home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កូន​បាក់​ទឹក​ចិត្ត ប៉ាម៉ាក់​មិន​ដឹង​ធ្វើ​ម៉េច អាន​អត្ថបទ​នេះ​សិន

កូន​បាក់​ទឹក​ចិត្ត ប៉ាម៉ាក់​មិន​ដឹង​ធ្វើ​ម៉េច អាន​អត្ថបទ​នេះ​សិន

ប៉ាម៉ាក់ ពិបាក​ណាស់​ទើប​អាច​មើល​ថែ​បី​បាច់​ចិញ្ចឹម​កូន​ដល់​ធំ​ដឹង​ក្តី ប៉ុន្តែ​មាន​អារម្មណ៍​ថា​កាន់​តែ​បារម្ភ​ខ្លាំង ពេល​កូន​ចាប់​ផ្ដើម​ប្លែក ស្ងៀមស្ងាត់ ទុក្ខព្រួយ ជា​ពិសេស​កំពុង​បាក់​ទឹកចិត្ត មិន​ដឹង​ជួយ​កូន​ដោយ​វិធី​ណា? “Hello គ្រូពេទ្យ” នឹង​ប្រាប់​ពី​វិធីសាស្ត្រ​ជួយ​កូនៗ​ជា​ទី​ស្រលាញ់​ពេល​ពួកគេ​កំពុង​បាក់​ទឹក​ចិត្ត។

ពេល​កូន​យើង​កំពុង​បាក់​ទឹក​ចិត្ត ប៉ាម៉ាក់ ជា​មនុស្ស​ក្បែរ​ខ្លួន​សំខាន់​បំផុត​លើក​ទឹក​ចិត្ត​កូន​ឲ្យ​ចេះ​ក្រោក​ឈរ​ប្រឈម​ឧបសគ្គ ស្វែង​រក​ដំណោះ​ស្រាយ ហើយ​អ្វី​ប៉ាម៉ាក់​គួរ​ធ្វើ​គឺ៖

១- បង្រៀនកូនចេះជ្រើសរើសការសប្បាយចិត្ត
មិន​សប្បាយ​ចិត្ត អាច​ដោយ​សារ​រឿង​ខ្លះ​​កើត​ឡើង​មិន​ដូច​បំណង កាតព្វកិច្ច​ប៉ាម៉ាក់​គឺ​បង្ហាញ​កូនៗ​របៀប​ប្រឈម​បញ្ហា និង​ដោះ​ស្រាយ​អារម្មណ៍​អវិជ្ជមាន​ដែល​ខ្លួន​គេ​មិន​អាច​ទទួល​យក​បាន​នោះ។ បែប​នេះ​ជួយ​ធ្វើ​កូនៗ​មាន​ទំនួល​ខុស​ត្រូវ​លើ​អារម្មណ៍​ខ្លួន​ឯង ​និង​ចេះ​ជ្រើស​រើស​ការ​សប្បាយ​ចិត្ត​ដោយ​ខ្លួន​ឯង។

ជាក់​ស្ដែង ​ពេល​កូន​​មក​ពី​កម្មវិធី​ជប់លៀង ជួបជុំ​មិត្តភ័ក្ដិ តែ​ទឹក​មុខ​ស្រងូត​ស្រងាត់ កុំ​សួរ​ថា​មាន​រឿង​អី​កើត​ឡើង​ គួរ​សួរ​ថា​មា​ន​អ្វី​សប្បាយ​ខ្លះ​នៅ​ទី​នោះ? សំណួរ​នេះ​អាច​ធ្វើ​កូន​អ្នក​គិត​ដល់​រឿង​ល្អ​បាន​ខ្លះ​ដែរ។

២- បង្ហាញការយកចិត្តទុកដាក់លើកូន
រឿង​ចាំ​បាច់​យើង​ជា​ប៉ាម៉ាក់ ត្រូវ​ស្តាប់​កូន​​និយាយ​រឿង​ក្នុង​ចិត្ត អាច​ចាប់​ផ្តើម​ដោយ​បង្ហាញ​ការ​បារម្ភ​ចំពោះ​កូន ឲ្យ​កូន​ដឹង​ថា​យើង​ពិតជា​យក​ចិត្ត​ទុក​ដាក់ពួក​គេ។ គួរ​ប្រាប់​រឿង​ខក​ចិត្ត​ធ្លាប់​កើត​ឡើង​លើ​យើង​ផ្ទាល់​ទៅ​កូន បែប​នេះ​ កូន​នឹង​ដឹង​ថា ​ការ​ខក​ចិត្ត​ជា​រឿង​ធម្មតា​ក្នុង​ជីវិត មិន​មាន​តែ​គេ​ម្នាក់​ទេ​ដែល​ជួប​រឿង​នេះ។ ពិសេស​បង្រៀន​ពួក​គេ​ឲ្យ​រឹងមាំ ហ៊ាន​ប្រឈម​មុខ​រឿង​ទាំង​អស់ ចាត់​ទុក​វា​ជា​មេរៀន​សម្រាប់​ជីវិត​ទៅ​ថ្ងៃ​មុខ។

៣- ប្រាប់ពីវិធីសាស្ត្រសម្រួលអារម្មណ៍
វិធី​សាស្ត្រ​ជួយ​សម្រួល​អារម្មណ៍​គួរ​តែ​លើក​ឡើង មាន​៖
– លំហាត់​ប្រាណ ដក​ដង្ហើម​វែងៗ រត់ ឬ​លោត​អាច​ជួយ​បំបាត់​កង្វល់​បាន។
– ស្តាប់​តន្រ្តី ​ជជែក​លែង​ជាមួយ​មនុស្ស​ខ្លួន​ទុក​ចិត្ត អាច​ជួយ​សម្រួល​អារម្មណ៍​ និងអាច​ទទួល​បាន​គំនិត​វិជ្ជមាន​ថ្មីៗ។
– មើល​សៀវ​ភៅ ឬ​ទេសភាព​ខាង​ក្រៅ​ ក៏​អាច​ធ្វើឲ្យ​អារម្មណ៍​ស្ងប់​ស្ងាត់​ អាច​ពង្រឹង​អារម្មណ៍​ដូចគ្នា។
– ច្នៃ​ប្រឌិត គូររូប ឬ​ធ្វើ​ម្ហូប ​ជា​វិធី​ល្អ​មួយ​ដើម្បី​បំភ្លេច​រឿង​មិន​សប្បាយ​ចិត្ត​បាន។
– មើស​រឿង​កំប្លែង ​ឬ​អាន​សៀវភៅ​រឿង​កំប្លែង​
នៅ​មាន​វិធី​រំងាប់​អារម្មណ៍​ផ្សេង​ទៀត​ ផឹក​ទឹក​ឲ្យ​បាន​ច្រើន ងូត​ទឹក​ក្តៅ​ឧណ្ហៗ ក៏​អាច​ផ្ដល់​ផាសុកភាព និង​លាង​ជម្រះ​អារម្មណ៍​មិន​ល្អ​ផង​ដែរ។

៤- ពន្យល់ឲ្យកូនស្គាល់ខ្លួនឯង
ក្មេង​ៗ​តែង​ប្រៀប​ធៀប​ខ្លួន​ឯង​ជា​មួយ​មិត្តភ័ក្ដិ តូច​ចិត្ត​​នឹង​អ្វី​ដែល​ខ្លួន​មិន​មាន ក្មេង​ដទៃ​មាន ប៉ាម៉ាក់គួរ​ជួយ​កូន​ឲ្យ​ដឹង​ថា ក្មេង​ម្នាក់ៗ​មាន​ទេពកោសល្យ​ខុស​ៗ​គ្នា លើក​ទឹក​ចិត្ត​ទឹក​សម្រាប់​អ្វី​កូន​ចូល​ចិត្ត​ធ្វើ​ និង​មាន​ទេពកោលសល្យ​ដើម្បីឲ្យ​កូន​យើង​កាន់​តែ​មាន​ទំនុកចិត្ត​លើ​ខ្លួន​ឯង។

៥- ត្រៀមខ្លួនសម្រាប់អនាគត
បង្រៀន​ពួក​គេ​ឲ្យ​ចេះ​ដោះស្រាយ​បញ្ហា ពេល​មាន​រឿង​ខក​ចិត្ត​សម្រាប់​ពេល​អនាគត គឺ​ជា​រឿង​ចាំបាច់​បំផុត​ប៉ាម៉ាក់​គួរ​តែ​ធ្វើ។ លើក​ទឹក​ចិត្ត​ឲ្យគេ​​ធ្វើ​វា​ដោយ​ខ្លួន​ឯង ហើយ​ក៏​ត្រូវ​ឲ្យ​កូន​ដឹង​ថា​ពេល​​ត្រូវ​ជំនួយ យើង​នឹង​នៅ​ក្បែរ​ជានិច្ច។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

5 Ways to help your child deal with disappointment. http://www.youngparents.com.sg/development/5-ways-help-your-child-deal-disappointment/?slide=1. Accessed May 15, 2017.

5 Tips to help kids handle disappointment. http://www.quickanddirtytips.com/parenting/school-age/5-tips-to-help-kids-handle-disappointment. Accessed May 15, 2017.

រូបថត​របស់​អ្នក​និពន្ធbadge
ដោយ Leng Pechsovatey កែសម្រួល​ចុងក្រោយ 08/02/2019
ត្រួតពិនិត្យដោយ វេជ្ជ. ចាន់ ស៊ីណេត