ថ្នាំវ៉ាក់សាំងជំងឺកូវីដ១៩ថ្មី ជាការស្រាវជ្រាវពីរប្រទេសរួមគ្នា មានសមត្ថភាពអាចព្យាបាលអាការៈផ្សេងៗ បង្កដោយបាក់តេរី នឹងកំពុងក្លាយជាក្តីរំពឹងថ្មី ដើម្បីដោះស្រាយវិបត្តិជំងឺឆ្លងបាន។
ប្រភពព័ត៌មានពី Drug Target Review បានឲ្យដឹងថា វ៉ាក់សាំងប្រភេទថ្មី ឈ្មោះ J8 បានអភិវឌ្ឍរួមគ្នា ដោយសាកលវិទ្យាល័យ Griffith របស់អូស្រ្តាលី និងដៃគូស្រាវជ្រាវមកពីប្រទេសកាណាដា ក្នុងគោលបំណងបង្កើនប្រសិទ្ធភាពប្រឆាំងទៅនឹងពពួកបាក់តេរីប្រភេទ (Strep A) ដែលបង្កឲ្យមានជំងឺឆ្លង នឹងបង្កជាអាការៈធ្ងន់ធ្ងរ ដូចជា គ្រុនក្តៅ ឡើងកន្ទួលរលាកស្បែក និងប្រែប្រួលសម្ពាធឈាមជាដើម។ ជាពិសេសទៅទៀត ដោយសារបញ្ហាកើតឡើងដោយពពួកបាក់តេរី បណ្តាលឲ្យមានករណីស្លាប់ច្រើន ទើបធ្វើឲ្យមានការស្រាវជ្រាវផលិតថ្នាំវ៉ាក់សាំងនេះឡើង។
ដំណើរបង្កើតវ៉ាក់សាំង J8 ឡើង ត្រូវបានពិសោធទៅលើសត្វកណ្តុរជាមុន ដោយក្រុមអ្នកវិទ្យាសាស្រ្តបានវិវត្ត J8 ចេញពីប្រូតេអ៊ីន តាងឈ្មោះ ដោយអក្សរ M មានក្នុងបាក់តេរី ក្រោយមកវាបានក្លាយអង្គធាតុក្នុងឈាម ស៊ាំ និងប្រឆាំង ទៅនឹងបាក់តេរី បង្កជំងឺឆ្លងនៅក្នុងសត្វកណ្តុរ។
អត្ថបទពាក់ព័ន្ធ៖
- វ៉ាក់សាំងថ្មី របស់អូស្ត្រាលី មានប្រសិទ្ធភាពខ្ពស់ បង្ការឆ្លងមេរោគរបេង
- នេះជាវ៉ាក់សាំងបង្ការជំងឺទាំង១១មុខ សម្រាប់ចាក់ឲ្យកូនក្មេងពីពេលកើត ដល់អាយុ២ឆ្នាំ
សម្រាប់លទ្ធផលការស្រាវជ្រាវខាងលើ សាស្រ្តាចារ្យដឹកនាំការស្រាវជ្រាវ លោក Michael Good បាននិយាយថា ទោះលទ្ធផលវិជ្ជមាន ប៉ុន្តែតម្រូវឲ្យក្រុមស្រាវជ្រាវ សិក្សាបន្តបន្ថែមទៀត ពោលគឺចង់ឲ្យមាន ការស្រាវជ្រាវចំពោះវ៉ាក់សាំងនេះ ប្រមាណ២ឆ្នាំទៀត ទើបសាកល្បងតេស្តផ្ទាល់ទៅលើមនុស្ស និងចេញសម្រាប់ប្រើប្រាស់៕
[embed-health-tool-bmi]
