ឆ្អឹងមានតួនាទីសំខាន់សម្រាប់រាងកាយយើង ទាំងអាចឲ្យយើងធ្វើចលនាបាន និងការពារខួរក្បាល បេះដូង សរីរាង្គខាងក្នុងដទៃទៀតពីការរងរបួសជាដើម។ ជាធម្មតា គ្នាយើងក្មេងៗមិនសូវជាយកចិត្តទុកដាក់នឹងសុខភាពឆ្អឹង ឬសរីរាង្គខាងក្នុងរាងកាយប៉ុន្មានទេ តែបើយើងថែទាំមិនបានដិតដល់ពីក្មេង ចាស់ៗទៅច្បាស់ជាមានបញ្ហាឆ្អឹងមិនខានទេ។

ពេលយើងនៅក្មេង រាងកាយបង្កើតឆ្អឹងថ្មីៗលឿន និងបំបែកឆ្អឹងចាស់ៗចោល ហើយម៉ាសឆ្អឹងរបស់យើងក៏កើនឡើងលឿនដែរ ប៉ុន្តែ ដល់ពេលវ័យវិវដ្ដច្រើនទៅៗ ម៉ាសឆ្អឹងក៏ចាប់ផ្ដើមបាត់បង់ច្រើនដែរ។ មិនមែនជារឿងឆាប់ពេក ឬយឺតពេលពេកទេក្នុងការថែទាំឆ្អឹងឲ្យមានសុខភាពល្អ ជាមួយនឹងតិចនិកខាងក្រោមនេះ គ្នាយើងអាចចាប់ផ្ដើមរក្សាសុខភាពឆ្អឹងឲ្យមាំមួនបាន។

១. ញ៉ាំអាហារសម្បូរជាតិកាល់ស្យូម និងវីតាមីន D

កាល់ស្យូម និងវីតាមីន D ជាសារធាតុចិញ្ចឹមចាំបាច់សម្រាប់សុខភាពឆ្អឹង ជួយឲ្យឆ្អឹងរឹងមាំ មិនងាយពុក។ វីតាមីន D អាចរកបាននៅក្នុងត្រីសមុទ្រ ស៊ុតក្រហម ថ្លើម និងពន្លឺកព្រះអាទិត្យ រីឯកាល់ស្យូមសម្បូរនៅក្នុងទឹកដោះគោ ផលិតផលធ្វើពីទឹកដោះគោ តៅហ៊ូ ទឹកសណ្ដែក និងបន្លែបៃតងជាដើម។

២. ហាត់ប្រាណឲ្យច្រើន

ដូចសាច់ដុំដែរ ឆ្អឹងនឹងកាន់តែរឹងមាំ ប្រសិនបើយើងហាត់ប្រាណបានទៀងទាត់។ លំហាត់ប្រាណដែលល្អបំផុតសម្រាប់សុខភាពឆ្អឹង គឺការហាត់បែបពង្រឹងសាច់ដុំ ការដើរឡើងចុះកាំជណ្ដើរ លើកដុំដែក ឬដោយការរាំលេង។ ព្យាយាមហាត់ប្រាណយ៉ាងតិច ៣០នាទី/ថ្ងៃ។

៣. មានរបៀបរស់នៅល្អ

ប្រសិនបើយើងស្រលាញ់ឆ្អឹង ចង់ឲ្យសុខភាពឆ្អឹងនៅរឹងមាំពេលចាស់ទៅ យកល្អឈប់ជក់បារី និងកាត់បន្ថយការសេពគ្រឿងស្រវឹង និងគួរមានអាហារត្រឹមត្រូវ មានបន្លែផ្លែឈើ សាច់ក្នុងនោះ។

៤. ចៀសវាងការដួល

ពេលយើងដួល អាចបណ្ដាលឲ្យមានរបួសរហូតបាក់ឆ្អឹងបាន ពិសេសចំពោះមនុស្សមានជំងឺពុកឆ្អឹង ហេតុនេះហើយ ពេលធ្វើសកម្មភាពអ្វីមួយត្រូវចេះប្រយ័ត្នលំនឹងឲ្យបានល្អ។

៥. ពិគ្រោះជាមួយគ្រូពេទ្យ

យើងអាចទៅពិគ្រោះជាមួយគ្រូពេទ្យពីសុខភាពឆ្អឹងថាតើ យើងគួរពិនិត្យកំហាប់ឆ្អឹង ឬអាចប្រឈមនឹងជំងឺឆ្អឹងផ្សេងៗដែរឬទេ។

សុខភាពឆ្អឹង

គិតពីសុខភាពឆ្អឹង អនុវត្ត ៥ ចំណុចនេះតាំងពីនៅក្មេងវ័យ

១. ញ៉ាំ​អាហារ​សម្បូរ​ជាតិ​កាល់ស្យូម និង​វីតាមីន D

២. ហាត់ប្រាណ​ឲ្យ​ច្រើន

៣. មាន​របៀប​រស់​នៅ​ល្អ

៤. ចៀស​វាង​ការ​ដួល

៥. ពិគ្រោះ​ជាមួយ​គ្រូពេទ្យ

១. ញ៉ាំអាហារសម្បូរជាតិកាល់ស្យូម និងវីតាមីន D

២. ហាត់ប្រាណឲ្យច្រើន

៣. មានរបៀបរស់នៅល្អ

៤. ចៀសវាងការដួល

៥. ពិគ្រោះជាមួយគ្រូពេទ្យ