តេតាណូស គឺជាជំងឺដ៏ធ្ងន់ធ្ងរមួយដែលបង្កឡើងដោយបាក់តេរី (Clostridium tetani) ធ្វើឲ្យប៉ះពាល់ដល់ប្រព័ន្ធសរសៃប្រសាទ ជាហេតុនាំឲ្យមានការកន្ត្រាក់សាច់ដុំ និងមានការឈឺចាប់ខ្លាំង ជាពិសេស សាច់ដុំថ្គាម និងក។ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា ជំងឺតេតាណូសអាចប៉ះពាល់ដល់ផ្លូវដង្ហើម រហូតគំរាមកំហែងដល់អាយុជីវិតរបស់យើង។