ជំងឺមហារីកជាជំងឺដ៏កាចសាហាវ ដែលសម្លាប់មនុស្សរាប់លាននាក់ជារៀងរាល់ឆ្នាំ។ ប៉ុន្តែ ប្រសិនបើយើងចាត់វិធានការការពារ ធ្វើរោគវិនិច្ឆ័យ និងព្យាបាលឲ្យទាន់ពេលវេលា នោះយើងនឹងអាចកាត់បន្ថយហានិភ័យធ្ងន់ធ្ងរនៃជំងឺមួយប្រភេទនេះបានយ៉ាងមានប្រសិទ្ធភាព។ យ៉ាងណាមិញ មានជំងឺមហារីកមួយចំនួនដែលកើតឡើងជាទូទៅលើប្រុសៗ។ ហេតុនេះហើយ ការយល់ដឹងពីរោគសញ្ញាមួយចំនួន និងការការពារឲ្យបានត្រឹមត្រូវ ជារឿងដែលចាំបាច់បំផុត។
ជំងឺមហារីកទាំង៣ ឧស្សាហ៍កើតលើបុរស គួរការពារបែបណា?
១. ជំងឺមហារីកសួត
ទោះបីជាការជក់បារីជាមូលហេតុចម្បងដែលធ្វើឲ្យកើតជំងឺមហារីកសួតក៏ដោយ អ្នកដែលស្រូបយកផ្សែងបារីក៏ទទួលផលប៉ះពាល់ដូចគ្នា។ ម្យ៉ាងវិញទៀត ជំងឺមហារីកសួតអាចបណ្ដាលមកពីការបំពុលបរិស្ថាន ប្រើប្រាស់ថ្នាំជក់ និងការប៉ះពាល់នឹងសារធាតុបង្កជំងឺមហារីក។ អ្នកដែលមានវ័យលើសពី៦០ឆ្នាំ និងធ្លាប់កើតជំងឺស្ទះផ្លូវដង្ហើមរ៉ាំរ៉ៃ ក៏អាចវិវដ្តទៅជាជំងឺមហារីកមួយប្រភេទនេះដែរ។
រោគសញ្ញា
នៅដំណាក់កាលដំបូង ជំងឺមហារីកសួតមិនបង្ហាញរោគសញ្ញាច្បាស់លាស់ក៏ពិតមែន ប៉ុន្តែគ្នាយើងអាចសង្កេតមើលសញ្ញាទាំងនេះ។
- ក្អក
- ដកដង្ហើមខ្លីៗ
- ស្អក
- ឈឺទ្រូង
- ដកដង្ហើមលឺខ្លាំងៗ
- កំហាកប្រែប្រួល
វិធានការការពារ៖ បញ្ឈប់ការជក់បារី និងនៅឲ្យឆ្ងាយពីផ្សែងបារី។
២. ជំងឺមហារីកក្រពេញប្រូស្តាត
ជាមួយគ្នានេះដែរ ជំងឺមហារីកក្រពេញប្រូស្តាតធ្វើការវិវដ្ដយឺតៗ និងចាប់ផ្ដើមរំខានដល់ប្រព័ន្ធទឹកនោម និងមុខងាររបស់វា។ ហានិភ័យនៃការកើតជំងឺមហារីកក្រពេញប្រូស្តាត គឺទាក់ទងនឹងបញ្ហាតំណពូជ អាយុ ទម្លាប់នៃការញ៉ាំអាហារ និងពូជសាសន៍។
រោគសញ្ញា
ជំងឺមហារីកមួយប្រភេទនេះ គឺគ្រោះថ្នាក់ខ្លាំងណាស់ ពីព្រោះវាមិនបង្ហាញរោគសញ្ញាអ្វីទាំងអស់ រហូតដល់វាឈានដល់ដំណាក់កាលចុងក្រោយ។ ទោះជាយ៉ាងនេះក្តី គ្នាយើងអាចនឹងសង្កេតឃើញសញ្ញាមួយចំនួន រួមមាន៖
វិធានការការពារ៖ ដើម្បីបញ្ចៀសជំងឺនេះ យើងចាំបាច់ត្រូវញ៉ាំអាហារដែលមានតុល្យភាព មានបែបបទក្នុងការរស់នៅល្អ និងជៀសវាងការជក់បារី។
៣. ជំងឺមហារីកពោះវៀនធំ
ចំណែកឯជំងឺមហារីកមួយប្រភេទនេះវិញ វាតែងតែកើតលើបុរសដែលមានអាយុលើសពី៥០ឆ្នាំ និងកើតឡើងនៅពេលដែលស្រទាប់ខាងក្នុងនៃរន្ធគូទ និងពោះវៀនធំមានការលូតលាស់នៃកោសិកាច្រើនជ្រុល។ ហានិភ័យនៃការកើតជំងឺមហារីកពោះវៀនធំ គឺបង្កឡើងដោយការជក់បារី ជំងឺរលាកពោះវៀន ឬបញ្ហាធាត់ជ្រុល។ កត្តាផ្សេងទៀត មានដូចជាតំណពូជ មិនសូវបញ្ចេញសកម្មភាព កង្វះអាហារដែលមានជាតិសរសៃ និងការញ៉ាំសាច់ក្រហមច្រើនពេក។ ប៉ុន្តែជំងឺមហារីកពោះវៀនធំអាចការពារ ក៏ដូចជាព្យាបាលជាសះស្បើយបាន ប្រសិនបើយើងធ្វើរោគវិនិច្ឆ័យទាន់ពេលវេលា។
រោគសញ្ញា
ជំងឺនេះមិនបង្ហាញរោគសញ្ញានៅដំណាក់កាលដំបូងឡើយ។ ប៉ុន្តែ យូរៗទៅ គ្នាយើងអាចសង្កេតឃើញសញ្ញាទាំងនេះ៖
- ហូរឈាមតាមរន្ធគូទ
- ឈឺពោះ
- បទជើងធំមិនទៀងទាត់
- ស្រកទម្ងន់ និងចុះខ្សោយ
វិធានការការពារ៖ ក្រោយអាយុ៥០ឆ្នាំ ប្រុសៗគប្បីធ្វើលំហាត់ប្រាណជាប្រចាំ ញ៉ាំរបបអាហារត្រឹមត្រូវ គ្រប់គ្រងទម្ងន់ឲ្យបានល្អ ជៀសវាងញ៉ាំគ្រឿងស្រវឹងច្រើនជ្រុល និងជក់បារី។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម