ត្រឹម១ថ្ងៃប៉ុណ្ណោះ មានស្ត្រីខ្មែរ ៣នាក់ ស្លាប់ដោយសារជំងឺកូវីដ ១៩
នៅថ្ងៃទី ៣១ មីនា ២០២១ ម្សិលមិញនេះ មានស្ត្រីខ្មែរ ៣នាក់ ស្លាប់ដោយសារជំងឺកូវីដ ១៩ នេះបើតាមសេចក្តីជូនព័ត៌មានជាបន្តបន្ទាប់របស់ក្រសួងសុខាភិបាល។
១. ស្ត្រីជនជាតិខ្មែរ អាយុ ៥៦ឆ្នាំ រស់នៅសង្កាត់វាលវង់ ខណ្ឌ៧មករា រាជធានីភ្នំពេញ រកឃើញវិជ្ជមាននៅថ្ងៃទី២៦ មីនា ស្លាប់នៅថ្ងៃទី៣១ មីនា ម៉ោង១០៖៣០នាទីព្រឹក នៅមន្ទីរពេទ្យមិត្តភាពខ្មែរ-សូវៀត។
២. ស្ត្រីជនជាតិខ្មែរ អាយុ ២៨ឆ្នាំ រស់នៅភូមិបឹងសាឡាង សង្កាត់ឫស្សីកែវ រាជធានីភ្នំពេញ រកឃើញវិជ្ជមាននៅថ្ងៃទី៣០ មីនា ស្លាប់នៅថ្ងៃទី៣១ មីនា ម៉ោង ២៖៤០នាទីរសៀល នៅមន្ទីរពេទ្យមិត្តភាពខ្មែរ-សូវៀត។
៣. ស្ត្រីជនជាតិខ្មែរ អាយុ ៥៦ឆ្នាំ រស់នៅសង្កាត់បឹងព្រលឹត ខណ្ឌ៧មករា រាជធានីភ្នំពេញ រកឃើញវិជ្ជមាននៅថ្ងៃទី២៧មីនា ស្លាប់នៅថ្ងៃទី ៣១ មីនា ២០២១ វេលាម៉ោង ៤៖៥០នាទីរសៀល នៅមន្ទីរពេទ្យមិត្តភាពខ្មែរ-សូវៀត។
គិតត្រឹមថ្ងៃទី ៣១ មីនា ២០២១ នេះ មានអ្នកស្លាប់ដោយសារជំងឺកូវីដ ១៩ សរុបទូទាំងប្រទេស ចំនួន ១៤នាក់។
