាតិទឹក ៩២% និងសំបូរដោយជាតិសរសៃ វីតាមីន B វីតាមីនC ប៉ូតាស្យូម និងសារធាតុប្រឆាំងអុកស៊ីតកម្ម carotenoid ដែលអាចកាត់បន្ថយហានិភ័យជំងឺមហារីក និងជំងឺភ្នែក។ មិនត្រឹមតែប៉ុណ្ណោះ យើងអាចញ៉ាំម្ទេសប្លោកដោយមិនចាំបាច់បារម្ភថានឹងឡើងទម្ងន់ទេ ព្រោះម្ទេសប្លោក ១៤៩ក្រាមផ្តល់កាឡូរី ៤៦កាឡូរីប៉ុណ្ណោះ។
៨. ផ្កាខាត់ណា
ផ្កាខាត់ណាផ្ទុកជាតិទឹក៩២%។ ផ្កាខាត់ណា ១០០ក្រាមផ្តល់ជាតិទឹក ៥៩មីល្លិលីត្រ ជាតិសរសៃ ៣ក្រាម និងកាឡូរី ២៥កាឡូរី។ លើសពីនេះទៀត ផ្កាខាត់ណាក៏មានសារធាតុ choline ដែលជាសារធាតុចិញ្ចឹមចាំបាច់សម្រាប់ទ្រទ្រង់សុខភាពខួរក្បាល និងការធ្វើមេតាបូលីស។
៩. ស្ពៃក្ដោប
ស្ពៃក្ដោបមានជាតិទឹក ៩២% ហើយក៏សំបូរដោយជាតិសរសៃ វីតាមីន C វីតាមីនK Folate និងរ៉ែផ្សេងៗដែលមានប្រយោជន៍ដល់សុខភាព។ សារធាតុប្រឆាំងអុកស៊ីតកម្ម glucosinolate ក្នុងស្ពៃក្ដោបអាចការពារនឹងជំងឺមហារីកសួត។
១០. ផ្លែក្រូចថ្លុង
ផ្លែក្រូចថ្លុងគឺមានជាតិទឹក ៨៨%។ ផ្លែនេះក៏សំបូរដោយជាតិសរសៃ វីតាមីន A ប៉ូតាស្យូម និងFolate។ ក្រៅពីនេះក៏មានវីតាមីន C ដែលជួយដល់ប្រព័ន្ធភាពស៊ាំ ហើយក៏ជួយដល់ការសម្រកទម្ងន់ ក៏ដូចជាបញ្ចុះកូលេស្រ្តេរ៉ូល សម្ពាធឈាម និងកម្រិតជាតិស្ករក្នុងឈាម។
១១. ទឹកដូង
ទឹកដូងមានជាតិទឹក ៩៥% និងសំបូរដោយអេឡិចត្រូលីតរួមមានប៉ូតាស្យូម សូដ្យូម និងchloride។ ទឹកដូងក្រៅពីជួយបំពេញជាតិទឹក នៅអាចជួយបំពេញអេឡិចត្រូលីតក្រោយពីការហាត់ប្រាណ។ ទឹកដូងមានផលល្អចំពោះសុខភាពជាងភេសជ្ជៈជំនួយកម្លាំងផ្សេងទៀត។
អត្ថបទពាក់ព័ន្ធ៖
- ទឹកដូង និងផ្លែឈើប៉ុន្មានមុខនេះស្រួលរក ក្តៅអ៊ីចឹង ញ៉ាំទៅបំពេញជាតិទឹកបានយ៉ាងងាយ
- តាមក្បួនពេទ្យ ទឹកត្រសក់មានប្រយោជន៍ដល់សុខភាពខ្លាំង
- “ទឹកដូង” កំពូលភេសជ្ជៈសុខភាព លាក់គុណប្រយោជន៍យើងមិនធ្លាប់ដឹង
- អ្នកចូលចិត្តញ៉ាំផ្កាខាត់ណាខៀវ នេះជាអត្ថប្រយោជន៍ទទួលបានចំពោះសុខភាព
- ក្រូចថ្លុង មានគុណប្រយោជន៍ច្រើន តែក៏មានគុណវិបត្តិដែរ!
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម