ប៉ាម៉ាក់ ពិបាកណាស់ទើបអាចមើលថែបីបាច់ចិញ្ចឹមកូនដល់ធំដឹងក្តី ប៉ុន្តែមានអារម្មណ៍ថាកាន់តែបារម្ភខ្លាំង ពេលកូនចាប់ផ្ដើមប្លែក ស្ងៀមស្ងាត់ ទុក្ខព្រួយ ជាពិសេសកំពុងបាក់ទឹកចិត្ត មិនដឹងជួយកូនដោយវិធីណា? “Hello គ្រូពេទ្យ” នឹងប្រាប់ពីវិធីសាស្ត្រជួយកូនៗជាទីស្រលាញ់ពេលពួកគេកំពុងបាក់ទឹកចិត្ត។

ពេលកូនយើងកំពុងបាក់ទឹកចិត្ត ប៉ាម៉ាក់ ជាមនុស្សក្បែរខ្លួនសំខាន់បំផុតលើកទឹកចិត្តកូនឲ្យចេះក្រោកឈរប្រឈមឧបសគ្គ ស្វែងរកដំណោះស្រាយ ហើយអ្វីប៉ាម៉ាក់គួរធ្វើគឺ៖

១- បង្រៀនកូនចេះជ្រើសរើសការសប្បាយចិត្ត

មិនសប្បាយចិត្ត អាចដោយសាររឿងខ្លះកើតឡើងមិនដូចបំណង កាតព្វកិច្ចប៉ាម៉ាក់គឺបង្ហាញកូនៗរបៀបប្រឈមបញ្ហា និងដោះស្រាយអារម្មណ៍អវិជ្ជមានដែលខ្លួនគេមិនអាចទទួលយកបាននោះ។ បែបនេះជួយធ្វើកូនៗមានការទទួលខុសត្រូវលើអារម្មណ៍ខ្លួនឯង និងចេះជ្រើសរើសការសប្បាយចិត្តដោយខ្លួនឯង។

ជាក់ស្ដែង ពេលកូនមកពីកម្មវិធីជប់លៀង ជួបជុំមិត្តភ័ក្ដិ តែទឹកមុខស្រងូតស្រងាត់ កុំសួរថាមានរឿងអីកើតឡើង គួរសួរថាមានអ្វីសប្បាយខ្លះនៅទីនោះ? សំណួរនេះអាចធ្វើកូនអ្នកគិតដល់រឿងល្អបានខ្លះដែរ។

២- បង្ហាញការយកចិត្តទុកដាក់លើកូន

រឿងចាំបាច់យើងជាប៉ាម៉ាក់ ត្រូវស្តាប់កូននិយាយរឿងក្នុងចិត្ត អាចចាប់ផ្តើមដោយបង្ហាញការបារម្ភចំពោះកូន ឲ្យកូនដឹងថាយើងពិតជាយកចិត្តទុកដាក់ពួកគេ។ គួរប្រាប់រឿងខកចិត្តធ្លាប់កើតឡើងលើយើងផ្ទាល់ទៅកូន បែបនេះ កូននឹងដឹងថា ការខកចិត្តជារឿងធម្មតាក្នុងជីវិត មិនមានតែគេម្នាក់ទេដែលជួបរឿងនេះ។ ពិសេសបង្រៀនពួកគេឲ្យរឹងមាំ ហ៊ានប្រឈមមុខរឿងទាំងអស់ ចាត់ទុកវាជាមេរៀនសម្រាប់ជីវិតទៅថ្ងៃមុខ។

៣- ប្រាប់ពីវិធីសាស្ត្រសម្រួលអារម្មណ៍

វិធីសាស្ត្រជួយសម្រួលអារម្មណ៍គួរតែលើកឡើង មាន៖

– លំហាត់ប្រាណ ដកដង្ហើមវែងៗ រត់ ឬលោតអាចជួយបំបាត់កង្វល់បាន។

– ស្តាប់តន្រ្តី ជជែកលែងជាមួយមនុស្សខ្លួនទុកចិត្ត អាចជួយសម្រួលអារម្មណ៍ និងអាចទទួលបានគំនិតវិជ្ជមានថ្មីៗ។

– មើលសៀវភៅ ឬទេសភាពខាងក្រៅ ក៏អាចធ្វើឲ្យអារម្មណ៍ស្ងប់ស្ងាត់ អាចពង្រឹងអារម្មណ៍ដូចគ្នា។

– ច្នៃប្រឌិត គូររូប ឬធ្វើម្ហូប ជាវិធីល្អមួយដើម្បីបំភ្លេចរឿងមិនសប្បាយចិត្តបាន។

– មើសរឿងកំប្លែង ឬអានសៀវភៅរឿងកំប្លែង

នៅមានវិធីរំងាប់អារម្មណ៍ផ្សេងទៀត ផឹកទឹកឲ្យបានច្រើន ងូតទឹកក្តៅឧណ្ហៗ ក៏អាចផ្ដល់ផាសុកភាព និងលាងជម្រះអារម្មណ៍មិនល្អផងដែរ។

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

៤- ពន្យល់ឲ្យកូនស្គាល់ខ្លួនឯង

ក្មេងៗតែងប្រៀបធៀបខ្លួនឯងជាមួយមិត្តភ័ក្ដិ តូចចិត្តនឹងអ្វីដែលខ្លួនមិនមាន ក្មេងដទៃមាន ប៉ាម៉ាក់គួរជួយកូនឲ្យដឹងថា ក្មេងម្នាក់ៗមានទេពកោសល្យខុសៗគ្នា លើកទឹកចិត្តទឹកសម្រាប់អ្វីកូនចូលចិត្តធ្វើ និងមានទេពកោលសល្យដើម្បីឲ្យកូនយើងកាន់តែមានទំនុកចិត្តលើខ្លួនឯង។

អត្ថបទគួរអាន៖

៥- ត្រៀមខ្លួនសម្រាប់អនាគត

បង្រៀនកូនឲ្យចេះដោះស្រាយបញ្ហា ពេលមានរឿងខកចិត្តសម្រាប់ពេលអនាគត គឺជារឿងចាំបាច់បំផុតប៉ាម៉ាក់គួរតែធ្វើ។ លើកទឹកចិត្តឲ្យគេធ្វើវាដោយខ្លួនឯង ហើយក៏ត្រូវឲ្យកូនដឹងថាពេលត្រូវជំនួយ យើងនឹងនៅក្បែរជានិច្ច។

ចំណុចសំខាន់

ពេលកូនពិបាកចិត្ត មិនសប្បាយ ឬអាចថាមានបញ្ហាបាក់ទឹកចិត្តកើតឡើង ប៉ាម៉ាក់ជាមនុស្សសំខាន់នៅក្បែរកូន និងជួយនិយាយពន្យល់ លើកទឹកចិត្តកូន។ ការប្រាប់ឲ្យកូនដឹង និងត្រៀមខ្លួនចំពោះការខកចិត្តខ្លះ អាចធ្វើឲ្យកូនដឹងថា ការខកចិត្តនឹងរឿងអ្វីមួយគឺជារឿងទូទៅដែលអាចកើតមានលើមនុស្សគ្រប់គ្នា។

កូន​បាក់​ទឹក​ចិត្ត ប៉ាម៉ាក់​គួរ​ដឹងគន្លឹះជួយកូនទាំងនេះ