ក្នុងចំណោមវីតាមីនទាំងអស់ វីតាមីន E គឺជាវីតាមីនមួយដែលមានសារធាតុចិញ្ចឹមសំខាន់សម្រាប់ការពារភ្នាសកោសិកាប្រឆាំងនឹងសារធាតុរ៉ាឌីកាល់សេរី និងបង្ការការធ្វើអុកស៊ីតកម្មរបស់កូលេស្តេរ៉ូលអាក្រក់។ អត្ថបទនេះនឹងប្រាប់ទៅដល់ប៉ាម៉ាក់អំពីគុណភាពនៃវីតាមីន E ដែលកុមារត្រូវការក្នុងការលូតលាស់ និងពីប្រភពនៃវីតាមីនE នេះ។
ហេតុអ្វីបានជាកុមារត្រូវការវីតាមីន E ?
ដូចទៅនឹងវីតាមីនដទៃទៀតដែរ វីតាមីន E មានមុខងារជាច្រើនជួយទៅដល់សុខភាពទូទៅរបស់កុមារ ដូចជាការថែទាំនិងបង្កើតឆ្អឹង បេះដូង ព្រមទាំងកោសិការលោង។ បន្ថែមពីនេះទៀតកុមារដែលមានវីតាមីន E គ្រប់គ្រាន់ នឹងធ្វើឲ្យកោសិកាធ្វើការបានល្អ ប្រព័ន្ធការពារខ្ពស់ និងមានចរន្តឈាមល្អ។ វីតាមីន E ជួយការបង្កើតកោសិកាឈាមក្រហម និងជួយរក្សាទុកនូវសារធាតុចិញ្ចឹមផ្សេងទៀតដូចជាជាតិដែក ជាតិសេឡេនីយ៉ូម (SELENIUM) វីតាមីន A និង K។ ក្រៅពីការការពាររាងកាយកុំឲ្យមានបញ្ហាបេះដូងហើយនោះវីតាមីន E ក៏បង្ការជំងឺមហារីក និងផលវិបាកនៃជំងឺទឹកនោមផ្អែម ព្រមទាំងជួយបញ្ឈប់នូវអាការៈជំងឺវង្វេងវង្វាន់( Alzheimer) ផងដែរ។
អត្ថបទពាក់ព័ន្ធ៖
- កង្វះអាហារូបត្ថម្ភ ធ្វើឲ្យកុមារបាត់បង់ឱកាសមាសទាំងនេះ
- ក្មេងៗខ្វះអាហារូបត្ថម្ភដោយសារអី គួរធ្វើម៉េច?
តើកុមារត្រូវការវីតាមីន E ប៉ុន្មានទើបគ្រប់គ្រាន់?
កុមារមិនចាំបាច់ត្រូវការវីតាមីនEក្នុងកម្រិតច្រើនលើសលុបជារៀងរាល់ថ្ងៃនោះទេ។ ប៉ាម៉ាក់ដឹងទេថាអូនៗអាចទទួលបានវីតាមីន E ពីអាហារ ភេសជ្ជៈ ឬអាហារបំប៉ន។ ទោះយ៉ាងណាក៏ដោយជួនកាលកូនយើងក៏មិនទទួលបាននូវវីតាមីនE គ្រប់គ្រាន់ពីអាហារប្រចាំថ្ងៃដែរ។ ទាំងនេះជាគោលការណ៍ណែនាំខ្លះៗពីបរិមាណវីតាមីន E សម្រាប់កូនៗ៖
- ទារកចាប់ពីអាយុ ១២ ខែទៅ ៣ ឆ្នាំត្រូវការវីតាមីន E ប្រចាំថ្ងៃ មិល្លីក្រាមឬ ៩ (IU)
- កុមារចាប់ពីអាយុ ៤ ឆ្នាំ ទៅ ៨ ឆ្នាំត្រូវការវីតាមីនEប្រចាំថ្ងៃ ៧ មិល្លីក្រាម ឬ១០,៥(IU)
- កុមារចាប់ពីអាយុ ៩-១៣ ឆ្នាំត្រូវការវីតាមីន E ប្រចាំថ្ងៃ ១១ មិល្លីក្រាម ឬ១៦,៥ (IU)
តើវីតាមីនEអាចរកបាននៅកន្លែងណា?
វីតាមីន E អាចមានផ្ទុកនៅក្នុងអាហារជាច្រើនដូចជាសណ្ដែកដី គ្រាប់រុក្ខជាតិ (ដូចជាសណ្ដែកសៀង ពោត) ប្រេងបន្លែ ផ្កាខាត់ណា និងគ្រាប់ធញ្ញជាតិចម្រាញ់ ជាដើម។ ដើម្បីសុខភាពកូន ប៉ាម៉ាក់គួរគិតគូរទៅលើអាយុរបស់កូនៗ និងកម្រិតក្នុងការញ៉ាំមុននឹងជ្រើសរើសអាហារឲ្យកូនយើង។
អត្ថបទពាក់ព័ន្ធ៖
- តិចនិករៀបចំរបបអាហារពិសេស កូនញ៉ាំហើយសុខភាពល្អ និងវៃឆ្លាត
- មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច
- កង្វះអាហារូបត្ថម្ភ ធ្វើឲ្យកុមារបាត់បង់ឱកាសមាសទាំងនេះ
- ក្មេងៗខ្វះអាហារូបត្ថម្ភដោយសារអី គួរធ្វើម៉េច?
- រូបមន្តចិញ្ចឹមកូនឲ្យលូតលាស់ល្អ រាងកាយមាំមួន ខួរក្បាលឆ្លាត
- នេះជាប្រភេទអាហារបំប៉នតាមអាយុក្មេង ពីពេលកើត ដល់៥ឆ្នាំ
ក្នុងករណីមានសំណួរឬមន្ទិលសង្ស័យជុំវិញសុខភាពអ្នកជម្រើសល្អបំផុតសូមពិគ្រោះនិងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យឬការព្យាបាលជូនទេ៕
[embed-health-tool-vaccination-tool]
