ត្រសក់ភាគច្រើនគេយកទៅធ្វើម្ហូប ហើយក៏ជាប្រភពនៃសារធាតុចិញ្ចឹមសំខាន់ៗ និងមានប្រយោជន៍ច្រើនដល់រាងកាយយើងផងដែរ។ តើរាងកាយយើងនឹងប្រែប្រួលយ៉ាងម៉េចខ្លះ ប្រសិនបើញ៉ាំត្រសក់មួយផ្លែរាល់ថ្ងៃ?
ត្រួតពិនិត្យដោយ ទូច សុខា
ត្រសក់ភាគច្រើនគេយកទៅធ្វើម្ហូប ហើយក៏ជាប្រភពនៃសារធាតុចិញ្ចឹមសំខាន់ៗ និងមានប្រយោជន៍ច្រើនដល់រាងកាយយើងផងដែរ។ តើរាងកាយយើងនឹងប្រែប្រួលយ៉ាងម៉េចខ្លះ ប្រសិនបើញ៉ាំត្រសក់មួយផ្លែរាល់ថ្ងៃ?
សារធាតុ Fisetin មានក្នុងផ្លែត្រសក់មានតួនាទីជួយដល់សុខភាពខួរក្បាល។ ក្នុងផ្លែត្រសក់ក៏មានផ្ទុកសារជាតិផូស្វ័រដែរ។ នៅពេលខ្វះជាតិផូស្វ័រអាចនឹងមានហានិភ័យជំងឺខួរក្បាល ប៉ះពាល់ដក់ការគិត និងការផ្ចង់អារម្មណ៍ជាដើម។
អត្ថបទពាក់ព័ន្ធ៖
ត្រសក់មានផ្ទុកជាតិទឹកច្រើនធ្វើឲ្យយើងមានអារម្មណ៍ថាឆ្អែតបានយូរ ដូចនេះអាចជួយក្នុងការគ្រប់គ្រងការញ៉ាំលើសកំណត់។ ផ្លែត្រសក់មិនមានផ្ទុកជាតិខ្លាញ់ និងមានកាឡូរីទាបជួយដល់ការសម្រកទម្ងន់។
អត្ថបទពាក់ព័ន្ធ៖ បន្លែ និងផ្លែឈើ ដែលញ៉ាំមិនឡើងគីឡូ ហើយមានប្រយោជន៍ដល់សុខភាពច្រើនទៀត
ក្រៅពីសារធាតុប្រឆាំងអុកស៊ីតកម្ម និងប្រឆាំងការរលាក ត្រសក់ក៏មានសមាសធាតុ fisetinដែរ។ សមាសធាតុនេះត្រូវបានអ្នកស្រាវជ្រាវជំងឺមហារីកមានការចាប់អារម្មណ៍ខ្លាំងដោយសារតែមានទំនាក់ទំនងនឹងការកាត់បន្ថយហានិភ័យជំងឺមហារីក។
ត្រសក់មានផ្ទុកជាតិសរសៃ និងជាតិទឹកជាច្រើនដែលអាចជួយដល់ការរំលាយអាហារបានល្អ ហើយវីតាមីនផ្សេងទៀតក្នុងផ្លែឈើនេះក៏ជួយជំរុញមុខងារប្រព័ន្ធរំលាយអាហារដែរ។ ញ៉ាំត្រសក់មួយផ្លែរាល់ថ្ងៃអាចជួយដល់ការបន្ទោបង់បានស្រួលផងដែរ។
អត្ថបទពាក់ព័ន្ធ៖ អាហារមានជាតិសរសៃ ផ្ដល់គុណប្រយោជន៍ច្រើនដល់សុខភាព
ត្រសក់មួយផ្លែមានជាតិទឹកដល់ទៅ៩៥% ដូចនេះញ៉ាំរាល់ថ្ងៃអាចជួយបំពេញជាតិទឹកដល់រាងកាយហើយមានផលល្អសម្រាប់សុខភាព។ ប្រសិនជាយើងមិនសូវទម្លាប់ផឹកទឹកច្រើន ការញ៉ាំត្រសក់មួយផ្លែរាល់ថ្ងៃអាចជាជម្រើសដ៏ល្អមួយដែរ។
ដោយសារតែត្រសក់ជួយបំពេញជាតិទឹកក្នុងរាងកាយ ដូចនេះមានប្រយោជន៍ណាស់ដល់ស្បែក។ បន្ថែមពីនេះទៀត ក៏មានវីតាមីន B ដូចជាniacin និងriboflavin ជាមួយនឹងវីតាមីន C និងជាតិស័ង្កសី ដែលជួយថែរក្សាស្បែកឲ្យបានល្អ។ ហើយក៏មានអាស៊ីដកាហ្វេអិច (caffeic acid) ប្រឆាំងនឹងការរលាកដែរ។
អត្ថបទពាក់ព័ន្ធ៖ ស្វែងយល់ពីកំពូលគុណប្រយោជន៍ពីវីតាមីន B Complex
វីតាមីន B នៅក្នុងត្រសក់មានប្រយោជន៍ដល់ស្បែកក្បាល និងសក់។ សារធាតុ biotin riboflavin niacin រួមទាំងវីតាមីនB5, B6 និងCមានតួនាទីសំខាន់ក្នុងការលូតលាស់របស់សក់ និងអាចជួយដល់បញ្ហាសក់ជ្រុះ និងសក់ឡើងស្កូវ។
ត្រសក់ផ្ទុកសារធាតុប៉ូតាស្យូម ម៉ាញ៉េស្យូម និងវីតាមីន K។ សារធាតុទាំងបីនេះមានសារៈប្រយោជន៍ដល់មុខងាររបស់បេះដូង។ វីតាមីន K ជាកត្តាសំខាន់ក្នុងការកកឈាម និងរក្សាកម្រិតកាល់ស្យូមក្នុងឈាម។ កម្រិតម៉ាញ៉េស្យូម និងប៉ូតាស្យូមទាបក៏មានទំនាក់ទំនងទៅនឹងការលើសសម្ពាធឈាមដែរ។ ម៉្យាងទៀត ការសិក្សាបានរកឃើញថាការញ៉ាំត្រសក់អាចកាន់បន្ថយកម្រិតកូលេស្តេរ៉ូលអាក្រក់ទៀតផង។
ក្រៅពីសមាសធាតុរៀបរាប់ខាងលើ ត្រសក់ក៏មានសមាសធាតុ phenolic flavonoids និងtriterpenes។ អ្នកស្រាវជ្រាវបានលើកឡើងថាការញ៉ាំត្រសក់ច្រើនអាចមានផលវិជ្ជមានដល់ការគ្រប់គ្រងកម្រិតជាតិស្ករក្នុងឈាម។
វីតាមីន K និងកាល់ស្យូមនៅក្នុងត្រសក់មានសារៈសំខាន់ជួយឲ្យឆ្អឹងរឹងមាំ។ វីតាមីន K កាត់បន្ថយហានិភ័យក្នុងការបាក់ឆ្អឺង និងមានតួនាទីសំខាន់ក្នុងការស្រូបយកជាតិកាល់ស្យូមនៅក្នុងឆ្អឹង។
អត្ថបទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា