ដុំសាច់ខួរក្បាលអាចកើតលើមនុស្សគ្រប់គ្នា ដោយមានច្រើនទម្រង់ និងទំហំ ហើយរោគសញ្ញាដុំសាច់ខួរក្បាលក៏មានច្រើនដែរ។ រោគសញ្ញាដុំសាច់ខួរក្បាលដែលគេអាចដឹងបានគឺអាស្រ័យលើទីតាំងដែលវាកើតនៅផ្នែកណាមួយនៃខួរក្បាល។
មាតិកា
ឈឺក្បាល ស្រវាំងភ្នែក ជាប្រចាំអាចជារោគសញ្ញាដុំសាច់ខួរក្បាល
ឧទាហរណ៍ថា ដុំសាច់មានទីតាំងនៅកន្លែងខួរក្បាលគ្រប់គ្រងចលនាដៃ ឬគំហើញ នោះរោគសញ្ញាអាចមានដូចជាខ្សោយនៅត្រង់ដៃ ឬខ្សោយគំហើញជាដើម។ យ៉ាងណាក៏មានរោគសញ្ញាទូទៅមួយចំនួនច្រើនកើតឡើងជាងរោគសញ្ញាផ្សេងទៀតពេលមានដុំសាច់ខួរក្បាល។
១. ឈឺក្បាល
អាការៈឈឺក្បាលអាចជារោគសញ្ញាទូទៅនៃជំងឺផ្សេងៗ ហើយអាការៈនេះតែមួយមុខមិនអាចសន្និដ្ឋានបានថាជាដុំសាច់ខួរក្បាលនោះទេ។ ប៉ុន្តែយើងគួរទៅជួបពេទ្យបើឈឺក្បាលបែប៖
- ឈឺក្បាលជាមួយនឹងអារម្មណ៍មិនស្រួលខ្លួន
- ឈឺក្បាលបែបមិនធ្លាប់មានពីមុនមក
- ឈឺក្បាលធ្វើឲ្យភ្ញាក់ពីគេងនៅពេលយប់
- ឈឺក្បាលធ្វើឲ្យភ្នែកចាប់ផ្ដើមព្រិល
- ឈឺក្បាលកាន់តែអាក្រក់ទៅក្នុងរយៈពេលរាប់អាទិត្យ ឬខែ
២. បញ្ហាភ្នែក
ដុំសាច់ខួរក្បាលក៏ធ្វើឲ្យយើងមានបញ្ហាភ្នែកផងដែរ ដែលធ្វើឲ្យគំហើញរបស់យើងធ្លាក់ចុះ ហើយការប្រើវ៉ែនតាមិនអាចជួយអ្វីបាននោះទេ។ ពេលខ្លះគំហើញរបស់យើងវិលមករកសភាពធម្មតា និងពេលខ្លះក៏ពិបាកមើលវិញក៏មាន។ មួយវិញទៀត ក៏អាចធ្វើឲ្យយើងបាត់បង់សមត្ថភាពមើលឃើញរបស់នៅខាងចុងនៃភ្នែកដែលអាចធ្វើឲ្យយើងដើរបុករបស់នៅខាងស្ដាំ ឬខាងឆ្វេងដៃ។ បញ្ហានេះ អាចលេចចេញមកដូចជា៖
- ស្រវាំងភ្នែក
- មានស្នាមនៅអណ្ដែតក្នុងភ្នែក
- ពិបាកមើលរបស់នៅឆ្ងាយ
ក្រៅពីរោគសញ្ញាទាំងពីរនេះ នៅមានរោគសញ្ញាមួយចំនួនទៀតដូចជា ប្រកាច់ ស្ពឹកលើផ្នែកណាមួយនៃរាងកាយ ការចងចាំប្រែប្រួល ឬភ្លេចភ្លាំង ពិបាកគិត ពិបាករក្សាលំនឹង និងចង្អោរ ជាដើម។
ការព្យាបាលបញ្ហាដុំសាច់ខួរក្បាល គឺអាស្រ័យលើប្រភេទដុំសាច់ ទីតាំងដុំសាច់ និងស្ថានភាពសុខភាពអ្នកជំងឺជាក់ស្ដែង។ ដូចនេះ បើយើងមានរោគសញ្ញាសង្ស័យណាមួយ គួរតែប្រញាប់ពិគ្រោះជាមួយគ្រូពេទ្យ។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.cancerresearchuk.org/about-cancer/brain-tumours/symptoms
https://meyercancer.weill.cornell.edu/news/2016-12-22/7-warning-signs-brain-tumor-you-should-know
6 Brain Tumor Warning Signs You Should Know
កំណែប្រែបច្ចុប្បន្ន
07/07/2021
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម