ក្រួសនៅក្នុងបំពង់ទឹកនោមកកើតឡើងនៅក្នុងតម្រង់នោម នៅពេលដែលភាគល្អិតតូចៗរំលាយនៅក្នុងទឹកនោម ក្លាយជាឆ្អែតជ្រុល និងកកើតឡើងជាគ្រីស្តាល់តូចៗ។ គ្រីស្តាល់តូចៗទាំងនេះនឹងបន្តលូតលាស់ទៅជាគ្រីស្តាល់រឹងធំ ដែលស្រដៀងទៅនឹងខ្សាច់ ក្រួស ឬដុំថ្មតូចៗ។ ជាមួយគ្នានេះដែរ ក្រួសទាំងនេះនឹងរីកលូតលាស់ដូចជាគ្រាប់គុជគ្រើមដែលនៅក្នុងអ័យស្ទ័រ និងអាចបម្លាស់ទីជាមួយនឹងលំហូរទឹកនោមពីតម្រងនោមទៅក្នុងបង្ហួរនោម ដែលជាបំពង់តូចសម្រាប់នាំទឹកនោមពីតម្រងនោមទៅកាន់ប្លោកនោម។ នៅពេលដែលក្រួសជាប់គាំងនៅក្នុងបំពង់នេះ វាអាចបណ្ដាលឲ្យទឹកនោមត្រលប់មកនៅខាងក្រោយ ដែលបង្កទៅជាហើមបំពង់ និងតម្រងនោម។
ក្រួសតម្រងនោមអាចនាំឲ្យមានការឈឺចាប់ខ្លាំងនៅត្រង់ពោះ ឬនៅចំហៀង។ រោគសញ្ញាទូទៅផ្សេងទៀតនៃក្រួសតម្រងនោម រួមមានឈាមនៅក្នុងទឹកនោម ក្អួតចង្អោរ ពិបាកក្នុងការនោម ឬនោមញឹកញាប់។ ក្រួសមួយចំនួនពុំមានរោគសញ្ញាអ្វីឡើយ ដែលអាចរកឃើញតាមរយៈការថតកាំរស្មីប៉ុណ្ណោះ។ យ៉ាងណាមិញ ក្រួសអាចបណ្ដាលមកពីមូលហេតុផ្សេងៗគ្នា ហើយមូលហេតុទូទៅមួយចំនួនមានដូចជា៖