ម៉ាក់ប៉ាសម័យថ្មីមួយចំនួននិយមចិញ្ចឹមសត្វនៅក្នុងផ្ទះដូចជា ឆ្កែ ឬឆ្មាជាដើម ស្របពេលដែលមានកូនតូចកំពុងលូតលាស់នៅក្នុងផ្ទះ ដោយសារគិតថា មានសត្វនៅក្នុងផ្ទះអាចធ្វើឲ្យកូនសប្បាយ អត់អផ្សុក។ ឯម៉ាក់ប៉ាមួយចំនួនគិតថា ការចិញ្ចឹមសត្វអាចជួយដល់ការលូតលាស់របស់កូន ថែមទាំងជួយសម្រួលដល់អារម្មណ៍កូនបានទៀតផង។ តើការគិតថា ចិញ្ចឹមសត្វល្អដល់ក្មេងត្រឹមត្រូវឬអត់?
ចូលចិត្តឲ្យអាអូនតូចៗលេងជាមួយសត្វចិញ្ចឹម ប្រយ័ត្នជួបបញ្ហានេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ឆ្លើយនឹងបញ្ហានេះ លោកវេជ្ជបណ្ឌិត អ៊ុន យូ ឯកទេសរោគកុមារពីប្រទេសកូរ៉េ និងបារាំងបានឲ្យដឹងថា ការដែលគិតថាចិញ្ចឹមសត្វអាចធ្វើឲ្យកូនតូចៗលូតលាស់មានសុខភាពល្អ គឺមិនត្រឹមត្រូវទេ។ ការដែលកូនតូចអាចលូតលាស់បានល្អ គឺគ្មានអីពាក់ព័ន្ធនឹងការចិញ្ចឹមឆ្កែ ឆ្មានៅក្នុងផ្ទះទេ។ ផ្ទុយទៅវិញ ក្នុងករណីដែលកូនតូចមានហ្សែនអាឡែកហ្សី គឺអាចបណ្ដាលឲ្យអាអូនតូចៗនោះ អាឡែកហ្សីជាមួយរោមសត្វអស់នោះ។
ម៉្យាងវិញទៀត សត្វចិញ្ចឹមទាំងនោះ គឺពិបាកថែទាំណាស់។ ប្រសិនបើយើងថែមិនបានល្អ ធ្វើអនាម័យឲ្យមិនបានត្រឹមត្រូវ ហើយដល់ពេលដែលកូនទៅប្រលែងលេងជាមួយ វាងាយនឹងចម្លងមេរោគដែលមាននៅលើសត្វនោះមកក្មេងវិញ។
លោកវេជ្ជបណ្ឌិតបន្ថែមថា បើសិនម៉ាក់ប៉ាចង់ឲ្យកូនតូចៗ លូតលាស់បានល្អ គឺត្រូវបំប៉នអាហារកូនឲ្យបានត្រឹមត្រូវ ឲ្យកូនញ៉ាំឲ្យបានគ្រប់គ្រាន់ គេងឲ្យបានគ្រប់គ្រាន់ ហើយបើចង់ឲ្យកូនមានសុខភាពល្អទាំងរាងកាយ និងប្រាជ្ញា គួរចំណាយពេលលេង ឬហាត់ប្រាណជាមួយកូន ឬអាចបណ្ដុះគំនិតថ្មីៗល្អៗដល់កូន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម