ក្រោយមានការរីករាលដានវីរុសបម្លែងថ្មី អូមីក្រុង តែមួយសប្ដាហ៍ប៉ុណ្ណោះដើម២០២២នេះ WHO ព្រមានថាមិនដល់ ៨សប្ដាហ៍ទៀតទេ ពលរដ្ឋអឺរ៉ុបកន្លះទ្វីបនឹងឆ្លងកូវីដ១៩ បម្លែងថ្មី (អូមីក្រុង)មិនខាន។
មាតិកា
បន្តិចទៀត អូមីក្រុងនឹងចម្លងទៅពាក់កណ្ដាលអឺរ៉ុប
លោកវេជ្ជបណ្ឌិត Hans Kluge តំណាង WHO សង្កត់ធ្ងន់ថាថ្វីត្បិតតែអូមីក្រុងមិនបង្កផលលំបាកធ្ងន់ធ្ងរបើធៀបទៅនឹងប្រភេទមុនៗក្ដី ប៉ុន្តែប្រភេទថ្មីនេះចម្លងលឿនណាស់ មិនថាអ្នកចាក់វ៉ាក់សាំងពេញលេញរួចហើយក៏ដោយ។
ដើមសប្ដាហ៍នេះ ដោយបុគ្គលិកសុខាភិបាលមួយចំនួនឈប់សម្រាក នៅអង់គ្លេសក្នុងមួយថ្ងៃ(ថ្ងៃចន្ទ) មានករណីឆ្លងរាលដាលជាង ១៤ម៉ឺននាក់និងស្លាប់ ៧៧នាក់។
នៅបារាំងឯណេះវិញរដ្ឋមន្ត្រីសុខាភិបាលលោក Oliver Veran សម្ដែងក្ដីបារម្ភខ្ពស់ចំពោះបញ្ហាចំនួនមន្ទីរពេទ្យបន្តកើនឡើង ហើយខែមករានេះ ជាពេលវេលាដែលផ្ដោតសំខាន់និងយកចិត្តទុកដាក់បំផុតចំពោះការរៀបចំពេទ្យបន្ថែមសម្រាប់អ្នកជំងឺ។ ជុំវិញស្ថានភាពកូវីដវិញលោកថា អ្នកជំងឺ Delta ភាគច្រើនស្ថិតនៅស្ថានភាពសង្គ្រោះបន្ទាន់(ICU) ឯអូមីក្រុងមានសភាពធូរស្រាលជាងបន្តិចស្ថិតនៅគ្រែពេទ្យដែលរដ្ឋាភិបាលរៀបចំ។ អ្នកវិជ្ជមានជាប្រចាំ ក្បែរ ៩ម៉ឺននាក់នៅបារាំង។
ទោះជាពិភពលោកទាំងមូលកំពុងស្រែករកជំនួយ រកថ្នាំចាក់វ៉ាក់សាំងយ៉ាងណាក្ដីជាង ២ឆ្នាំមកនេះ តាំងពីកូវីដចាប់ផ្ដើមលាតសន្ធឹងពីដែនដីចិនបាចសាចគ្រប់ទិសទីហើយកំពុងបង្កផលប៉ះពាល់ខ្លាំងនៅសហរដ្ឋអាមេរិកនិងអឺរ៉ុបយ៉ាងណាក្ដី នៅប៉ូឡូញឯណេះវិញ ពលរដ្ឋជិត ៤០% ទៀតនៅមិនទាន់វ៉ាក់សាំងការបារជំងឺកូវីដ១៩នៅឡើយ។ បើរាប់ចំនួនអ្នកស្លាប់វិញ ប៉ូឡូញបាត់បង់ពលរដ្ឋប្រមាណ ១០ម៉ឺននាក់ហើយ។
ក្រាហ្វិកកើនឡើងគួរឲ្យបារម្ភនៅអឺរ៉ុបដើមឆ្នាំ២០២២នេះ
មន្ត្រីជាន់ខ្ពស់រុស្ស៊ីក៏សម្ដែងក្ដីបារម្ភយ៉ាងខ្លាំងដែរចំពោះអូមីក្រុង លោកថា មួយថ្ងៃរុស្ស៊ីឆ្លងក្បែរ ១០ម៉ឺននាក់រាល់ថ្ងៃ ហើយអ្នកស្លាប់ជាង ៣១ម៉ឺននាក់ពីអ្នកវិជ្ជមានសរុប ១០,៥ លាននាក់។
ថ្ងៃច័ន្ទដើមសប្ដាហ៍ដដែលភាគីផលិតថ្នាំបង្ការ Pfizer អាចចរាចរវ៉ាក់សាំងពិសេសទល់នឹងកូវីដ១៩បម្លែងថ្មី អូមីក្រុងយូរបំផុតក្នុងខែមីនា ២០២២នេះ។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
The list of countries and their regional classification – https://www.worldometers.info/coronavirus/
Covid: Half of Europe to be infected with Omicron within weeks – WHO – https://www.bbc.com/news/world-europe-59948920
South China Morning Post (SCMP) – https://www.scmp.com/video/world/3163032/more-half-european-population-will-be-infected-omicron-within-weeks-who-says
កំណែប្រែបច្ចុប្បន្ន
12/01/2022
អត្ថបទដោយ ជីព ចិត្ត
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម