ជំងឺគ្រុនឈាម ម៉ាក់ប៉ាត្រូវតែប្រយ័ត្នកូនពីជំងឺរដូវភ្លៀងនេះឲ្យមែនទែន ពិសេសគឺនៅក្នុងរដូវភ្លៀងវស្សាបែបនេះតែម្ដង។ ក្ដៅខ្លួន ឡើងកន្ទួល គឺជារោគសញ្ញាដែលម៉ាក់ប៉ាភាគច្រើនចំណាំជាអាការៈរបស់ជំងឺគ្រុនឈាម តែបើអាអូនចេញអាការៈផ្សេងៗដូចជាប៉ោងពោះ ឬជុះមកលាមកមានលាយឈាម វាអាចជាសញ្ញាបញ្ជាក់ថា អាអូនគ្រុនឈាមកម្រិតធ្ងន់ធ្ងរហើយ។

ទាក់ទងនឹងបញ្ហានេះ លោកវេជ្ជបណ្ឌិត ហ៊ាង រតនា បានឲ្យដឹងថា រោគសញ្ញាប៉ោងពោះ ឬអាអូនជុះមកមានលាយឈាម អាចគ្រាន់តែជារោគសញ្ញារួមផ្សំរបស់ជំងឺគ្រុនឈាម ប៉ុន្តែរោគសញ្ញាទូទៅរបស់ជំងឺនេះ ម៉ាក់ប៉ាគួរកត់សម្គាល់ឲ្យបានច្បាស់មានដូចជា៖

– ក្តៅខ្លួនពី ៣៩-៤០ អង្សារសេ

– មុខក្រហម

– ឈឺក្បាល ឈឺប្រឡង់ភ្នែកចាក់ទៅក្រោយ

– ចង់ក្អួត ឬក្អួត

– ឈឺពោះ

– ឈឺសាច់ដុំ និងសន្លាក់ដៃជើង

– មានស្នាមអុចៗក្រហមលើស្បែក

– ហូរឈាមតាមអញ្ចាញធ្មេញ ច្រមុះជាដើម។

កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ

ភ្នាក់ងារចម្លងជំងឺគ្រុនឈាមគឺមូសខ្លាញី ហើយរោគសញ្ញាសំខាន់ទី១ ដែលយើងចាំបាច់ត្រូវតែប្រុងប្រយ័ត្នខ្ពស់នោះ គឺកូនក្តៅខ្លួនលើសពី២ថ្ងៃ ហើយប្រើថ្នាំបញ្ចុះកម្តៅនៅតែមិនបាត់ ត្រូវប្រញាប់នាំកូនទៅពេទ្យ ហើយធ្វើតេស្តឈាមដើម្បីរកជំងឺគ្រុនឈាម ។

ស្របគ្នានេះដែរ នាយកមន្ទីរពេទ្យកុមារជាតិ លោកវេជ្ជបណ្ឌិត ញឹប អង្គារបុស្ស ពន្យល់ថា ការធ្វើរោគវិនិច្ឆ័យបានលឿន និងការព្យាបាលត្រឹមត្រូវ ត្រឹមតែរយៈពេល ៧-៨ ថ្ងៃ ក្មេងដែលកើតជំងឺគ្រុនឈាម សឹងតែ ១០០ នាក់ ជាទាំង ១០០ នាក់ ឯអត្រាស្លាប់មិនដល់ ១ នាក់ផង។ ចំណែកឯមូលហេតុដែលក្មេងកើតជំងឺគ្រុនឈាមឈានទៅគ្រោះថ្នាក់ដល់ជីវិតនោះ បណ្ដាលមកពីការបញ្ជូនកូនមកពេទ្យយឺតយ៉ាវ ឬព្យាបាលមិនត្រឹមត្រូវតាមក្បូនពេទ្យ និងប្រើថ្នាំផ្សំផ្ដេសផ្ដាស។

វេជ្ជបណ្ឌិត ហ៊ាង រតនា បានបកស្រាយបន្ថែមថា ម៉ាក់ប៉ាគួរប្រយ័ត្នកូនតូចពីជំងឺគ្រុនឈាម ព្រោះរដូវនេះសម្បូរមូសខ្លា ដែលជាងារបង្កជំងឺគ្រុនឈាមណាស់។ ក្នុងករណី យើងសង្ស័យថាកូនមានជំងឺគ្រុនឈាម ត្រូវចៀសវាងប្រើប្រាស់ថ្នាំផ្សេងៗក្រៅពីប៉ារាសេតាម៉ុល ព្រោះវាអាចធ្វើឲ្យជំងឺកាន់តែធ្ងន់។

គ្រុនឈាម

ក្ដៅខ្លួន បូកសញ្ញារួមផ្សំទាំងនេះទៀត កូនអាចគ្រុនឈាមធ្ងន់ ប្រញាប់រកពេទ្យ