ធ្លាប់ឮ ធ្លាប់ដឹងហើយ ពិសេសស្រីៗគ្នាយើង ពាក់ព័ន្ធជំងឺមហារីកមាត់ស្បូន និងជំងឺកាមរោគកាចសាហាវជាច្រើនទៀត ប៉ុន្តែដឹងអត់ អ្វីជាមូលហេតុបង្កឲ្យមានជំងឺទាំងនេះ។ “Hello គ្រូពេទ្យ’ ប្រាប់ឲ្យដឹងពេលនេះតែម៉ងចុះ មហារីកមាត់ស្បូនដែលសម្លាប់ស្រីៗច្រើនបំផុតលំដាប់ទី ២ លើពិភពលោក បង្កឡើងដោយសារ វីរុស HVP បើអ៊ីចឹង គួរប្រុងប្រយ័ត្ន និងស្វែងយល់ពីវីរុសប្រភេទនេះ និងវិធីការពារទាំងអស់គ្នា។
១- អ្វីទៅជាវីរុស HPV?
HPV មកពីពាក់ពេញ Genital Human Papillomavirus ជាមេរោគងាយជួយប្រទះជាងគេបំផុត ក្នុងចំណោមមេរោគកាមរោគទាំងអស់។ គេរកឃើញថា មេរោគនេះមានប្រមាណជាង ៤០ប្រភេទ ហើយឆ្លងតាមរយៈការរួមភេទ។
HPV ភាគច្រើនមិនបង្កឲ្យមានរោគសញ្ញាអ្វីទាំងអស់ ហើយនឹងបាត់ទៅវិញដោយខ្លួនឯង។ ប៉ុន្តែមានគ្នាយើងជាច្រើន មានការចាប់អារម្មណ៍យ៉ាងខ្លាំងទៅលើមេរោគមួយនេះ ដោយសារដឹងថា អាចបង្កឲ្យកើតមហារីកនៅមាត់ស្បូន ខណៈស្រីៗរាប់លាននាក់ បាត់បង់ជីវិតដោយសារមហារីកប្រភេទនេះក្នុងមួយឆ្នាំៗ។
ក្រៅពីបង្កជាមហារីកមាត់ស្បូន HPV ក៏អាចបង្កជាមហារីកមួយចំនួនផ្សេងទៀត មានដូចជា មហារីកលិង្គ មហារីកទ្វារមាស មហារីករន្ធគូទ ជំងឺសិរមាន់លើប្រដាប់ភេទ និងជំងឺផ្លូវដង្ហើមខាងលើ។ ពេលយើងឆ្លងមេរោគ HPV គឺមិនអាចព្យាបាលជាដាច់បានទេ ប៉ុន្តែអាចព្យាបាលបញ្ហាទាំងឡាយបង្កឡើងដោយមេរោគនេះបាន។
អត្ថបទពាក់ព័ន្ធ៖
- ស្រីៗគួរដឹង! មហារីកស្បូន អាចមកពីកត្តាទាំងនេះ
- ធ្លាប់ឆ្ងល់អត់ តើពេទ្យព្យាបាលមហារីកមាត់ស្បូនដោយវិធីណា?
២- ចាក់វ៉ាក់សាំង HPV សំខាន់ប៉ុណ្ណា?
ការសិក្សារកឃើញថា ក្នុងមួយឆ្នាំៗ ស្រីៗប្រមាណ ១២ ០០០នាក់ នៅអាមេរិក កើតជំងឺមហារីកមាត់ស្បូន ហើយប្រមាណ ៤ ០០០នាក់ បានស្លាប់ដោយសារមហារីកនេះជារៀងរាល់ឆ្នាំ។
វ៉ាក់សាំងការពារមេរោគ HPV អាចការពារយើងពីមេរោគ HPV សំខាន់ៗ ៤ប្រភេទ ខណៈ ៧០% ស្រីៗមានមហារីកមាត់ស្បូន កើតឡើងដោយសារ មេរោគ HPV ២ប្រភេទ ហើយ៩០% គ្នាយើងកើតជំងឺសិរមាន់លើប្រដាប់ភេទ បង្កដោយមេរោគ HPV ២ ប្រភេទផ្សេងទៀត។
ក្រុមវេជ្ជបណ្ឌិតជឿថា វ៉ាក់សាំងការពារមេរោគ HPV អាចការពារយើងពេញមួយជីវិត ប៉ុន្តែដោយសារវ៉ាក់សាំងមិនអាចការពារពីមេរោគ HPV បានគ្រប់ប្រភេទនោះ ចាំបាច់គួរតែទៅពិនិត្យរកមហារីកមាត់ស្បូន។
អត្ថបទពាក់ព័ន្ធ៖ មហារីកមាត់ស្បូន
៣- អ្នកណាខ្លះអាចចាក់វ៉ាក់សាំង HPV បាន?
ក្រុមវេជ្ជបណ្ឌិត បានណែនាំឲ្យក្មេងស្រីអាយុចាប់ពី ១១-១២ ឆ្នាំគួរតែចាក់វ៉ាក់សាំង HPV។ ក្មេងស្រីអាយុ ៩ ឆ្នាំក៏អាចចាក់វ៉ាក់សាំងនេះបានដែរ។ ក្មេងប្រុសអាយុចាប់ពី ៩-២៦ ឆ្នាំ អាចចាក់វ៉ាក់សាំង HPV ប្រភទេ ៤ ដោយចាក់សរុប ៣ ដង។ វ៉ាក់សាំង HPV ប្រភេទ ៤ ត្រូវបានប្រើជាទូទៅ ដើម្បីការពារក្មេងស្រី ពីជំងឺសិរមាន់លើប្រដាប់ភេទ។
៤- ប្រសិទ្ធភាពវ៉ាក់សាំងចំពោះស្រីៗធ្លាប់រួមភេទច្រើន
ស្រីៗគួរតែចាក់វ៉ាក់សាំង មុនពេលចាប់ផ្ដើមប្រលូកប្រឡាក់រឿងរួមភេទ និងមុនពេលប៉ះពាល់ជាមួយមេរោគ HPV។ ខណៈសំណួរសួរថា ស្រីៗរួមភេទច្រើន ចាក់វ៉ាក់សាំងមានប្រសិទ្ធភាព ដែរឬអត់? ចម្លើយគឺមានប្រសិទ្ធភាព គ្រាន់តែមិនសូវមានប្រសិទ្ធភាពដូចស្រីៗមិនទាន់រួមភេទ ដោយសារយើងអាចប៉ះពាល់ជាមួយមេរោគ HPV មួយចំនួនរួចទៅហើយ។
ការសិក្សារកឃើញថា អត្រាស្រីៗរួមភេទច្រើន និងបានចាក់វ៉ាក់សាំង មានកម្រិតឆ្លងមេរោគ HPV តិចតួចបំផុត។
៥- មានផ្ទៃពោះចាក់វ៉ាក់សាំងបានអត់?
គ្នាយើងមានផ្ទៃពោះ មិនគួរចាក់វ៉ាក់សាំងនេះឡើយ ទោះបីជាការសិក្សារកឃើញថា មិនបណ្ដាលឲ្យប៉ះពាល់ដល់បេប៊ីក្នុងផ្ទៃក៏ដោយ។ បើមិនទាន់សម្រាលអូនៗទេ មិនគួរចាក់វ៉ាក់សាំងនេះដែរ។
[embed-health-tool-bmi]
