ទោះបីជាការសិក្សាលើផលប៉ះពាល់របស់កាហ្វេអ៊ីនលើកុមារ តែគេបានដឹងថាវាអាចប៉ះពាល់ដល់ខួរក្បាល និងសរីរាង្គផ្សេងទៀត។ ការសិក្សាមួយចេញផ្សាយកាលឆ្នាំ ២០១៤ សិក្សាលើក្មេងញ៉ាំជាតិកាហ្វេអ៊ីនមានអាយុពី៨ទៅ៩ឆ្នាំ និងពី១៥ទី១៧ ឆ្នាំ។ ក្មេង និងក្មេងវ័យជំទង់ទាំងនោះបានទទួលផលរំខាន ដោយកាហ្វេអ៊ីនមានឥទ្ធិពលធ្វើឲ្យឡើងសម្ពាធឈាម និងពន្យឺតចង្វាក់បេះដូង។
ការញ៉ាំជាតិកាហ្វេអ៊ីនអាចបង្កជាផលរំខានមួយចំនួនដូចជាឡេះឡះ ញ័រ ឈឺពោះ បញ្ហាដំណេក និងពិបាកផ្ចង់អារម្មណ៍។ ផលរំខានធ្ងន់ធ្ងរអាចកើតឡើងបាន បើសិនជាញ៉ាំកាហ្វេអ៊ីនច្រើនជ្រុល។ ក្មេងដែលញ៉ាំជាតិកាហ្វេអ៊ីនច្រើនអាចជួបបញ្ហាចង្អោរ ក្អួត រាក ពិបាកគេង នោមញឹក និងចង្វាក់បេះដូងប្រែប្រួល។ ក្មេងខ្លះទៀតបើញ៉ាំជាតិកាហ្វេអ៊ីនច្រើនមែនទែនអាចឈានដល់ប្រកាច់ និងអាចគាំងបេះដូងជាដើម។