backup og meta

កុំរំលង រោគសញ្ញាទាំងនេះអាចបណ្តាលឲ្យមានជំងឺរលាកច្រមុះរ៉ាំរ៉ៃ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ Dec 26, 2022

    កុំរំលង រោគសញ្ញាទាំងនេះអាចបណ្តាលឲ្យមានជំងឺរលាកច្រមុះរ៉ាំរ៉ៃ

    ជំងឺ​ដែលមនុស្សភាគច្រើនឧស្សាហ៍ជួបប្រទះ ហើយគិតថាជាជំងឺធម្មតានោះ គឺការរលាកច្រមុះ និងរលាកប្រអប់ឆ្អឹងអមរន្ធច្រមុះ។ ផ្ទុយទៅវិញ ការ​រលាក​ច្រមុះ​ញឹក​ញាប់​អាច​វិវត្ត​ទៅ​ជា​ជំងឺ​រ៉ាំរ៉ៃ ឬ​លាប់​សារ​ចុះ​សារ​ឡើង។

    មន្ទីរពេទ្យកាល់ម៉ែតបានឲ្យដឹងថា ជំងឺរលាកច្រមុះរ៉ាំរ៉ៃអាចមានរោគសញ្ញាច្រើនដូចជា តឹងច្រមុះ ហៀរសម្បោរ កណ្តាស់ រមាស់ច្រមុះ តឹងច្រមុះទាំងសង្ខាង ឬឆ្លាស់គ្នា។​ ជំងឺ​រលាក​ច្រមុះ​រ៉ាំរ៉ៃ អាច​មាន​សញ្ញា​ផ្សេង​ទៀត​រួ​ម​មាន ហុឹង​ត្រចៀក គេង​ស្រម៉ុក ស្ងួតមាត់ ក្អកស្ងួត​ ឈឺបំពង់ក រលាកបំពង់ខ្យល់​ និងរលាកទងសួតញឹកញាប់។ ក្រៅពីនេះ អ្នក​ជំងឺ​អាច​មាន​អាការៈ​ឈឺ​ក្បាល ឬ​ពិបាកដកដង្ហើម រមាស់ច្រមុះ ភ្នែក រន្ធត្រចៀក ជាពិសេសក្នុងករណី អាលែកហ្ស៊ីច្រមុះទៅតាមរដូវកាល។ អ្នក​ជំងឺ​អាច​បាត់​ក្លិន ឬ​អាច​បាត់បង់​ការ​ដឹង​រស​ជាតិ​អាហារ​ផង​ដែរ។ លើស​ពី​នេះ​ទៀត អ្នក​ជំងឺ​អាច​មាន​បញ្ហា​ដល់​ទងសួត ដោយ​មិន​បាន​ចាប់​អារម្មណ៍ ហត់​ពេល​ប្រឹង​ដក​ដង្ហើម តឹង​ទ្រូង​ជាដើម។ អ្នក​ជំងឺ​រលាក​ច្រមុះ​រ៉ាំរ៉ៃ​ អាច​ឡើង​ស្លេស្ម ដោយសារប្រតិកម្មទងសួត ដែលអាចវិវត្តទៅជាជំងឺហឺតបាន។

    រមាស់ច្រមុះរលាកច្រមុះ

    មន្ទីរពេទ្យ​កាល់ម៉ែត​ក៏​បាន​ពន្យល់​ពី​វិធីសាស្ត្រ​ក្នុង​ការ​ព្យាបាល ជំងឺរលាកច្រមុះផងដែរ ដែលវិធីសាស្រ្តទាំងនោះមានដូចខាងក្រោម៖

    – ក្នុងករណីរលាកច្រមុះរ៉ាំរ៉ៃដោយអាលែកហ្ស៊ី ការប្រើថ្នាំបាញ់ច្រមុះ អាចមានប្រសិទ្ធភាពខ្ពស់ និងគ្មានផលវិបាកធ្ងន់ធ្ងរដល់អ្នកជំងឺ។

    – គេប្រើថ្នាំ Antihistamine បន្ថែម ក្នុងករណីដែលប្រើថ្នាំបាញ់ច្រមុះមិនធូរស្រាល

    -រលាកច្រមុះនៅពេលមានផ្ទៃពោះ អាចលាងសម្អាតខាងក្នុងច្រមុះដើម្បីបានធូរស្រាល

    -ប្រសិនរលាកច្រមុះដោយការប្រើថ្នាំ ត្រូវឈប់ប្រើថ្នាំជាចាំបាច់។

    លើសពីនេះ ក្នុងករណីដែលរលាកច្រមុះរ៉ាំរ៉ៃបណ្តាលមកពីភាពមិនធម្មតានៅក្នុងច្រមុះ​ ពេទ្យអាច៖

    -ដុត ឬកាត់សាច់ច្រមុះ​ ក្នុងករណីហើមសាច់ច្រមុះដែលបណ្តាលឲ្យ​តឹងច្រមុះជាប្រចាំ

    – វះកាត់តម្រង់ឆ្អឹងជញ្ជាំងច្រមុះ ករណីវៀចឆ្អឹងខណ្ឌរន្ធច្រមុះខ្លាំង ដើម្បីសម្រួលមុខងារច្រមុះឲ្យមានសភាពធម្មតាវិញ។

    អត្ថបទពាក់ព័ន្ធ៖

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នាង សុខុមដាលីញ៉ា · កែ Dec 26, 2022

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម