ទោះជាកម្ពុជាមានភាពធូរស្បើយពី COVID-19 យ៉ាងណាក៏ដោយ ក៏ក្រសួងសុខាភិបាលបញ្ជាក់ថា ត្រូវតែប្រកាន់ខ្ជាប់អនាម័យ និងរក្សាគម្លាត ដើម្បីការពារខ្លួនជាប់ជានិច្ច។ ក្នុងនោះដែរលោកវេជ្ជបណ្ឌិតផ្នែកទូទៅ លី ឬទ្ធីគុណ បានបញ្ជាក់ថា ត្រូវចៀសវាងទៅកន្លែងទាំង ៤ ទីតាំងនេះ ព្រោះទីនោះមានហានិភ័យឆ្លងខ្ពស់។
១- ឡានក្រុង
សម្រាប់ឡានក្រុងដែលផ្ទុកមនុស្សប្រជ្រៀតគ្នា ពិតជាមានអត្រាឆ្លងខ្ពស់ ព្រោះពេលមានអ្នកក្អក កណ្ដាស់ ហើយគ្មានការការពារត្រឹមត្រូវ។ បើទោះជាគ្មានការបញ្ជាក់ច្បាស់លាស់ពី WHO ថា COVID-19 មិនបានឆ្លងតាមរយៈញើស ក៏ត្រូវតែប្រយ័ត្នកុំឲ្យប៉ះពាល់ញើសអ្នកដទៃដែរ។
២- ផ្សារ
ប្រសិនបើនៅតាមផ្សារទំនើប កន្លែងគិតលុយគេតម្រូវឲ្យឈរឃ្លាតពីគ្នា ១ ម៉ែត្រកន្លះ ឬផ្សារខ្លះកំណត់ឲ្យអតិថិជនមានម៉ាស់ពាក់មុននឹងចូល ប៉ុន្តែនៅតាមផ្សារធម្មតាមិនមានការកំណត់ ហើយចូលចិត្តប្រជ្រៀតគ្នា ហើយថែមទាំងចាប់កាន់របស់របរពីម្នាក់ទៅម្នាក់គ្មានការជូតសម្អាត នាំឲ្យងាយឆ្លង COVID-19។
៣- ទូ ATM
ចំណែកនៅក្នុងទូ ATM វិញក៏ដូចគ្នា ប្រសិនបើមានអ្នកផ្ទុកម្នាក់ក្អក កណ្ដាស់ដោយមិនបានពាក់ម៉ាស់ ឬយកអ្វីខ្ទប់មាត់ច្រមុះ ហើយសំណាកបានខ្ទាតទៅទុំនៅអេក្រង់ ឬក្ដារចុចក្នុងទូ ហើយមានបុគ្គលម្នាក់ទៀតចូលទៅប្រើប្រាស់ និងបានប៉ះពាល់កន្លែងទាំងនោះ ពិតជាអាចឆ្លង។ ដូចនេះបើត្រូវការប្រើប្រាស់ទូ ATM ត្រូវយកអាល់កុលបាញ់កន្លែងយើងត្រូវប៉ះពាល់សិន ហើយបន្ទាប់ពីដំណើរការហើយ ត្រូវលាងសម្អាតដៃជាមួយសាប៊ូ អាល់កុល ឬទឹកជែលលាងដៃ។
៤- បន្ទប់ទឹកសាធារណៈ
ការប្រើប្រាស់បន្ទប់ទឹកសាធារណៈពិតជាមិនមានសុវត្ថិភាពនោះទេ ព្រោះយើងដឹងហើយថា COVID-19 អាចឆ្លងតាមរយៈបង្គន់ ហើយឡាបូលាងសម្អាតដៃ ក៏ងាយចម្លងមេរោគដែរ ប្រសិនបើកន្លែងនោះអ្នកផ្ទុកខាកស្ដោះ ញើសសម្បោរដាក់ ហើយយើងទៅប៉ះពាល់ និងមិនបានលាងស្អាតបានគ្រប់ជ្រុងជ្រោយ ពិតជាគ្រោះថ្នាក់។
អត្ថបទពាក់ព័ន្ធ៖
- ហេតុអីនៅប្រទេសជឿនលឿនមានអ្នកស្លាប់ដោយសារជំងឺ COVID-19 ច្រើនជាងប្រទេសកំពុងអភិវឌ្ឍន៍?
- អ្នកឆ្លងCOVID-19 ៦ពាន់នាក់នឹងតេស្តថ្នាំមួយប្រភេទនៅផ្ទះ ក្រោមការតាមដានពីចម្ងាយ
- ជិះឡានជាមួយអ្នកផ្ទុក COVID-19 តែមិនបានប៉ះពាល់ ឬនិយាយគ្នា អាចឆ្លងអត់?
- ១៩ចំណុច ពន្យល់ពីពាក្យចចាមអារ៉ាមផ្សេងៗពាក់ព័ន្ធនឹងវីរុស COVID-19
- ក្រសួងទាត់ចោល ការប្រកាសថា មានការឆ្លង COVID-19 ក្នុងសហគមន៍
- កត្តាប្រាំយ៉ាងនេះ ធ្វើឲ្យអ្នកឆ្លងវីរុស COVID-19 មានស្ថានភាពខុសៗគ្នា
- ចម្ងល់ពាក់ព័ន្ធនឹងវីរុស COVID-19 ទាំងនេះ នៅតែមានអ្នកឆ្ងល់
- COVID-19 អាចចម្លងតាមរយៈអាហារអត់?
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
