ការគេងស្រមុកអាចកើតលើយើងគ្រប់គ្នា ប៉ុន្តែប្រសិនជាយើងគេងស្រមុករាល់ថ្ងៃ នេះអាចជាបញ្ហព្រោះយើងអាចនឹងមានអារម្មណ៍ហត់ និងរំខានដំណេកដៃគូផងដែរ។
ត្រួតពិនិត្យដោយ គឹម កាណែល
ការគេងស្រមុកអាចកើតលើយើងគ្រប់គ្នា ប៉ុន្តែប្រសិនជាយើងគេងស្រមុករាល់ថ្ងៃ នេះអាចជាបញ្ហព្រោះយើងអាចនឹងមានអារម្មណ៍ហត់ និងរំខានដំណេកដៃគូផងដែរ។
ការគេងស្រមុកអាចបង្កមកពីមូលហេតុខាងក្រោមនេះ៖
ក្រោយពីដឹងពីមូលហេតុបង្កហើយ ខាងក្រោមនេះជាតិចនិកមួយចំនួនដែលអាចជួយបង្ការការគេងស្រមុកបាន។ ប៉ុន្តែប្រសិនជាយើងបន្តមានបញ្ហានេះកើតឡើង និងប៉ះពាល់ដល់ការរស់នៅប្រចាំថ្ងៃ យកល្អគួរទៅពិគ្រោះជាមួយគ្រូពេទ្យ។
រក្សាទម្ងន់
ប្រសិនជាគ្នាយើងចាប់អារម្មណ៍ថាយើងចាប់ផ្ដើមគេងស្រមុកក្រោយពីយើងឡើងទម្ងន់ ការសម្រកទម្ងន់អាចដោះស្រាយបញ្ហានេះបានព្រោះអាចបញ្ចុះជាលិកាខ្លាញ់នៅក្នុងបំពង់កដែលបិទផ្លូវដង្ហើម។
ឈប់ជក់បារី និងផឹកគ្រឿងស្រវឹង
គ្រឿងស្រវឹងអាចបន្ធូរសាច់ដុំបំពង់កដែលធ្វើឲ្យពិបាកដល់ការដកដង្ហើម ដូចនេះគួរចៀសវាងផឹកគ្រឿងស្រវឹងមុនពេលចូលគេង។ ម៉្យាងទៀត បើគ្នាយើងមួយចំនួនជក់បារី ហើយគេងស្រមុកជាប្រចាំគួរពិចារណាឈប់ជក់បារីព្រោះជក់បារីអាចធ្វើឲ្យភ្នាសនៅច្រមុះ និងបំពង់ករលាកដែលស្ទះផ្លូវដង្ហើម និងបង្កឲ្យគេងស្រមុក។
សម្អាតបន្ទប់គេង និងផ្លាស់ប្តូរឥរិយាបថនៃការគេង
បើគេងផ្ងារធ្វើឲ្យយើងគេងស្រមុក យើងគួរគេងចំហៀងវិញ ឬអាចសាកប្រើខ្នើយដើម្បីបង្ការមិនឲ្យយើងគេងផ្ងារ។ សម្រាប់គ្នាយើងមានបញ្ហាអាលែកហ្សី យើងគួរសម្អាតស្រោមខ្នើយជាប្រចាំ និងផ្លាស់ប្ដូរខ្នើយរាល់៦ខែម្ដង។
សម្អាតរន្ធច្រមុះ
អាការៈតឹងច្រមុះពេលផ្ដាសាយ ឬដោយសារមូលហេតុផ្សេងអាចធ្វើឲ្យយើងគេងស្រមុក ហើយការសម្អាតរន្ធច្រមុះដោយសេរ៉ូមប្រៃ និងការងូតទឹកក្ដៅអាចជួយបាន។
របបអាហារមុនពេលចូលគេង
ការស្រាវជ្រាវបង្ហាញថាការញ៉ាំអាហារច្រើន ឬញ៉ាំអាហារដូចជាផលិតផលទឹកដោះគោ ឬទឹកសណ្ដែកមុនពេលចូលគេងអាចធ្វើឲ្យគេងស្រមុកកាន់តែខ្លាំង។ ដូចនេះគួរចៀសវាងអាហារប្រភេទនេះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល