បើតាមសមាគមជំងឺកុមារសហរដ្ឋអាមេរិក(American Academy of Pediatrics) បានណែនាំថាក្មេងមានអាយុពី១ ទៅ២ឆ្នាំ គួរផឹកទឹកដោះគោស្រស់២ពែងក្នុងមួយថ្ងៃ និងក្មេងមានអាយុពី៣ឆ្នាំឡើងទៅគួរញ៉ាំ៣ពែងក្នុងមួយថ្ងៃ។
ក្នុងករណីកូនរបស់យើងមិនផឹកទឹកដោះគោទេ យើងអាចជំនួសបានដោយអាហារផ្សេងទៀតដូចជាយ៉ាអួរ ឈីស ឬក៏អាហារផ្សេងទៀតដែលមានជាតិកាល់ស្យូម និងវីតាមីន D។ ដូចគ្នាដែរ ប៉ាម៉ាក់ក៏ត្រូវដឹងដែរថាមិនមែនគ្រប់យ៉ាអួរ ឬឈីសសុទ្ធតែមានបន្ថែមវីតាមីន D ឬសម្បូរដោយវីតាមីន D នោះដែរ។
យ៉ាងណាមិញ ប៉ាម៉ាក់មិនត្រូវប្រកាន់គំនិតថាត្រូវតែឲ្យកូនញ៉ាំទឹកដោះគោឲ្យបានបីពែងក្នុងមួយថ្ងៃ គិតថាបានទទួលសារធាតុចិញ្ចឹមគ្រប់គ្រាន់ ហើយមិនបន្ថែមអាហារផ្សេងឲ្យកូនញ៉ាំនោះទេ។ បើយើងមិនបន្ថែមអាហារផ្សេងៗទៀតដល់កូនឲ្យមានតុល្យភាពទេ អាចធ្វើឲ្យកូនយើងប្រឈមនឹងជំងឺស្លេកស្លាំងដោយខ្វះជាតិដែក និងធ្វើឲ្យមានអតុល្យភាពសារធាតុចិញ្ចឹមមួយចំនួនផ្សេងទៀតមិនខាន។