រដូវវស្សាចូលមកដល់ មានន័យថា ការរីករាលដាលនៃជំងឺគ្រុនចាញ់ និងគ្រុនឈាមក៏កំពុងកើនឡើងដែរ។ ស្របពេលការកើតជំងឺគ្រុនឈាម ឬគ្រុនចាញ់ជាបញ្ហាទូទៅ ប៉ុន្តែស្ថិតក្នុងសម័យកូវីដ-១៩ យើងអាចពិបាកបែងចែករោគសញ្ញានៃជំងឺទាំងពីរឲ្យដាច់ពីគ្នាព្រោះអាការៈខ្លះមានភាពស្រដៀងគ្នាខ្លាំងដូចជា ក្ដៅខ្លួនជាដើម។
តិចនិកបែងចែកឲ្យដាច់ អាការៈក្ដៅខ្លួនដោយសារគ្រុនឈាម និងកូវីដ-១៩
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជារៀងរាល់ឆ្នាំនៅរដូវវស្សា យើងឃើញមានការកើនឡើងនូវករណីជំងឺគ្រុនចាញ់ ជំងឺលីពតូស្ពីរ៉ូហ្សី (leptospirosis) ជំងឺខាន់លឿង និងជំងឺគ្រុនឈាម។ ជំងឺទាំងនេះមានរោគសញ្ញាស្រដៀងគ្នាដូចជា គ្រុនក្តៅ រាករូស ក្អក ឈឺក្បាល និងឈឺសន្លាក់។ល។ នេះបើតាមការលើកឡើងរបស់លោកវេជ្ជបណ្ឌិត Sharat Kolke គ្រូពេទ្យជាន់ខ្ពស់នៃមន្ទីរពេទ្យ Kohinoor ប្រទេសឥណ្ឌា។
ដោយសារតែការកើនឡើងនៃជំងឺឆ្លងក្នុងរដូវវស្សាទាំងនេះ រោគសញ្ញានៃជំងឺនីមួយៗត្រូវមានការពិនិត្យយ៉ាងយកចិត្តទុកដាក់។ ជំងឺគ្រុនឈាមមានរោគសញ្ញាទូទៅ គឺ គ្រុនក្ដៅខ្លាំងភ្លាមៗ ចង្អោរ ក្អួត ឈឺរាងកាយធ្ងន់ធ្ងរ ចំនួនផ្លាកែតទាប និងឡើងកន្ទួល។ ល។ ក្នុងករណី ជំងឺគ្រុនឈីកអាចមានការឈឺសន្លាក់ធ្ងន់ធ្ងរ ឈឺចង្កេះ ឈឺខាងក្រោយភ្នែក និងគ្រុនញាក់។ ទោះជាយ៉ាងណាក៏ដោយ រោគសញ្ញាបន្ថែមដូចជា ក្អក បាត់បង់ក្លិន ឬរសជាតិ ឈឺបំពង់ក អាចជួយក្នុងការធ្វើរោគវិនិច្ឆ័យជំងឺកូវីដ-១៩ បានច្បាស់។
យើងគួរតែពិគ្រោះជាមួយវេជ្ជបណ្ឌិតប្រសិនបើអាការៈគ្រុនក្ដៅមិនធូរស្រាលក្នុងរយៈពេល ២-៣ ថ្ងៃ។ ប្រសិនបើយើងក្ដៅខ្លួនផង បូករួមជាមួយនឹងការញាក់ កន្ទួល ឈឺក្បាល គួរតែមានការប្រុងប្រយ័ត្នបន្ថែមទៀត និងព្យាបាលឲ្យបានលឿន។ រោគសញ្ញាទាំងនេះអាចបណ្ដាលមកពីជំងឺគ្រុនចាញ់ ឬគ្រុនឈាម។ ដើម្បីការពារខ្លួនពីការឆ្លងមេរោគ យើងអាចអនុវត្តតាមតិចនិកខាងក្រោមដូចជា៖
១. សម្អាតជម្រកសត្វមូសក្នុងផ្ទះ និងជុំវិញផ្ទះ
២. ញ៉ាំទឹក និងអាហារឆ្អិនមានអនាម័យ
៣. ចៀសវាងទៅកន្លែងមនុស្សច្រើន
៤. លាងសម្អាតដៃឲ្យស្អាតជានិច្ច
៥. ចៀសវាងយកដៃប៉ះច្រមុះ មាត់ ភ្នែក។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម