ក្នុងអំឡុងពេលនៃជំងឺកូវីដ-១៩នេះ បញ្ហាសុខភាពផ្លូវចិត្តបានកើនឡើងចំពោះមនុស្សគ្រប់វ័យ ជាពិសេសទៅលើក្មេងៗ ។ រោគសញ្ញានៃបញ្ហាផ្លូវចិត្តដែលយើងតែងតែមើលរំលងមានដូចជាឆាប់ខឹង ខ្ជិល ឬរឹងរូស។ល។ បញ្ហាចម្បងដែលក្មេងៗជួបប្រទះនៅពេលបច្ចុប្បន្នមានដូចជា៖
សញ្ញាទាំងនេះបញ្ជាក់ថាកូវីដ-១៩ ប៉ះពាល់ផ្លូវចិត្តកូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១.ការថប់បារម្ភ
កូនៗកើតមានអាការៈថប់បារម្ភនេះឡើង ដោយសារតែការប្រឡង ការពន្យារពេលចូលរៀនម្ដងហើយម្ដងទៀត និងការសិក្សាតាមអនឡាញ។ ជាលទ្ធផល ក្មេងៗអាចនឹងមានអារម្មណ៍រសាប់រសល់ ភ័យស្លន់ស្លោ និងគិតអវិជ្ជមាន។
២. ជំងឺបាក់ទឹកចិត្ត
ការនៅតែក្នុងផ្ទះរយៈពេលយូរ ជាមួយនឹងការធ្វើសកម្មភាពរាងកាយ ឬការលេងជាមួយនឹងមិត្តភ័ក្ដិតិចតួច អាចបណ្ដាលឲ្យក្មេងកើតមានជំងឺបាក់ទឹកចិត្តបាន។
៣. ចំណាយពេលនៅមុខអេក្រង់ទូរទស្សន៍ ឬទូរស័ព្ទកាន់តែច្រើន
បញ្ហានេះអាចជាកត្តាបង្កឲ្យមានការថប់បារម្ភ និងការបាក់ទឹកចិត្ត។ ជាមួយគ្នានេះដែរ វាក៏បង្កើនអារម្មណ៍ឯកោ ការប្រៀបធៀបខ្លួនឯងនឹងក្មេងដទៃទៀត ក៏ដូចជាគិតពីព័ត៌មានអវិជ្ជមាននៅក្នុងប្រព័ន្ធផ្សព្វផ្សាយ។
៤. ជំងឺបាក់ស្បាត
មួយវិញទៀត កូនៗអាចនឹងរងការបាក់ស្បាត នៅពេលដែលមានបញ្ហាធំៗនៅផ្ទះដូចជាអំពើហិង្សា ការប្រើប្រាស់សារធាតុញៀនក្នុងគ្រួសារ ឬការផ្ទុះកំហឹងញឹកញាប់ជាដើម។
៥. បញ្ចេញប្រតិកម្មផ្នែកអារម្មណ៍ខ្លាំងជ្រុល
ជាទូទៅ ក្មេងៗតែងតែបញ្ចេញប្រតិកម្មផ្នែកអារម្មណ៍ខ្លាំង នៅពេលដែលពួកគេមានអារម្មណ៍សោកសៅ អផ្សុក និងឯកា។
៦. មានអារម្មណ៍ថាត្រូវគេបោះបង់ចោល
បញ្ហានេះកើតឡើងនៅពេលដែលមិត្តភ័ក្ដិមិនមានពេលសម្រាប់ខ្លួន ហើយប៉ាម៉ាក់ក៏រវល់ជាមួយនឹងការងារផ្សេងៗ។
៧. ប្រព្រឹត្តអាកប្បកិរិយាដែលបង្កគ្រោះថ្នាក់
នេះរួមបញ្ចូលទាំងការលេងហ្គេមដែលមានលក្ខណៈហិង្សា ឬប្រើប្រាស់រូបអាសអាភាសជាដើម។
ប៉ាម៉ាក់អាចកំណត់ពីបញ្ហាផ្លូវចិត្តរបស់ក្មេងតាមរបៀបណា?
ទាំងនេះគឺជាជំហានសំខាន់បំផុត ដើម្បីកំណត់ពីបញ្ហាសុខភាពរបស់ក្មេង ដែលរួមមាន៖
ប៉ាម៉ាក់គប្បីធ្វើយ៉ាងណា?
ក្នុងនាមជាប៉ាម៉ាក់ យើងត្រូវចាត់វិធានការដើម្បីជួយដោះស្រាយបញ្ហាផ្លូវចិត្តរបស់កូន។ ខាងក្រោមនេះ ជាគន្លឹះមួយចំនួន ក្នុងការការពារសុខភាពផ្លូវចិត្តរបស់កូន។
- ប្រការចម្បង ប៉ាម៉ាក់គប្បីយកចិត្តទុកដាក់ និងផ្ដល់ពេលវេលាឲ្យកូន។ ធ្វើដូចនេះ កូនៗអាចនឹងបើកចំហពីអារម្មណ៍របស់ខ្លួនឲ្យប៉ាម៉ាក់ដឹង។
- ក្លាយជាអ្នកស្ដាប់ដែលមានភាពអត់ធ្មត់។
- ធានាថាកូនអាចគេងលក់ស្រួល និងញ៉ាំរបបអាហារត្រឹមត្រូវ។
- បង្រៀនកូនឲ្យចេះអាណិតស្រលាញ់ខ្លួនឯង និងអនុញ្ញាតឲ្យពួកគេបង្ហាញពីអារម្មណ៍របស់ខ្លួន។
- ឲ្យកូនបំពេញការងារងាយៗ និងផ្ដល់រង្វាន់ដល់ពួកគេ។
- ប្រសិនបើបញ្ហាផ្លូវចិត្តរបស់កូននៅតែបន្ត ប៉ាម៉ាក់គប្បីពិភាក្សាជាមួយនឹងគ្រូពេទ្យជំនាញ ទើបជាការប្រសើរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម