គ្នាយើងដែលទើបនឹងទិញចំណីអាហារ នំ ថ្នាំពេទ្យ និងសម្ភារៈមួយចំនួនដូចជា កាបូប ស្បែកជើងថ្មីៗ ប្រាកដជាឃើញក្នុងប្រអប់មានកញ្ចប់តូចមួយដែលគេហៅថា ស៊ីលីកាជែល។ ស៊ីលីកាជែល មានដុំតូចៗជាច្រើន ទំហំប៉ុនអង្កាំ ពណ៌ស ក្រហម ខៀវថ្លាៗ រឹងៗ ហើយពេលឃើញអាចនឹងគិតថា របស់អស់ទាំងនោះមានធាតុពុល និងប្រញាប់យកទៅបោះចោល ព្រោះខ្លាចក្មេងៗលេង។ ចុះបើក្មេងៗច្រឡំយកវាដាក់ចូលមាត់ ប៉ះពាល់អ្វីខ្លះ?
បើតាមការបញ្ជាក់អតីតនិស្សិតផ្នែកគីមីចំណីអាហារ នៅវិទ្យាស្ថានបច្ចេកវិទ្យាកម្ពុជា ចាន់ សេដ្ឋា បានឲ្យដឹងថា ថង់ ឬកញ្ចប់ស៊ីលីកាជែល នោះគេទុកប្រើនោះ គឺដើម្បីស្រូបយកជាតិសំណើម និងការពារផលិតផលកុំឲ្យខូចគុណភាព។
លោក ចាន់ សេដ្ឋា បានបន្តទៀតថា ស៊ីលីកាជែល បើក្មេងច្រឡំយកទៅញ៉ាំអាចបណ្ដាលឲ្យក្អួតចង្អោរ ឬស្លាក់ចូលទៅបំពង់ខ្យល់។
ស៊ីលីកាជែល មានទំនាក់ទំនងយ៉ាងខ្លាំងចំពោះម៉ូលេគុលទឹក ហើយត្រូវបានគេប្រើយ៉ាងទូលំទូលាយជាការបន្សុទ្ធ ហើយបើទោះជាត្រូវទឹកក៏ដោយវានៅតែរឹងដដែល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
