រូបភាព៖ BTV
កងទ័ពខ្មែរយើង ៥នាក់ ឆ្លងជំងឺកូវីដ ១៩ ទោះបីបានចាក់វ៉ាក់សាំងការពាររួចក្តី
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
រហូតមកដល់ថ្ងៃនេះ យោធិនចំនួន៥នាក់ហើយ បានឆ្លងជំងឺកូវីដ ១៩ បើទោះបីពួកគេបានចាក់ថ្នាំវ៉ាក់សាំងរួចរាល់ទាំង២លើកហើយក្តី។ ថ្លែងប្រាប់ទៅកាន់ BTV កាលពីព្រឹកមិញនេះ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ
សម្តេចពិជ័យសេនា ទៀ បាញ់ ថា ទោះបីជាឆ្លងកូវីដ ១៩ ក្តី ប៉ុន្តអាការៈរបស់យោធិនទាំងនោះពុំមានលក្ខណៈធ្ងន់ធ្ងរទេ។
ដើម្បីបង្ការ ការពារ និងទប់ស្កាត់ការរីករាលដាលនៃជំងឺកូវីដ១៩ ក្នុងជួរកងទ័ព សម្តេចពិជ័យសេនា ទៀ បាញ់ ក៏បានណែនាំដល់មេបញ្ជាការ កងទ័ពជំនាញ និងនាយកស្ថាប័នចំណុះអគ្គបញ្ជាការទាំងអស់ត្រូវ បន្តអនុវត្តឲ្យបានម៉ឺងម៉ាត់បំផុតនូវវិធានការសុខាភិបាល ជាពិសេសវិធានការ៣ការពារ ៣កុំ របស់រាជរដ្ឋាភិបាលក្នុងការប្រយុទ្ធប្រឆាំង នឹងជំងឺកូវីដ១៩នេះ បន្ថែមទៀត បើទោះបីបានចាក់វ៉ាក់សាំងការពារកូវីដនេះ រួចរាល់ហើយនោះ។
តាមការលើកឡើងរបស់លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នាពេលកន្លងមក ការចាក់វ៉ាក់សាំង គឺជាឧបករណ៍មួយបន្ថែមទៅលើវិធានការ ៣ការពារ ៣កុំ និងតម្រូវការនៃការធ្វើចត្តាឡីស័ក។
លោកជំទាវអ្នកនាំពាក្យក្រសួងសុខាភិបាលរូបនេះ បានបន្តថា វ៉ាក់សាំងតែមួយមុខ មិនមែនជាមធ្យោបាយនៃការរីករាលដាលនៃជំងឺកូវីដ ១៩ នោះទេ អ្នកដែលចាក់វ៉ាក់សាំងរួចត្រូវតែការពារខ្លួនគ្រប់ពេល។
“វ៉ាក់សាំងជាមធ្យោបាយមួយបន្ថែម ហើយអ្នកចាក់វ៉ាក់សាំងរួចមិនត្រូវជិះសេះលែងដៃដែរ សូមបញ្ជាក់ហើយបញ្ជាក់ទៀត ខ្ញុំនិយាយប៉ុន្មានលើកហើយត្រង់ចំណុចនេះ ពីព្រោះលទ្ធភាពនៃការចម្លងនៅតែមាន គ្រាន់តែថា នៅពេលចាក់វ៉ាក់សាំងរួច សរីរាង្គរបស់មនុស្សយើងមានកងការពារសម្រាប់វាយបកជាមួយនឹងវីរុសកូវីដ ១៩ ហើយមិនធ្វើឲ្យសុខភាពរបស់យើងទ្រុឌទ្រោមរហូតដល់បាត់បង់ជីវិត”។
តាមការសិក្សាស្រាវជ្រាវ អ្នកដែលបានចាក់វ៉ាក់សាំងរួចកាត់បន្ថយបានជាអតិបរិមានូវអត្រាចូលសម្រាកពេទ្យ ដែលជួយកាត់បន្ថយការចំណាយដ៏ច្រើន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម