ការសិក្សាមួយរបស់ប្រទេសអូស្រ្តាលី រកឃើញថា ក្មេងតូចៗសម័យថ្មី មានអាយុក្រោម ២ឆ្នាំ កំពុងមានទំនោរខ្លាំង ទៅលើការសម្លឹងមើលអេក្រង់ឌីជីថល រយៈពេលយូរ ដែលនេះជាបញ្ហាគួរឲ្យព្រួយបារម្ភ តម្រូវឲ្យម៉ាក់ប៉ាទាំងអស់ យកចិត្តទុកដាក់ឲ្យបានច្រើន។
អ្នកជំនាញបង្ហាញក្តីបារម្ភខ្លាំង ស្របពេលក្មេងអាយុក្រោយ ២ឆ្នាំ មានទម្លាប់មើលអេក្រង់ឌីជីថលរយៈពេលយូរ
ត្រួតពិនិត្យដោយ សន សុភា
ហេតុផលដែលត្រូវបារម្ភនោះ គឺបញ្ហាសុខភាព និងការអភិវឌ្ឍន៍ខួរក្បាលក្មេងតែម្តង នេះបើតាមអ្នកជំនាញសុខភាព នៃសាកលវិទ្យាល័យ Queensland ប្រទេសអូស្រ្តាលី។ ក្រុមស្រាវជ្រាវរកឃើញថា ក្មេងៗក្នុងគ្រួសារនីមួយៗ យ៉ាងហោចណាស់ ចំណាយពេល ៥០នាទីនៅពីមុខអេក្រង់អេឡិចត្រូចនិក។
បើងាកទៅមើល សេចក្តីណែនាំសម្រាប់សុខភាពក្មេងតូចៗវិញ ចេញដោយអង្គការសុខភាពពិភពលោក WHO ក្មេងអាយុក្រោម ២ឆ្នាំ ការអភិវឌ្ឍន៍ខួរក្បាលរបស់ពួកគេ ត្រូវតែជាសកម្មភាពលេងខាងក្រៅ ឬស្វែងយល់ពីពិភពខាងក្រៅ ពុំមែនសកម្មភាពមើលអេក្រង់ឌីជីថល ច្រើនម៉ោងក្នុងមួយថ្ងៃនោះទេ។
វេជ្ជបណ្ឌិត Leigh Tooth អ្នកជំនាញសុខភាពកុមារ និងជាអ្នកស្រាវជ្រាវ នៃសាកលវិទ្យាល័យ Queensland បានអំពាវនាវ កុំឲ្យម៉ាក់ប៉ាទាំងអស់ ទុកឲ្យក្មេងតូចៗចំណាយពេលប្រហែលជិត ១ម៉ោង ពីមុខអេក្រង់ឌីជីថលឡើយ ព្រោះអំឡុងពេលអភិវឌ្ឍខួរក្បាល និងសុខភាព ក្មេងមិនត្រូវមើលអេក្រង់ឌីជីថល រយៈពេលយូរបែបនេះទេ។
វេជ្ជបណ្ឌិតរូបនេះ បង្ហាញទៀតថា ក្មេងតូចៗ ជាវ័យត្រូវការបំផុតសម្រាប់ការអភិវឌ្ឍន៍ខួរក្បាល ទទួលបានពីពិភពខាងក្រៅ ដើម្បីស្វែងយល់ពីបរិស្ថានជុំវិញពួកគេ ក៏ដូចជាការអភិវឌ្ឍន៍សកម្មភាពប្រចាំថ្ងៃ តួយ៉ាងការដើរ លោត សុទ្ធសឹងជាតម្រូវការចាំបាច់តូចៗ មិនគួរបង្កើតទម្លាប់ឲ្យកូន នៅតែមួយកន្លែង និងសម្លឹងអេក្រង់ឌីជីថលទេ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
សន សុភា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម