៤-ការធ្វើតេស្តកម្រិតជាតិស្ករទាបនៅក្នុងឈាម
បើយើងសង្ស័យថាកម្រិតជាតិស្ករក្នុងឈាមចុះទាប គឺយើងត្រូវធ្វើតេស្តកម្រិតជាតិស្ករឲ្យបានភ្លាមៗ ឬបើយើងមិនអាចធ្វើបានទេ ជាការសំខាន់ណាស់ដែលយើងត្រូវព្យាបាលដោយខ្លួនឯងចំពោះបញ្ហានេះ ដើម្បីកុំឲ្យចេញរោគសញ្ញាកាន់តែធ្ងន់ធ្ងរ ដូចជាអាចផឹកទឹកឃ្មុំមួយស្លាបព្រា ឬទឹកក្រូចកន្លះកែវ ឬផ្លែប៉ោមមួយផ្លែជាដើម។។
អ្នកមានជំងឺទឹកនោមផ្អែមប្រភេទ១ ខ្លះមិនងាយសម្គាល់ឃើញរោគសញ្ញាធ្លាក់ចុះកម្រិតជាតិស្ករនេះទេ ហេតុនេះហើយបានជាត្រូវធ្វើតេស្តកម្រិតជាតិស្ករក្នុងឈាមឲ្យបានញឹកញាប់។ មួយវិញទៀត យើងគួរជួបជាមួយគ្រូពេទ្យបើសិនជាយើងមិនស្រួលខ្លួន និងមានចេញរោគសញ្ញាធ្លាក់ចុះកម្រិតជាតិស្ករ និងសាកសួរគ្រូពេទ្យឲ្យបានច្បាស់ពីវិធីការពារខ្លួនពេលជួបបញ្ហាកម្រិតជាតិស្ករក្នុងឈាមធ្លាក់ចុះទាប។
ដូចគ្នាដែរអ្នកជំងឺទឹកនោមផ្អែមប្រភេទ១ ឬសមាជិកគ្រួសារ ត្រូវដឹងថាប្រសិនបើយើង ឬសមាជិកគ្រួសារធ្លាប់មានអាការៈប្រកាច់ ឬសន្លប់ ដោយសារបញ្ហានេះ គឺមិនត្រូវព្យាមយាមញ៉ាំអាហារនោះទេ ដោយសារតែការញ៉ាំអាហារអាចបណ្ដាលឲ្យអ្នកជំងឺស្លាក់បាន។