ជំងឺស្លេកស្លាំងដោយសារតែកង្វះជាតិដែក កើតឡើងនៅពេលដែលរាងកាយមានជាតិដែកតិចតួចពេក ដើម្បីទៅផលិតកោសិកាឈាមក្រហម។ តួយ៉ាងដូចជានៅពេលដែលស្រីៗយើងមករដូវច្រើន វាក៏អាចធ្វើឲ្យយើងស្លេកស្លាំង។ រីឯការរងរបួសដែលទាក់ទងទៅនឹងការបាត់បង់ឈាម ការវះកាត់ ឬការសម្រាលកូនក៏អាចបណ្ដាលឲ្យកង្វះជាតិដែកដូចគ្នា។ ម្យ៉ាងវិញទៀត អាការៈស្លេកស្លាំងនឹងកើតឡើង ប្រសិនបើគ្នាយើងមិនឃ្លានអាហារ ឬញ៉ាំអាហារដែលមានជាតិដែកតិចតួច។ ជំងឺមហារីកក៏ជាកត្តាចម្បងដែលបង្កើតឲ្យមានកម្រិតជាតិដែកទាបផងដែរ។