ទឹកដោះគោក្រដាស និងយ៉ាអួ ជាអាហារសម្រន់ដែលម៉ាក់ៗតែងទិញឲ្យកូនញ៉ាំជារឿយៗ។ ក្នុងនោះដែរ ក៏មានចម្ងល់លើកឡើងថា អាហារទាំង ២ ប្រភេទនោះ មួយណាល្អចំពោះក្មេងជាងទៅ ព្រោះវាសុទ្ធតែផលិតចេញពីទឹកដោះគោដូចគ្នា?
លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា យ៉ាអួគឺជាប្រភេទអាហារសម្រន់ល្អមួយសម្រាប់ទារកចាប់ពីអាយុ ៦ ខែឡើងទៅ។ យ៉ាអួវាសម្បូរទៅដោយវីតាមីន ប្រូតេអ៊ីន និងពួកបាក់តេរីល្អ ជំនួយទៅដល់សុខភាពទូទៅ ដូចជាភ្នែក សក់ ក្រចក បេះដូង ក្រពះ ពោះវៀន ឆ្អឹងរឹងមាំ និងជួយឲ្យកូនលូតកម្ពស់បានល្អ។ មួយវិញទៀតយ៉ាអួក៏អាចជួយកាត់បន្ថយជាតិកូឡេស្តេរ៉ូលក្នុងខ្លួនបានដែរ ដូចនេះបើម៉ាក់ៗចង់ជ្រើសរើសយ៉ាអួ គឺតែពពួកគ្មានជាតិស្ករ ទើបមិនប៉ះពាល់ដល់ធ្មេញ ឬមិនជំរុញក្មេងឲ្យធាត់។
ចំណែកទឹកដោះគោក្រដាសវិញ ត្បិតតែផលិតពីទឹកដោះគោស្រស់មែន ប៉ុន្តែវាមានរសជាតិផ្អែមជាង ហើយក្មេងអាយុចាប់ពី ៣-៦ ឆ្នាំទើបអាចផឹកបាន ដូចនេះជម្រើសល្អគួរឲ្យកូនតូចញ៉ាំយ៉ាអួវិញ ទើបល្អជាង។ វេជ្ជបណ្ឌិតរូបនោះបានបន្តទៀតថា ការជ្រើសរើសទឹកដោះគោជារឿងសំខាន់ណាស់ ប្រសិនបើពិតជាចង់ឲ្យកូនផឹកទឹកដោះគោមែន គួរតែជាប្រភេទម្សៅទឹកដោះគោវិញ ទើបប្រសើរចំពោះសុខភាពកូន។
ជាចុងក្រោយលោកវេជ្ជបណ្ឌិតបន្តថា សម្បកវេចខ្ចប់ទឹកដោះគោក្រដាសងាយរហែក និងក្នុងទឹកដោះគោមានលាយសារធាតុទុកបានយូរ ដែលមិនល្អចំពោះសុខភាពកូន។ ក្រៅពីយ៉ាអួ យើងគួរតែឲ្យកូនញ៉ាំអាហារ បន្លែ ផ្លែឈើ ឲ្យបានច្រើន ទើបចម្រើនដល់ការលូតលាស់ ហើយមុនសម្រេចចិត្តឲ្យកូនផឹក ឬញ៉ាំអ្វីគួរតែពិគ្រោះជាមួយគ្រូពេទ្យជាមុនសិន។
អត្ថបទពាក់ព័ន្ធ៖
- ពេទ្យថា ទម្លាប់ឲ្យកូនបៀមដបទឹកដោះគោ គ្រោះថ្នាក់ខ្លាំងណាស់
- ផ្ដាសាយ និងគ្រុនក្ដៅ មានលក្ខណៈសម្គាល់ខុសគ្នាម្ដេចខ្លះ?
- ក្មេងអាយុប៉ុន្មាន ទើបអាចផឹកទឹកដោះគោក្រដាសបាន?
- ហេតុផល ៤ យ៉ាង គ្រូពេទ្យមិនចង់ឲ្យក្មេងៗកោសខ្យល់
- ហេតុផលម៉ាក់ៗមិនគួរឲ្យកូនម៉ឹមទឹកដោះគោក្រដាស
- មិនចង់ឲ្យកូនឈឺធ្មេញតាំងពីតូច ម៉ាក់ប៉ាគួរធ្វើម៉េច?
- មានកូនរពឹស ម៉ាក់ប៉ាត្រូវត្រៀមខ្លួនទប់ទល់បែបណា?
- កូនឈឺមិនងាយជាទេ បើម៉ាក់ប៉ាឲ្យលេបថ្នាំបែបនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
