ផ្លែឈើសម្បូរដោយវីតាមីន ជាតិរ៉ែ ជាតិសរសៃ និងសារធាតុផ្សេងទៀត ហើយផ្លែឈើគឺជាអាហារដ៏ល្អសម្រាប់សុខភាព។ ដូចនេះ អត្ថបទនេះលើកឡើងពីផ្លែឈើមួយចំនួនដែលយើងគួរបញ្ចូលទៅក្នុងរបបអាហារប្រចាំថ្ងៃដើម្បីសុខភាព។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្លែឈើសម្បូរដោយវីតាមីន ជាតិរ៉ែ ជាតិសរសៃ និងសារធាតុផ្សេងទៀត ហើយផ្លែឈើគឺជាអាហារដ៏ល្អសម្រាប់សុខភាព។ ដូចនេះ អត្ថបទនេះលើកឡើងពីផ្លែឈើមួយចំនួនដែលយើងគួរបញ្ចូលទៅក្នុងរបបអាហារប្រចាំថ្ងៃដើម្បីសុខភាព។
ផ្លែទំពាំងបាយជូរសម្បូរដោយសារធាតុចិញ្ចឹម និងសារធាតុប្រឆាំងអុកស៊ីតកម្ម។ សារធាតុប្រឆាំងអុកស៊ីតកម្មមានក្នុងផ្លែទំពាំងបាយជូរអាចកាត់បន្ថយហានិភ័យជំងឺបេះដូង និងមហារីក។
ផ្លែប៉ោមផ្ដល់អត្ថប្រយោជន៍ដល់សុខភាពដូចជាកាត់បន្ថយហានិភ័យជំងឺបេះដូង និងជំងឺមហារីក។ នេះមកពីផ្លែប៉ោមមានសារធាតុប្រឆាំងអុកស៊ីតកម្មច្រើន។ ការសិក្សាទៅលើមនុស្ស ៥៦ ០០០នាក់បានរកឃើញថាអ្នកដែលញ៉ាំផ្លែប៉ោមច្រើនអាចកាត់បន្ថយហានិភ័យការស្លាប់បង្កដោយជំងឺបេះដូង និងជំងឺមហារីក។
ផ្លែបឺរមានផ្ទុកសារធាតុចិញ្ចឹមច្រើនដូចជាជាតិសរសៃ ខ្លាញ់ល្អ ប៉ូតាស្យូម ម៉ាញេស្យូម ហ្វូឡាត វីតាមីន C និងវីតាមីន K1។ ការសិក្សាជាច្រើនបានឲ្យដឹងថាផ្លែបឺរអាចជួយសម្រកទម្ងន់ បញ្ចុះកម្រិតជាតិស្ករក្នុងឈាម និងបន្ថយហានិភ័យជំងឺបេះដូងបង្កដោយខ្លាញ់អាក្រក់ (LDL)។
ការសិក្សាជាច្រើនបានបង្ហាញថាអ្នកដែលញ៉ាំផ្លែក្រូចថ្លុងគឺទទួលបានម៉ាញេស្យូម វីតាមីន C ប៉ូតាស្យូម និងជាតិសរសៃច្រើនជាងអ្នកមិនញ៉ាំ។ ម៉្យាងទៀត ការវិភាគមួយក៏បានរកឃើញថាស្ត្រីដែលញ៉ាំផ្លែក្រូចថ្លុងមានទម្ងន់តិច និងមានកម្រិតខ្លាញ់អាក្រក់ (Triglycerides)ទាប។
ការសិក្សាជាច្រើនបានឲ្យដឹងថាផ្លែទទឹមផ្តល់អត្ថប្រយោជន៍ច្រើនដល់សុខភាពដូចជាកាត់បន្ថយអាការៈ Oxidative stress (អតុល្យភាពនៃរ៉ាឌីកាលសេរី និងសារធាតុប្រឆាំងអុកស៊ីតកម្មនៅក្នុងរាងកាយ) បញ្ចុះសម្ពាធឈាម បញ្ចុះខ្លាញ់អាក្រក់ និងការខូចខាតសាច់ដុំ។
ផ្លែល្ហុងសម្បូរដោយវីតាមីន C ប្រូវីតាមីន A (Provitamin A) ហ្វូឡាត ប៉ូតាស្យូម និងសារធាតុប្រឆាំងអុកស៊ីតកម្មលីកូប៉ែន (Lycopene)។ ការញ៉ាំផ្លែឈើសម្បូរដោយលីកូប៉ែនអាចការពារពីជំងឺបេះដូង និងជំងឺមហារីក។
ផ្លែឪឡឹកគឺជាផ្លែឈើដែលមានជាតិទឹកច្រើន និងសារធាតុចិញ្ចឹមផ្សេងទៀតដូចជាជាតិសរសៃ វីតាមីន C ប្រូវីតាមីន A និងសារធាតុប្រឆាំងអុកស៊ីតកម្មផ្សេងទៀត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕