ដើម្បីការពារខ្លួនពីវីរុសបំប្លែង Delta ឬជំងឺកូវីដ-១៩ធម្មតា យើងគួរសម្អាត ឬសម្លាប់មេរោគរាល់ផ្ទៃវត្ថុណាដែលមានមនុស្សប៉ះពាល់ច្រើនជាប្រចាំដូចជា ដៃទ្វារ ប្រកាន់ដៃកាំជណ្ដើរ ទូរស័ព្ទ ក្ដារចុចកុំព្យូទ័រជាដើម។ ប្រសិនបើផ្ទៃវត្ថុកខ្វក់ខ្លាំង យើងគួរសម្អាតដោយទឹក និងសាប៊ូជាមុនសិន សឹមប្រើថ្នាំសម្លាប់មេរោគ (ចំពោះវត្ថុដែលត្រូវទឹកមិនខូច)។ នេះបើតាមការឲ្យពីមជ្ឈមណ្ឌលទប់ស្កាត់ និងប្រឆាំងជំងឺឆ្លងអាមេរិក (CDC)។
៤. ពង្រឹងប្រព័ន្ធការពាររាងកាយ
ប្រព័ន្ធការពាររាងកាយមាននាទីសំខាន់បំផុតក្នុងកាលៈទេសៈនេះ ដើម្បីការពារខ្លួនពីវីរុសបំប្លែង Delta ដូចនេះហើយ គ្នាយើងគួរយកចិត្តទុកដាក់ថែទាំ និងពង្រឹងប្រព័ន្ធការពាររាងកាយឲ្យបានរឹងមាំដោយការមានរបបអាហារត្រឹមត្រូវ (បន្លែ ផ្លែឈើ សាច់។ល។) ញ៉ាំទឹកឲ្យបានគ្រប់គ្រាន់ សម្រាកឲ្យបានគ្រប់គ្រាន់ និងហាត់ប្រាណជាប្រចាំ ពិសេសនោះគឺយើងត្រូវថែទាំសុខភាពផ្លូវដង្ហើមឲ្យបានល្អ។