កាន់តែគួរឲ្យខ្លាច ថ្ងៃនេះខ្មែរយើង ៣នាក់ស្លាប់ដោយសារកូវីដ ១៩ ទាំងមិនទាន់មកដល់ពេទ្យ

ជនជាតិខ្មែរចំនួន ៣នាក់ ស្លាប់ដោយសារជំងឺកូវីដ ១៩ នៅថ្ងៃទី២៤ មេសា ២០២១។ តាមសេចក្តីប្រកាសព័ត៌មានរបស់ក្រសួងសុខាភិបាល បុរសនិងស្ត្រីជនជាតិខ្មែរទាំង ៣នាក់នោះស្លាប់បាត់បង់ជីវិតរួចទៅហើយមុនពេលមកដល់មន្ទីរពេទ្យ ដោយជាករណីសង្ស័យសពត្រូវបានក្រុមគ្រូពេទ្យយកសំណាកវិភាគ ជាលទ្ធផលបញ្ជាក់ថាវិជ្ជមានកូវីដ ១៩។

ជនជាតិខ្មែរទាំង ៣នាក់ ដែលស្លាប់ដោយសារជំងឺកូវីដ ១៩ នោះរួមមាន៖

១. ស្ត្រីជនជាតិខ្មែរ អាយុ ៧៩ឆ្នាំ រស់នៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ

២. បុរសជនជាតិខ្មែរ អាយុ ៥៧ឆ្នាំ រស់នៅស្រុករលាប្អៀរ ខេត្តកំពង់ឆ្នាំង

៣. ស្ត្រីជនជាតិខ្មែរ អាយុ ៦៥ឆ្នាំ រស់នៅស្រុកសំរោងទង ខេត្តកំពង់ស្ពឺ។

គិតចាប់តាំងពីការរាលដាលជំងឺកូវីដ ១៩ ក្នុងព្រឹត្តិការណ៍សហគមន៍ ២០ កុម្ភៈ រហូតដល់ថ្ងៃទី ២៥ មេសា ២០២១ នេះ មានករណីស្លាប់ដោយសារជំងឺកូវីដ ៧៤នាក់។

កូវីដ ១៩