តើការជិះឡានជាមួយអ្នកផ្ទុក COVID-19 ទាំងដែលយើងមិនបានប៉ះពាល់ ឬនិយាយគ្នាលេង អាចឆ្លង COVID-19 ដែរឬទេ? នេះជាចម្ងល់ដែលមនុស្សជាច្រើនលើកឡើង និងមានភាពភ័យខ្លាច។
លោកវេជ្ជបណ្ឌិតផ្នែកទូទៅ លី ឬទ្ធីគុណ បានឲ្យដឹងថា COVID-19 អាចចម្លងពីមនុស្សម្នាក់ទៅម្នាក់ទៀតទាំងមិនទាន់ចេញរោគសញ្ញា។ តែបើយើងមិនបានទៅប៉ះពាល់នរណាម្នាក់ដែលមានរោគសញ្ញាក្ដៅខ្លួន ហៀរសំបោរ ក្អក ឬការពារខ្លួនដោយពាក់ម៉ាស់បានត្រឹមត្រូវមិនឆ្លងទេ។ ផ្ទុយទៅវិញ បើយើងធ្វើដំណើរតាមឡានជាមួយអ្នកផ្ទុក ដោយគេមានអាការៈក្ដៅខ្លួន ក្អក ហើយយើង និងគេមិនបានពាក់ម៉ាស់ទេ សំណាកចេញពីទឹកមាត់ ទឹកសម្បោរ ដែលខ្ទាតអាចមកត្រូវខ្លួន ហើយអាចឆ្លងបាន។
វេជ្ជបណ្ឌិតបានបន្ថែមទៀតថា បើចាំបាច់ត្រូវធ្វើដំណើរដោយជិះឡានឈ្នួល ត្រូវពិនិត្យមើលអ្នកនៅក្នុងនោះមានមនុស្សច្រើនដែលប្រជ្រៀតគ្នា ឬអត់? បើមនុស្សច្រើនមិនបាច់ជិះទេ ហើយសង្កេតមើលអ្នកដំណើររួមទាំងនោះ មានការពារខ្លួនដោយពាក់ម៉ាស់ឬអត់ ហើយយើងខ្លួនឯងត្រូវតែការពារខ្លួនជាចាំបាច់។ ក្រោយចុះពីឡានត្រូវលាងសម្អាតដៃ ហើយពេលទៅដល់ផ្ទះវិញ ផ្លាស់ប្ដូរសម្លៀកបំពាក់ និងងូតទឹកសម្អាតខ្លួនជាមួយសាប៊ូ។
ដូចនេះហើយបានជាគេតម្រូវឲ្យមានយើងមានគម្លាតឃ្លាតពីគ្នា ១ ម៉ែត្រកន្លះ ពេលនៅតាមទីសាធារណៈ ដើម្បីចៀសវាងមាននរណាក្អក កណ្ដាស់ សំណាកដែលចេញពីមាត់ និងច្រមុះមិនអាចធ្លាក់ទៅដល់យើង។
អត្ថបទពាក់ព័ន្ធ៖
- ៥ចំណុច គួរធ្វើពេលសម្ងំតែក្នុងផ្ទះ អំឡុងCOVID-19 កំពុងរាតត្បាត
- តាមដានព័ត៌មានបែបរន្ធត់អំឡុងពេលកូវីដ ១៩ គ្រោះថ្នាក់ដល់សុខភាពផ្លូវចិត្ត
- នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន
- ចេះតិចនិកញ៉ាំអាហារនេះ អាចជួយការពារខ្លួនពីជំងឺផ្សេងៗបានច្រើន
- “ហាត់ប្រាណពេលពពោះ” មិនដើម្បីរាងស្អាតទេ គឺដើម្បីសុខភាព
- ពិតអត់ថាអ្នកលេងកីឡា មានសុខភាពល្អ មិនឆ្លង COVID-19?
- ការពារ COVID-19 ត្រូវឧស្សាហ៍លាងដៃ លាងម្ដងគួរប្រើពេល២០វិនាទី
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
