ចង់ពិនិត្យជំងឺមហារីកក្រពេញអូវែ ចុចទីនេះ!
ចង់ពិនិត្យជំងឺមហារីកសួត ចុចទីនេះ!
២. វិធីការពារជំងឺមហារីកមាត់ស្បូន
ជំងឺមហារីកមាត់ស្បូនជានិច្ចកាលអាចការពារបាន ដោយធ្វើការពិនិត្យមាត់ស្បូន(Pap tests) និងពិនិត្យរកវីរុសបង្កជំងឺមហារីកមាត់ស្បូន(HPV)។ ការពិនិត្យនេះគឺរកមើលថាអាចមានសញ្ញាគួរឲ្យសង្ស័យកើតជំងឺមហារីក និងដើម្បីបានទទួលការព្យាបាលទាន់ពេល។ ដូចគ្នាដែរ ស្រីៗយើងអាចបង្ការជំងឺនេះបានដោយចាក់វ៉ាក់សាំងបង្ការវីរុសHPV។
មជ្ឈមណ្ឌលត្រួតពិនិត្យ និងបង្ការជំងឺឆ្លងអាមេរិកហៅកាត់ថាCDC បានបញ្ជាក់ថាវ៉ាក់សាំងបង្ការវីរុសHPV អាចចាក់បានលើក្មេងស្រីចាប់ពីអាយុ១១ឬ១២ឆ្នាំ (ឬអាចត្រឹម៩ឆ្នាំក៏បាន)ទៅដល់អាយុ២៦ឆ្នាំ។ សម្រាប់ស្រីមានវ័យ២៧ ដល់៤៥ឆ្នាំ ដែលមិនធ្លាប់បានទទួលវ៉ាក់សាំងនេះ និងមានចេតនាចង់ចាក់វ៉ាក់សាំងHPV ត្រូវពិភាក្សាជាមួយគ្រូពេទ្យជាមុន ដើម្បីដឹងថាអាចចាក់បានឬយ៉ាងណា។
ក្រៅពីចាក់វ៉ាក់សាំងបង្ការ នៅមានវិធីមួយចំនួនអាចជួយស្រីៗយើងកាត់បន្ថយហានិភ័យកើតជំងឺនេះបានដែរ។
- កុំឆាប់ប្រឡូកក្នុងការរួមភេទនៅវ័យក្មេងពេក
- កុំមានដៃគូរួមភេទច្រើន
- រួមភេទត្រូវប្រើស្រោមអនាម័យ
- ចៀសវាងរួមភេទជាមួយមនុស្សមានដៃគូស្នេហាច្រើន
- កុំជក់ ឬឈប់ជក់បារី